Johannes 1:29 - Dakota Wowapi Wakan Kin

²⁹ Anpetu iyokihe hehan Jesus etkiya u kin Johannes wanyake c̣a heya; Tacinca Wakantanka tawa, oyate waḣtanipi kin tokan eḣpeye kte cin he wanyaka po.

Johannes 1:29 ပူးပေါင်းရင်းမြစ်များ

Mattheos 1:21

He cinca ton kta, unkan Jesus eya caśyaton kta; iye taoyate kin waḣtanipi kin etanhan niwicaye kta, heon etanhan.

Mattheos 20:28

He iyececa, Wicaśta Cinhintku wowidake wicayuhe kta on hi śni, tuka idakapi kta, qa wiconi tawa wokajuju kta wicota on wicaqu kta heon hi.

Johannes 1:35

Ake ihanḣanna hehan Johannes waonspewicakiye cin nom om en najin:

Johannes 1:36

Qa Jesus omani wanyake c̣ehan heya; Iho, Tacinca Wakantanka tawa kin he dee ce.

Johannes 1:43

Ihanḣanna kin hehan Jesus Galile heciya ya, unkan Philip wanyake c̣a heciya; Mihakam u wo.

Johannes 2:1

Anpetu iciyamni kin hehan Galile makoce en otonwe wan Kana eciyapi hen kiciyuzapi omniciye kagapi; unkan Jesus hunku kin en opa.

Johannes 3:16

Wakantanka oyate kin cantewicakiya, heon Cinhintku iśnana icage cin wicaqu, qa tuwe awacin kinhan owihanke kte śni, tuka owihanke wanin wiconi yuhe kta.

Johannes 4:42

Qa, Taku odake cin he etanhan wicaundapi kin hee śni, unkiś eya naunḣonpi, Messiya hee qa oyate wanikiye kte cin hee e sdonunyanpi, winoḣinca kin eciyapi.

Johannes 6:51

Aguyapi ni un kin he miye, maḣpiya eciyatanhan wahi; tuwe etanhan yute cinhan owihanke wanin ni kta. Aguyapi wicawaqu kte cin he miceḣpi kin ee, he oyate wicani kta e wicawaqu ce, eya.

Olianyanpi kin 13:39

Qa taku owasin, Moses tawoahope kin niyuowotanpidan kta e okitpani kin hena ee kaeś etanhan, tuwe wicada kinhan iye on owotanna kagapi kta.

Olianyanpi kin 8:32

Wowapi yawa yanke cin iapi kin he dee; Taḣinca wan ktepi kte cin en aipi, qa tacincadan hin wicayuśda kin itokam inina yanke cin, he iyecen iś iye i hdukawa śni.

I. Korinth 15:3

Otokaheya ekta taku iwacu qon he cic̣upi; Waunḣtanipi kin on Messiya ṭe cin, wowapi wakan eye cin ecetu;

II. Korinth 5:21

Tuwe woaḣtani sdonkiye śni un qon he, unkiyepi on woaḣtani kagapi; hecen iye en Wakantanka toowotanna unkicagapi kta.

Galatia 1:4

He iye waunḣtanipi kin on ic̣ic̣u, wicoicage śice cin de etanhan eunhdakupi kta, Wakantanka Ateunyanpi tawacin kin eciyatanhan:

Galatia 3:13

Woope woyaco kin etanhan Messiya eunhdakupi, unkiyepi on iye woyaco ikicaga. Wowapi en hecen kagapi, Tona can en otkeyapi kin hena owasin yacopi ce.

I. Timotheos 2:6

He iye atayedan owasin opewicakiton kta e ic̣ic̣u, anpetu tawa kin waayatanin kte cin heon.

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

Hebrew 1:3

He iye towitan okitanin, qa ouncage okagapi ḣince cin hee, iye towaśake oie kin on taku owasin hduha yanka, he iś iye eciyatanhan waunḣtartipi wopakinte kage c̣ehan, Taku iyotan tanka wankan yanke cin he etapa kin en kiyotanka.

