Johannes 1:1 - Dakota Wowapi Wakan Kin

¹ Otokahe ekta Wicoie kin hee; Wicoie kin he Wakantanka kici un, qa Wicoie kin he Wakantanka kin ee.

Johannes 1:1 ပူးပေါင်းရင်းမြစ်များ

Mattheos 1:23

Iho, witanśna un wan ihduśake c̣a cinca ton kta; unkan Emmanuel eya caśtonpi kta; Wakantanka unkicipi un, eyapi kin he kapi.

Lukas 24:53

Qa ohinniyan tipi wakan kin ohna ece yukanpi, Wakantanka yatanpi qa yawaśtepi ece. Amen.

Johannes 1:14

Unkan Wicoie kin he wic̣a. ceḣpi kagapi, qa unkiyepi kin en ounyan; qa wootanin tawa kin wanunyakapi, wootanin kin he Atkuku eciyatanhan iśnana icaga tawa kin he iyececa; wowaonśida wowicake ko ojudan.

Johannes 1:18

Tuwedan tohinni Wakantanka wanyake śni; tuka Cinhintku iśnana icaga Atkuku maku ohna un kin he sdonye unkiyapi.

Johannes 1:2

He otokahe ekta Wakantanka kici un.

Johannes 16:28

Atewaye cin eciyatanhan wau, qa oyate kin de en wicawahi Ake oyate kin eḣpewicawaye kta qa Ate ekta wahde kta.

Johannes 17:5

Unkan nakaha, Ate niye kin on miye mahdutan wo, wicoicage wanice cin he itokam wowitan niyeci hduha waun qon heon.

Johannes 20:28

Unkan Thomas ayupte c̣a heciya; Itancan mitawa, qa Wakantanka mitawa.

Johannes 8:58

Jesus hewicakiya; Wowicake, wowicake eciyatanhan heciciyapi; Abraham un qon he itokam wanna waun ce, eya.

Roma 9:5

Qa hunkake wicayapi kin etanhanpi kin hena eepi, qa hena etanhan wicaceḣpi eciyatanhan Messiya inapa, he owasin iwankam Wakantanka kin ee, owihanke wanin wowaśte yulia nunwe.

Ephesos 3:9

Qa wowiyukcan kin otokahe wanin ehantanhan Wakantanka, taku owasin Jesus Messiya on kage cin, he en naḣmanpi qon hee takodakiciyapi kin he owasin sdonye wicawakiye kta.

Philippi 2:6

He Wakantanka ouncage kin en un, qa Wakantanka kici akidecen yanka keic̣iye cin he wawicakipi śni kecin.

Kolosse 1:15

Wakantanka wanyagpica śni un kin ouncage kin hee, qa taku kagapi kin owasin en tokapa kin hee:

Kolosse 1:17

Qa taku owasin itokatam un kin he iye, qa he on taku owasin ecen han:

I. Timotheos 3:16

Unkan he taku aiepica śni, Wakantanka awacinpi kin he wowiyukcan tanka; Wakan tanka wicaceḣpi en ihdutanin qon, Woniya kin on yaowotanna kagapi, maḣpiya ohnihde kin wanyakapi, Ikcewicaśta kin ekta oyakapi, wicoicage kin en wicadapi, qa wowitan kin ekta wankan ehdakupi.

Titos 2:13

Qa wacinyanpi waśte ape unyakonpi kta, Wakantanka iyotan tanka, qa Jesus Messiya Wanikiya unhapi kin he wowitan hduna taniniciye kte cin hee.

Hebrew 13:8

Jesua Messiya, ḣtanihan qa nakaha okonwanjidan, qa owihanke wanice kta.

Hebrew 7:3

Atkuku wanica, hunku wanica, qa wicoicage oyakapi kin wanica, anpetu tokaheya wanice c̣a wiconi owihanke wanica, Wakantanka Cinhintku kin iyecen icaḣyapi, qa Wawayuśna ohinniyan yanka.

II. Inyan 1:1

Simon Inyan, Jesus Messiya tawowidake qa yeśi qon he, tona Wakantanka unkitawapi toowotanna kin on, qa Jesus Messiya Wanikiye cin eciyatanhan, unkiye unhapi kin iyecen wowacinye teḣika yuhapi kin hena wowapi wicakicaga.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.

I. Johannes 5:7

Maḣpiya kin ekta yamni wayaotaninpi ece, Ateyapi kin, Wicoie kin, qa Woniya Wakan kin; unkan hena yamni wanjipidan.

Wayuotanin 1:11

He kaken eya, Alpha qa Omega, tokaheya qa ehake kin he miye ce. Taku wandake cin wowapi ecen kage c̣a, Asia ekta okodakiciye kin iwahowicaya wo; Ephesos, qa Smurna, qa Pergamos, qa Thuatira, qa Sardis, qa Philadelphia, qa Laodikia.

Wayuotanin 1:17

He wanmdaka, unkan ṭa wanke cin iyecen siha hde kin en mahinḣpaya. Hehan iye nape etapa kin on omayutan qa, Ihnuhan koyakipe cin, emakiya; Tokaheya qa ehake kin ho miye;

Wayuotanin 1:2

He Wakantanka oie kin, qa Jesus Messiya wohdake cin, taku tona wanyake cin hena yaotanin.

Wayuotanin 1:8

Alpha qa Omega, otokahe qa owihanke kin he miye ce; Itancan un, qa un qon, u kta, iyotan waśake cin he hena hecen eya.

Wayuotanin 19:13

Qa wokoyake we en oputkanpi kin heca koyaka: Qa Wakantanka Oie kin eciyapi.

Wayuotanin 2:8

Unkan Smurna ekta okodakiciye ohnihde yuhapi kin he ecen wowapi kicaga wo; Tuwe tokaheya qa ehake un kin, ṭe c̣a ake kini kin hee hecen eya;

Wayuotanin 21:6

Qa ake kaken emakiya, Wanna henakeca. Alpha qa Omega, otokahe qa owihanke kin he miye ce. Tuwe ipuza kinhan he wiconi mini ḣdoka kin etanhan iyunwin codan yatke wakiye kta.

Wayuotanin 22:13

Alpha qa Omega, tokapa qa hakakta, otokahe qa owihanke kin he miye ce.

Wayuotanin 3:14

Unkan Laodikia ekta okodakiciye ohnihde yuhapi kin he ecen wowapi kicaga wo; Tuwe Amen eciyapi, waayatanin owotanna, qa wicaka, Wakantanka woicage tawa otokahe kin hee hecen eya;