Johannes 1:19 - Dakota Wowapi Wakan Kin

¹⁹ Unkan Johannes woyake ciqon he dee; Jerusalem etanhan Juda oyate Wośnapi kagapi Lewi wicaśta ko ekta ye wicaśipi qa, Tuwe niye he, eciyapi.

Johannes 1:19 ပူးပေါင်းရင်းမြစ်များ

Johannes 1:7

He wayaotanin hi, Iyoyanpa kin oyake kta; hecen iye eciyatanhan owasin wicadapi kta.

Johannes 10:24

Hehan Juda oyate itan ihdukśan himniciyapi qa heciyapi; Tohanyan wacin akipam yusunyakiyapi he; Messiya kin he niye hecinhan taninyan unkokiyaka po.

Johannes 10:31

Hehan Juda oyate ake inyan icupi, on kininpi kta e heconpi.

Johannes 11:19

Unkan Martha Mary kici yukanpi en Juda oyate wicota magagaye wicaipi, hunkawanjitkupi kin heon.

Johannes 2:18

Hehan Juda oyate ayuptapi qa heciyapi; Tokiya tanhan he oyakihi qa hecanon he.

Johannes 2:20

Waniyetu wikcemna topa qa sam śakpe hehanyan tipi kin de kagapi qa yuśtanpi qon, niye nakaha anpetu iyamnina ekicetu yaye kta he, Juda oyate kin eciyapi.

Johannes 5:10

Heon etanhan Juda oyate kin wicaśta asniyanpi qon heciyapi; Nakaha anpetu wakan; owinja yec̣in kin he hecetu śni ce.

Johannes 5:15

Unkan wicaśta kin he kihde c̣a, Tuwe asniye ciqon he Jesus ee, Juda oyate owicakiyaka.

Johannes 5:16

Heon etanhan Juda oyate Jesus kuwa ayapi, qa anpetu wakan kin icunhan hena econ kin heon ṭeyapi kta e akitapi.

Johannes 5:18

Unkan Juda oyate hehan iyotan Jesus ṭeyapi kta sanpa akitapi, anpetu wakan botica, qa nakun Wakantanka atayedan Ateya keic̣iye cin, Wakantanka kici akiyecen ihdawa kin, heon etanhan.

Johannes 6:41

Heon Juda oyate kin ajijipi; Aguyapi maḣpiya eciyatanhan kun u kin he miye ce, eye ciqon heon etanhan.

Johannes 6:52

Wicaśta kin de iye ceḣpi etanhan unqupi qa untapi kta heye cin, he token okihi kta e heya he, Juda oyate iyakitedan eya hdokinicapi.

Johannes 7:1

Hena iyohakam Jesus Galile en un; Juda oyate ṭe yapi kta akitapi heon Juda makoce en un wacin śni.

Johannes 7:11

Wośnapi kin icunhan Juda oyate odepi qa, Tokiya un he, eyapi.

Johannes 7:15

Unkan Juda oyate kin inihanpi qa heyapi; Wicaśta kin de tokiya tanhan wowapi kin onspe he; tohinni onspekiyapi śni qon.

Johannes 8:22

Unkan Juda oyate kin heyapi; Iye ic̣ikte kta he. Tokiya mde cin heciya dapi oyakitpanipi kta ce, eye cin.

Johannes 8:48

Hehan Juda oyate kin ayuptapi qa heciyapi; Samariya oyate henitanhan, qa Wakanśica niyuhnaśkinyan ce, unkeniciyapi qon he wicaunkapi ce.

Johannes 8:52

Hehan Juda oyate kin heciyapi; Wakanśica niyuhnaśkinyan e dehan iyotan sdonunyanpi. Abraham hee kaeś ṭa, qa wokcanpi kin hena nakun ṭapi; tuka niye, Tuwe mioie yuhe cinhan tohinni wiconṭe ute kte śni ce, eha ce.

Johannes 8:57

Hehan Juda oyate kin heciyapi; Nahaḣin waniyetu wikcemna nizaptan śni, tuka Abraham wandaka he.

Olianyanpi kin 13:25

Unkan Johannes oinyanke kin ihunniye kte cin, hehan hecen eya, Miś matuwe kecannipi he: He miye śni; tuka iho, wanji mihektam u kin he tahanpe siha kin etanhan kiyuśka owakihi śni ce.

Olianyanpi kin 19:4

Unkan Palos, Johannes ihduecetupi kte cin on baptem wicaqu, qa oyate kin tuwe u kte cin he wicadapi kta, kewicakiya, he Jesus Messiya kin ee ce, eya.

I. Johannes 1:5

Hehan wotanin waśte iye eciyatanhan naunḣonpi qa unkoniciyakapi kin, Wakantanka he iyoyanpa, qa otpaza takudan en un śni kin he hee.