Johannes 1:17 - Dakota Wowapi Wakan Kin

¹⁷ Woope kin he Moses wicaqu; tuka wicowaśte wowicake ko hena Jesus Messiya eciyatanhan u.

Johannes 1:17 ပူးပေါင်းရင်းမြစ်များ

Johannes 1:14

Unkan Wicoie kin he wic̣a. ceḣpi kagapi, qa unkiyepi kin en ounyan; qa wootanin tawa kin wanunyakapi, wootanin kin he Atkuku eciyatanhan iśnana icaga tawa kin he iyececa; wowaonśida wowicake ko ojudan.

Johannes 14:6

Unkan Jesus heciya; Canku, qa wowicake, wiconi ko he miye; tuwedan Ateyapi kin en u śni, miye eciyatanhan ecedan en u ece.

Johannes 18:37

Hehan Pilate heciya; Wicaśtayatapi kin henica he. Unkan Jesus ayupte; Wicaśtayatapi hemaca e ecen eha; hemaca kta e on matonpi, qa heon makata wahi, wowicake mdaotanin kta e heon. Tuwe wowicake eciyatanhan un kinhan he miho kin naḣon ece.

Johannes 5:45

Ate en aciyapi kta e kecanmakinpi śni po; Moses he wacinyayapi qon he iye taku iyanioapapi ce.

Johannes 7:19

Moses woope kin nic̣upi śni he; tuka tuweden woope kin ecen ecanonpi śni; taku on ṭemayayapi kta e ayakitapi he.

Johannes 8:32

Kinhan wowicake kin sdonyayapi kta; qa wowicake kin he niciyuśkapi kta ce.

Johannes 9:29

Wakan tanka Moses he okiya sdonunyanpi, tuka wicaśta kin de tokiyatanhan u kin sdonunyanpi śni ce.

Olianyanpi kin 28:23

Unkan anpetu wan cajeyatapi kin he en wicota Palos yanke cin en hipi; unkan iś Wakantanka tokiconze kin yaotanin, qa onspewicakiye c̣a, Moses teope kin wicaśta wokcan ko, etanhan Jesus on wahokonwicakiya, anpao kin etanhan otpaze cin hehanyan.

Olianyanpi kin 7:38

Qa ḣewoskan makoce kin ekta okodakiciye kin kici un qon hee, Sina paha kin etu, maḣpiya ohnihde kin okiye c̣a nakun hunkake wicunyanpi kin; qa be wiconi oie kin unqupi kta e icu.

Roma 6:14

Woaḣtani icimana inidakapi kte śni. Woope kin ihukuya yaunpi śni tuka wowaonśida kin ihukuya.

II. Korinth 1:20

Wakantanka iwahounyanpi kin hena owasin iye en, Han hee, qa iye en Amen, unkiyepi kin etanhan Wakantanka yatanpi kte cin heon.

Galatia 3:17

Unkan miś kaken epe kta; Otokahe ekta wicotakuye Messiya en Wakantanka hdusuta kin he, iyohakam waniyetu opawinge topa sanpa wikeemna yamni ehan woope u kin he tokaheya kin yujuju, qa hecen wahoyapi qon ecetuśniye kta okitpani.

Hebrew 9:22

Woope kin eciyatanhan taku owasin se we on pakintapi; qa we papsonpi śni ehantanhan wokajuja wanica.