Johannes 1:26 - Dakota Wowapi Wakan Kin

²⁶ Johannes awicayupte c̣a heya; Miye mini on baptem wicawaqu ece: tuka wanji nayajinpi kin cokaya najin tuka sdonyayapi śni;

Johannes 1:26 ပူးပေါင်းရင်းမြစ်များ

Mattheos 3:11

Miye nihduecetupi kta on mini on baptem cic̣upi; tuka wanji iyotan waśaka mihakam u, he tahanpe kin weciyuhe kta iyemicihantu śni; he qe Woniya Wakan qa peta on baptem nic̣upi kta.

Mattheos 3:6

Unkan Jordan en baptem wicaqu, woaḣtani ohdakapi.

Markos 1:8

Miś miye awicakehan mini on baptem cic̣upi; tuka iye qe Woniya Wakan kin on baptem nic̣upi kta ce.

Lukas 3:16

Hehan Johannes waayupte c̣a owasin hewicakiya; Awicakehan mini on baptem cic̣upi; tuka wanji mikapeya waśaka u, he iye tahanpe hankpan kin weciyuśke kta iyemacece śni; he qe Woniya Wakan peta ko on baptem nic̣upi kta.

Johannes 16:3

Atewaye cin sdonyapi śni, qa miś nakun sdonmayanpi śni, he etanhan henakiya hecen ecanionpi kta.

Johannes 17:25

Ate owotanna, oyate kin sdonniyanpi śni ye, tuka miye sdonciye ciqon, qa dena iś niye e u mayaśi kin he sdonyapi.

Johannes 17:3

Unkan owihanke wanin wiconi kin he dee, wowicake Wakantanka niye e sdonniyanpi kta, qa Jesus Messiya uyaśi qon.

Johannes 8:19

Unkan, Niyate tukte e he, eciyapi. Jesus iś awicayupte, Sdonmayayapi śni, qa nakun Atewaye cin sdonyayapi śni: Miye kin sdonmayayapi unkanś, Ate iś nakun sdonyayapi kta tuka.

Olianyanpi kin 1:5

Awicakehan Johannes mini on baptem wicaqu, tuka tokata anpetu tonana ihan, hehan Woniya Wakan on baptem nic̣upi kta ce, eya.

Olianyanpi kin 11:16

Hehan Itancan oie qon weksuya; Awicakehan Johannes mini on baptem wicaqu, tuka niyepi kin Woniya Wakan on baptem nic̣upi kta ce eye ciqon he.

Olianyanpi kin 19:4

Unkan Palos, Johannes ihduecetupi kte cin on baptem wicaqu, qa oyate kin tuwe u kte cin he wicadapi kta, kewicakiya, he Jesus Messiya kin ee ce, eya.

I. Johannes 3:1

Wanyaka po, Ateyapi kin wocantekiye hinsko tanka unqupi kin, Wakantanka cinca unkekiciyapi kta: heon etanhan wicoicage kin sdonunyanpi śni, iye kin sdonyapi śni qon iyececa.