Hebrew 2:17

Heon etanhan taku owasin en, iye hunawanjinwicaye cin iyecen ikicage kte cin he hecetu; hecen taku Wakantanka tawa kin en, Wawayuśna Itancan waonśida, qa wicake kta, qa oyate waḣtanipi kin on wookiye wicakicage kta.

Hebrew 9:28

He iyecen Messiya, wicota waḣtanipi kin yuhe kta e wancadan wayuśnapi; unkan, tona he wanyakapi kta ape yukanpi kin hena niwicaye kta e, woaḣtani codan, inonpa ihdutanin kta.

I. Inyan 1:19

Tuka Messiya we teḣike cin he on, taḣin wanunyanpi cincadan, taku iyaonpepica śni qa ecedan un kin iyececa.

I. Inyan 2:24

Iye ḣinca can akan un qehan, iye tancan kin en waunḣtanipi kin yuha; hecen unkiye woaḣtani eḣpeunyanpi woowotanna en unnipi kta: Iye apapi qon on asniniyanpi ce

I. Inyan 3:18

Messiya iś eya wancadan woaḣtani on kakija, owotanna un kin owotanpidan śni kin hena on, Wakantanka ekta unkaupi kta e heon, wicaceḣpi kic̣un ktepi, tuka Woniya kin on kiniyanpi.

I. Johannes 2:2

Unkan waunḣtanipi wokajuju kin he iye; qa unkiye unkitawapi kin hecedan śni, tuka maka kin owancaya woaḣtani econpi kin hena.

I. Johannes 3:5

Unkan iye ihdutanin qon, waunḣtanipi kin yutokan iyeye kta e heon, he sdonyayapi; qa iye kin woaḣtani takudan en un śni.

I. Johannes 4:10

Wacantkiyapi kin he deciyatanhan, unkiye Wakantanka waśteundakapi kin hee śni, tuka iye canteunkiyapi, qa Cinhintku waunḣtanipi yutokan iyeye kta e on u śi qon hee.

Wayuotanin 1:5

Qa Jesus Messiya etanhan, he waayatanin wicaka, wiconṭe etanhan tokaheya tonpi, qa maka wicaśtayatapi kin Itancan kin hee. Tuwe waśte unkidapi, qa waunḣtanipi kin etanhan iye we kin en unyujajapi,

Wayuotanin 12:11

Unkan hena Aranos we kin he on, qa waayataninpi oie tawapi kin he on ohiyapi, qa wiconṭe hehanyan wiconi tawapi kin waśte kidapi śni.

Wayuotanin 13:8

Unkan tona maka akan unpi cajepi kin wiconi wowapi Amnos, maka kagapi kin hehantanhan wośnapi qon, he tawa kin en ewapi śni kin hena owasin wamanica kin ohodapi.

Wayuotanin 14:1

Hehan wanmdake c̣a, iho, Amnos wan Zion Paha kin akan najin, qa kektopawinge opawinge sanpa kektopawinge wikcemna topa sam kektopawinge topa kici najinpi, iye Atkuku caje kin itepi kin en owapi qon.

Wayuotanin 14:10

He Wakantanka wocantiyahde miniśa tawa kin wocanteptanye miniyatke tawa kin en okaśtan kin hetanhan yatke kta, qa maḣpiya ohnihde owotanna un kin hena wicitokam, qa Amnos kin itokam, peta, caḣdi ko en kakiśyapi kta.

Wayuotanin 14:4

Winoḣinca on aśamwicayapi śni kin hena eepi, tanśna unpi nakaeś. Tona Amnos kin tokiya ye cinhan iyahna yapi kin hena eepi. Wicaśta kin etanhan Wakantanka qa Amnos kin ekta opewicatonpi tokaheya kin hena eepi

Wayuotanin 15:3

Qa Moses Wakantanka taokiye tadowan, qa Amnos kin tadowan kin ahiyayapi, qa heyapi, Itancan, Wakantanka Iyotan waśake cin nioḣan kin tanka, qa wowinihan, tona owotanna un kin en Wicaśtayatapi kin he niye ce, nitacanku kin owotanna qa wicaka.

