Jakob 5:15 - Dakota Wowapi Wakan Kin

¹⁵ Unkan wacinyan cekiyapi kin he wayazanke cin asniye kta; qa Itancan kin he najinkiye kta; qa woaḣtani econ hecinhan, hena kicicajujupi kta.

Jakob 5:15 ပူးပေါင်းရင်းမြစ်များ

Mattheos 17:20

Unkan Jesus hewicakiya; Wacinyayapi śni heon; awicakehan heciciyapi; Sinape su wanjidan hinskokeca wacinyayapi unkanś, paha kin de, Detanhan tokan iyaya wo, eyakiapi kta; unkan tokan iyaye kta, qa taku oyakitpanipi wanice kta.

Johannes 5:14

Hehan iyohakam tipi wakan en wicaśta kin he Jesus wanyaka, unkan, Wanyaka ye, wanna anisni; icimana waḣtani śni wo; okinni ake taku wanji śica sanpa tanka iyanihde kta ce, eciya.

Johannes 6:39

Atewaya u maśi kin he tawacin kin he dee, tona maqu kin wanjidan toki eḣpewaye śni, ecen anpetu ihankeya kin piya icaḣwaye kta.

I. Korinth 1:21

Hecen Wakantanka toksape kin on, wicoicage kin de wicoksape eciyatanhan Wakantanka sdonyapi śni qehan, wowahokonkiye wowitkotkoke cin on, tona wacinyanpi kinhan hena ni wicaye kta Wakantanka iyokipi.

II. Korinth 4:14

Qa tuwe Jesus Itancan kin piya ekicetu ye ciqon, he Jesus eciyatanhan, ake ekicetu unyanpi kta, qa niyepi kin om sutaya he unkiyapi kta e sdonunyanpi.

Jakob 1:6

Tuka takudan ceṭunhda śni wacinyan kida kta; tuwe waceṭunhda kin he miniwanca taja kin iyececa, tateyanpa kaśkanśkan qa kaḣoya eḣpeye cin.

Jakob 5:13

Niyepi kin etanhan wanji kakija he; wocekiye eye kta. Wanji wiyuśkin he; odowan ahiyaye kta.

Jakob 5:16

Wayaḣtanipi kin otoiyohi okiciciyakapi qa otoiyohi wocekiye ekiciciya po, hecen anisnipi kta. Wicaśta owotanna nina waśagya cekiye cin he taku tanka okihi ece.

Jakob 5:20

Tuwe wicaśta waḣtani sa wan canku onuni kin etanhan yuhomni kinhan, he wicanagi wan wiconṭe etanhan eyaku kta, qa woaḣtani ota akaḣpe kta e he sdonkiye kta.