Johannes 1:34 - Dakota Wowapi Wakan Kin

³⁴ He wanmdaka e on mdaotanin; Wakantanka Cinhintku kin hee.

Johannes 1:34 ပူးပေါင်းရင်းမြစ်များ

Mattheos 11:27

Ate taku owasin maqu; unkan tuwedan Cinhintkuyapi kin sdonye śni, Ateyapi un kin hecedan sdonkiya; nakun tuwedan Ateyapi kin sdonye śni, tuka Cinhintku kin hecedan; qa tuwe Cinhintku kin sdonyekiye cin he nakun.

Mattheos 16:16

Unkan Simon Inyan ayupte c̣a; Messiya Wakantanka ni un Cinhintku kin he niye, eya

Mattheos 17:5

Iahan icunhan iho, iyoyanpa maḣpiya wan aowicahanzi, qa iho, maḣpiya kin eciyatanhan wicaho wan heya; Micinkśi waśtewakidake c̣a on iyomakipi ḣince cin he dee ce; anagoptan po

Mattheos 26:63

Tuka Jesus inina yanka. Unkan wośnapi kagapi itancan kin heciya; Wakantanka ni un kin on wacajeciciyate, Messiya Wakantanka Cinhintku kin he niye hecinhan, unkokiyaka miye.

Mattheos 27:40

Qaheyapi; Tipi wakanihangyaye c̣a anpetu yamni ake piya yakage kte ciqon, niic̣iya wo. Wakantanka Cinhintku kin he niye hecinhan, cansusbeca kin etanhan kun ku wo.

Mattheos 27:43

Wakantanka wacinkiye ciqon; tawa kta hecinhan wanna ehdaku kta; Wakantanka Cinhintku kin he miye ce, eye ciqon.

Mattheos 27:54

Unkan akicita tancan qa tona om Jesus awanyake cin hena maka kin śkanśkan qa taku econpi ko wanyakapi qehan, nina yuśinyayapi, qa, Awicakehan Wakantanka Cinhintku kin he dee tuka ce, eyapi.

Mattheos 3:17

Unkan iho, maḣpiya eciyatanhan wicaho wan heya; Micinkśi waśte wakidake cin he dee, on iyomakipi ḣinca ce.

Mattheos 4:3

Unkan wawiyutanyan kin en hi qa heciya; Wakantanka Cinhintku kin he niye hecinhan, inyan kin dena aguyapi icage kta keya wo.

Mattheos 4:6

Qa heciya; Wakantanka Cinhintku kin he niye hecinhan, hetanhan kun eḣpeic̣iya wo; kaken wowapi en kagapi ce; Taohnihde kin niye on econ wicaśi kta, hecen nape ohna niyuhapi kta, inyan wan en siha iboniṭo kte śni.

Mattheos 8:29

Unkan iho, heya howayapi; Jesus Wakantanka Cinhintku, taku unkiyotahedan un he; hinaḣinke śni tuka itokam kakiśunyayapi kta on yahi he.

Markos 1:1

Jesus Messiya Wakantanka Cinhintku kin Wotanin Waśte tawa tokaheya kin he dee.

Markos 1:11

Unkan maḣpiya eciyatanhan wicaho wan tanin, Micinkśi waśtewakidake c̣a tanyan iyomakipi kin he niye ce.

Lukas 1:35

Unkan ohnihde wakan kin waayupte c̣a heciya; Woniya Wakan kin en niu kta, qa Iyotan Wankantu towaśake kin aohanziniye kta, qa hecen taku wakan wan yaton kte cin he Wakantanka Cinhintku kin eciyapi kta.

Lukas 3:22

Qa Woniya Wakan kin wakiyedan kaḣya tantonyan kun u, qa en iyahan; unkan maḣpiya eciyatanhan wicaho wan hiyu, qa heya; Micinkśi waśtewakidake cin he niye; niye on iyomakipi ḣinca.

Johannes 1:18

Tuwedan tohinni Wakantanka wanyake śni; tuka Cinhintku iśnana icaga Atkuku maku ohna un kin he sdonye unkiyapi.

Johannes 1:49

Nathanael ayupte c̣a heciya; Itancan, Wakantanka Cinhintku, Israel oyate Wicaśtayatapi kin he niye.

Johannes 10:30

Miye, qa Atewaye cin unwanjipidan, eya.

Johannes 10:36

Hecen tuwe Ateyapi kin hdnwakan qa makata u śi kin he, Wakantanka Cinhintku kin he miye ce, epe ciqon, heon, Taku śica eha ce, token eyakiyapi kta he.

Johannes 11:27

Han, Itancan; Messiya Wakantanka Cinhintku makata hi kte ciqon he niye e wicawada ce, eciya.

Johannes 19:7

Wowakiconze wan unhapi, wowakiconze unhapi kin eciyatanhan ṭe kta iyececa, Wakantanka Cinhintku keic̣iye cin heon etanhan, Juda oyate kin eya ayuptapi.

Johannes 20:28

Unkan Thomas ayupte c̣a heciya; Itancan mitawa, qa Wakantanka mitawa.

Johannes 20:31

Tuka dena e owapi, heon Jesus he Messiya Wakantanka Cinhintku kin hee e wicayadapi kta; qa wicayadapi kin on, iye caje kin eciyatanhan, wiconi duhapi kta.

Johannes 6:69

Qa Messiya Wakantanka ni un Cinhintku kin he niye e wicaundapi qa sdonunyanpi ye, eya.

Roma 1:4

Qa wowaśake on Wakantanka Cinhintku kin hee e yuotaninpi, Woniya Wakan kin eeiyatanhan, wiconṭe etanhan piya ikicage cin he en;

II. Korinth 1:19

Miye, qa Siluanos, qa Timotheos, Jesus Messiya Wakantanka Cinhintku kin unkoniciyakapi qon he, han, qa hiya, hee śni, tuka iye kin on, han ecedan.

Hebrew 7:3

Atkuku wanica, hunku wanica, qa wicoicage oyakapi kin wanica, anpetu tokaheya wanice c̣a wiconi owihanke wanica, Wakantanka Cinhintku kin iyecen icaḣyapi, qa Wawayuśna ohinniyan yanka.

I. Johannes 2:23

Tuwe Cinhintkuyapi kin wicada śni kin he Ateyapi kin yuhe śni: tuka tuwe Cinhintkuyapi kin oyake cinhan, he Ateyapi kin nakun yuha ece.

I. Johannes 3:8

Tuwe woaḣtani econ ece kin he wakanśica eciyatanhan un; otokaheya tanhan wakanśica kin waḣtani ece. Heon etanhan Wakantanka Cinhintku kin ihdutanin, wakanśica oḣan kin ihangye kte cin heon.

I. Johannes 4:9

Wakantanka canteunkiyapi kin he deciyatanhan tanin, Wakantanka iye Cinhintku iśnana icage cin he makata u śi, heciyatanhan unnipi kta e heon.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.

II. Johannes 1:9

Tuwe waḣtani qa Messiya tawoonspe kin en un śni kin he Wakantanka yuhe śni. Tuwe Messiya tawoonspe kin en un kin he Ateyapi kin yuhe c̣a nakun Cinhintku kin.

Wayuotanin 2:18

Unkan Thuatira ekta okodakiciye ohnihde yuhapi kin he ecen wowapi kicaga wo; Wakantanka Cinhintku, iśta peta ide kin iyecen hduhe c̣a, siha kin mazazi ecedan iyececa hee hecen eya;