Johannes 1:14 - Dakota Wowapi Wakan Kin

¹⁴ Unkan Wicoie kin he wic̣a. ceḣpi kagapi, qa unkiyepi kin en ounyan; qa wootanin tawa kin wanunyakapi, wootanin kin he Atkuku eciyatanhan iśnana icaga tawa kin he iyececa; wowaonśida wowicake ko ojudan.

Johannes 1:14 ပူးပေါင်းရင်းမြစ်များ

Mattheos 1:16

Unkan Jakob Joseph, Mary hihnaku kin, he cincaya; he etanhan Jesus Messiya eciyapi kin icaga.

Lukas 2:11

Anpe dehan Dawid totonwe kin en Wanikiya wan nicitonpi, Messiya Itancan kin he hee.

Lukas 2:7

Hecen cinhintku tokapa kin ton, qa śina on hduskite c̣a, wanunyanpi en wotapi wan en ohnaka; timahen owicakan śni heon etanhan.

Lukas 9:32

Tuka Inyan qa om un kin hena nina iśtinmapi; unkan kiktapi qehan wookitanin tawa kin he wanyakapi, qa nakun wicaśta nonpa kici najinpi kin hena.

Johannes 1:1

Otokahe ekta Wicoie kin hee; Wicoie kin he Wakantanka kici un, qa Wicoie kin he Wakantanka kin ee.

Johannes 11:40

Wicayada kinhan, Wakantanka towitan wandake kta ce, eciciye śni he, Jesus eciya.

Johannes 14:6

Unkan Jesus heciya; Canku, qa wowicake, wiconi ko he miye; tuwedan Ateyapi kin en u śni, miye eciyatanhan ecedan en u ece.

Johannes 14:9

Hehan Jesus heciya; Philip, wanna wanakajatanhan cicipi waun, tuka nahanḣin sdonmayaye śni he; tuwe wanmayake cin he Ateyapi kin wanyaka; hecen tokeca, Ateyapi kin wanyag unyan miye, eha he.

Johannes 17:22

Wowitan mayaqu qon he wanna wicawaqu; hecen on unwanjidan kin iyecen wanjipidan kta.

Johannes 17:24

Ate, tona mayaqu kin hena, tokiya waun kin hen mici unpi kta wacin; hecen wowitan mayaqu qon he wanyakapi kta, wicoicage kin de itokam waśtemayakida kin heon etanhan.

Johannes 18:37

Hehan Pilate heciya; Wicaśtayatapi kin henica he. Unkan Jesus ayupte; Wicaśtayatapi hemaca e ecen eha; hemaca kta e on matonpi, qa heon makata wahi, wowicake mdaotanin kta e heon. Tuwe wowicake eciyatanhan un kinhan he miho kin naḣon ece.

Johannes 2:11

Galile makoce kin hen, Kana otonwe he en, Jesus toka taku wapetokeca econ, qa towitan hdutanin; unkan hecen waonspewicakiye cin wicadapi.

Johannes 3:16

Wakantanka oyate kin cantewicakiya, heon Cinhintku iśnana icage cin wicaqu, qa tuwe awacin kinhan owihanke kte śni, tuka owihanke wanin wiconi yuhe kta.

Johannes 3:18

Tuwe he wacinye cinhan he yacopi kte śni; tuka tuwe wacinye śni kinhan he wanna yacopi; Wakantanka Cinhintku iśnana icage cin he caje kin wacinye śni kin heon etanhan.

Johannes 6:51

Aguyapi ni un kin he miye, maḣpiya eciyatanhan wahi; tuwe etanhan yute cinhan owihanke wanin ni kta. Aguyapi wicawaqu kte cin he miceḣpi kin ee, he oyate wicani kta e wicawaqu ce, eya.

Johannes 8:32

Kinhan wowicake kin sdonyayapi kta; qa wowicake kin he niciyuśkapi kta ce.

Olianyanpi kin 13:33

He cincawicayapi unkiyepi kin en, Wakantanka ecetukiya, Jesus piya icaḣkiye cin hee on; hecen odowan icinonpa kin en kaken owapi qon, Micinkśi kin he niye, anpe dehan cinca cicaga ce.

Roma 8:3

Woope kin wicaceḣpi eciyatanhan waśake śni un qon he taku okihi śni kin hee Wakantanka econ, iye Cinhintku wicaceḣpi waḣtani ouncage kin en hiyuya, woaḣtani on, qa wicaceḣpi kin en woaḣtani yaco.