Wayuotanin 17:14

Qa hena Amnos kin kici kicizapi kta, tuka Amnos kin wicaktedan kta, he itancanpi kin Itancan, qa wicaśtayatapi kin en Wicaśtayatapi kin hee, qa tona om un kin hena wicakicopi, qa wicakaḣnigapi, qa wicakapi.

Wayuotanin 19:7

Heon etanhan piundapi, qa unkiyuśkinpi kta, qa wowitan unqupi kta; Amnos kin tohan tawicu ton kte cin wanna iyehantu, qa winoḣinca kin taku owasin wiyeya ekihnaka.

Wayuotanin 19:9

Hehan hacen emakiya, Kaken wowapi kaga wo, Tona Amnos kin winoḣinca yuze kta omniciye kin en wicakicopi kin hena wicayawaśtepi ce. Hehan ake hecen emakiya, Wakantanka oie wicake cin hena ee.

Wayuotanin 21:14

Qa otonwe conkaśke kin taku akan he cin hena ake nonpa, qa Amnos kin yewicaśi ake nonpa cajepi kin hena en un.

Wayuotanin 21:27

Qa taku wiśamye aśamye cin he en i kte śni, qa taku śicaya econ, qa itonśni kin; tuka tona cajepi kin wiconi wowapi Amnos tawa kin en owicawapi kin henanapidan.

Wayuotanin 21:9

Hehan maḣpiya ohnihde śakowin wiyatke śakowin wicokakije ehake śakowin kin on ojudan yuhapi qon hena etanhan wanji hi, qa omakiye c̣a heya, U wo, winoḣinca wan Amnos kin tawicuye kte cin he cicipazo kta ce.

Wayuotanin 5:6

Hehan wanmdake c̣a, iho, oiyotanke kin cokaya, qa taku ni un topa, hunkawicayapi ko wicacokaya Amnos wan najin, wośnapi iyececa, he śakowin iśta śakowin ko yukan, Wakantanka taniya śakowin maka kin owancaya ye wicayapi kin hena eepi.

Wayuotanin 5:8

Unkan wowapi kin he icu qehan, taku ni un topa kin, qa hunkawicayapi wikcemna nonpa sam topa kin hena Amnos kin itokam makata eḣpeic̣iyapi, otoiyohi candowankiyapi hduhapi, qa nakun mazaskazi wiyatke taku waśtemna on ojudan, wicaśta waśte wocekiye tawapi kin hee:

Wayuotanin 6:1

Unkan Amnos kin ipuspe tokaheya yuḣdoke c̣ehan wanmdaka; unkan taku ni un tope kin wanji, wakinyan hotonpi kin iyecen hotanin qa, U qa wanyaka wo, eya nawaḣon.

Wayuotanin 6:16

Qa inyan ḣe imnija ko hena heciyapi, Unkahinḣpayapi, qa tuwe oiyotanke kin akan kiyotanke cin itehnake kin etanhan, qa Amnos kin wocanniye tawa kin etanhan anaunḣman po:

Wayuotanin 7:14

Unkan, Itancan, niye sdonyaya ce, epa. Unkan hemakiya; Wicokakije tanka etanhan upi qon dena eepi, unkan wokoyake hdujajapi, qa Amnos we kin on hduskapi.

Wayuotanin 7:17

Tuka Amnos kin, oiyotanke cokaya un kin he, hena wonwicaye c̣a, miniḣdoka ni un kin icahda yus awicaye kta: qa hena iśtapi kin etanhan Wakantanka iśtamnihanpe kin owasin wicakipakinte kta.