Jakob 5:20 - Dakota Wowapi Wakan Kin

²⁰ Tuwe wicaśta waḣtani sa wan canku onuni kin etanhan yuhomni kinhan, he wicanagi wan wiconṭe etanhan eyaku kta, qa woaḣtani ota akaḣpe kta e he sdonkiye kta.

Jakob 5:20 ပူးပေါင်းရင်းမြစ်များ

Johannes 5:24

Wowicake, wowicake eciyatanhan heciciyapi, Tuwe mioie kin anagoptan, qa u maśi kin he awacin kinhan, owihanke wanin wiconi yuhe kta; qa woyaco en i kte śni, wanna wiconṭe etanhan wiconi ekta e i.

Roma 11:14

Hecen tona miceḣpi etanhanpi kin hena inaḣni wicawaye kta, kinhan wanjikji ni wicawaye kta.

I. Korinth 1:21

Hecen Wakantanka toksape kin on, wicoicage kin de wicoksape eciyatanhan Wakantanka sdonyapi śni qehan, wowahokonkiye wowitkotkoke cin on, tona wacinyanpi kinhan hena ni wicaye kta Wakantanka iyokipi.

I. Korinth 9:22

Torik waśake śni kin hena en waśake śni se emaceca, tona waśake śni kin hena owicawakihi kta. Wicaśta owasin en taku owasin un kin hemaceca, wanjikji ni wicawaye kte cin heon.

I. Timotheos 4:16

Atayedan awaic̣icin, qa woonspe nitawa kin awakicin wo, he hduha wo. Hecanon kinhan ninic̣iye c̣a, tona naniḣonpi kin hena nakun niwicayaye kta.

Philemon 1:19

Palos he miye, minape kin on de owawa, he miye wakajuju kta. Qa taku miyecicajuju śni, niye atayedan ocowasin yaun kin he caje mdate śni.

Jakob 1:15

Hehan wocantiheye śice cin icage cinhan woaḣtani kaga; qa woaḣtani yuśtanpi eca, wiconṭe icaḣya ece.

Jakob 1:21

Heon etanhan, wicowaḣteśni kin owasin, qa taku śica iyatahdepi kin eḣpeya po; qa wicoie ninagipi niye kta okihi kin he onśiic̣iya icu po.

Jakob 5:15

Unkan wacinyan cekiyapi kin he wayazanke cin asniye kta; qa Itancan kin he najinkiye kta; qa woaḣtani econ hecinhan, hena kicicajujupi kta.

Jakob 5:19

Mihunkawanji, wanji enitanhanpi wowicake kin etanhan nuni, qa tuwe he ake ekta yuhomni kinhan,

I. Inyan 4:8

Qa taku owasin isanpa niye iyakitedan nina cantekiciya po; wacantkiyapi kin he woaḣtani ota akaḣpe kta.

Wayuotanin 20:6

Tuwe piya iwicacage tokaheya kin en ope cinhan he yawaśtepi qa owotanna un. Hena wiconṭe inonpa kin iyowicahi kte śni, tuka Wakantanka qa Messiya kin ekta wawayuśnapi kin heca wicayawapi kta, qa kici ounyanpi kta, waniyetu kektopawinge hehanyan.