Roma 9:5

Qa hunkake wicayapi kin etanhanpi kin hena eepi, qa hena etanhan wicaceḣpi eciyatanhan Messiya inapa, he owasin iwankam Wakantanka kin ee, owihanke wanin wowaśte yulia nunwe.

I. Korinth 15:47

Wicaśta tokaheya kin he maka etanhan un, qa maka kin heca; Wicaśta iyokihe kin he Itancan maḣpiya eciyatanhan un kin hee.

II. Korinth 12:9

Hehan, Mitowaonśida kin iyonihi kta, qa mitowaśake kin he wowaśake śni kin en hduśtanpi ce, emakiya. Hecen Messiya towaśake kin miye en miciun kte cin, heon makakije cin on iyuśkinyan imawinkta kta.

Galatia 4:4

Tuka wanna anpetu iyehantu qehan, Wakantanka iye Cinhintku kin u śi, winoḣinca wan etanhan icage c̣a woope kin oḣdateya kagapi.

Ephesos 3:8

Miye tona owotanna un kin owasin en iyotan macistinna, tuka wowaonśida kin de maqupi, Ikcewicaśta kin ekta Messiya tawoyuha okaḣniḣpica śni kin he omdake kte cin hee:

Kolosse 1:19

Iye ohna taku ocowasin ounye kte cin he Atkuku kin iyokipi.

Kolosse 2:3

Iye en woksape, qa wookahnige woyuha kin owasin naḣmanpi.

Kolosse 2:9

Iye kin ohna tancanyan Taku Wakan kin ocowasin ounyan.

I. Timotheos 3:16

Unkan he taku aiepica śni, Wakantanka awacinpi kin he wowiyukcan tanka; Wakan tanka wicaceḣpi en ihdutanin qon, Woniya kin on yaowotanna kagapi, maḣpiya ohnihde kin wanyakapi, Ikcewicaśta kin ekta oyakapi, wicoicage kin en wicadapi, qa wowitan kin ekta wankan ehdakupi.

Hebrew 1:3

He iye towitan okitanin, qa ouncage okagapi ḣince cin hee, iye towaśake oie kin on taku owasin hduha yanka, he iś iye eciyatanhan waunḣtartipi wopakinte kage c̣ehan, Taku iyotan tanka wankan yanke cin he etapa kin en kiyotanka.

Hebrew 1:5

Micinkśi kin he niye, anpetu kin de cinca cicaga ce, maḣpiya ohnihde kin tukte wanji eciya he. Qa ake, He atemaye kta, qa miye cinkśiwaye kta ce.

Hebrew 10:5

Heon etanhan, makata hi qehan, Wośnapi, taku wicaqupi ko yacin śni, qa tancan wan miyecaga ce, eya.

Hebrew 2:11

Hecen tuwe wicayuecedan, qa tona yuecepidan kin hena owasin okonwanjipidan; heon etanhan hena hunkawanjin wicakiya kewicakiye kta iśtece śni;

Hebrew 5:5

He iyecen, Messiya iś eya Wawayuśna itancan kta e ihdutan śni; tuka tuwe, Micinkśi kin he niye, anpe dehan cinca cicaga ce, eciye ciqon hee hecon.

I. Johannes 4:14

Unkan wanunyakapi, qa Ateyapi kin Cinhintku ukiya, wicoicage kin ekta, Wanikiya hee kta e he unyaotaninpi.

I. Johannes 4:9

Wakantanka canteunkiyapi kin he deciyatanhan tanin, Wakantanka iye Cinhintku iśnana icage cin he makata u śi, heciyatanhan unnipi kta e heon.

II. Johannes 1:7

Wanna wicahnaye sa ota wicoicage kin ehna iyayapi, hena Jesus Messiya wicaceḣpi un hi qon oyakapi śni. He wicahnaye sa qa Messiya kipajin kin heca.

Wayuotanin 19:13

Qa wokoyake we en oputkanpi kin heca koyaka: Qa Wakantanka Oie kin eciyapi.

Wayuotanin 21:3

Unkan maḣpiya kin eciyatanhan wicaho wan tanka nawaḣon, kaken eya, Wanyaka wo, Wakantanka wakeya tawa kin wicaśta kin ehna han, qa iye hena om ti kta, qa hena e oyate tawawicaye kta, qa Wakantanka ḣince cin hena om un kta, qa Wakantanka tawapi kta.