Jakob 3:17 - Dakota Wowapi Wakan Kin

¹⁷ Tuka woksape wankantanhan un kin he tokaheya ecedan, hehan wokiyapi kaga, waḣbadan, waanagoptan, wowaonśida qa waskuyeca waśte on ojudan, owotanna wiyukcan qa owotanna wohdaka ece.

Jakob 3:17 ပူးပေါင်းရင်းမြစ်များ

Mattheos 23:28

He iyecen niyepi wicaśta ekta akantanhan owotanna yaunpi seececa, tuka mahentanhan wanaic̣iḣmanpi qa woowotanna śni on onijupidan.

Mattheos 5:8

Tona cante en ecepidan kin hena wicayawaśtepi; hena Wakantanka wanyakapi kta.

Mattheos 5:9

Tona wookiye kagapi kin hena wicayawaśtepi; hena Wakantanka cinca ewicakiyapi kta.

Lukas 21:15

Wicai wicoksape ahna cic̣upi kta, hecen tokaniyanpi kin tuwedan taku iennihdepi kte śni, qa iyakapeniyanpi kte śni.

Lukas 6:36

Hecen Niyatepi kin iś token waonśida kin niś eya he iyecen waonśida po.

Johannes 1:14

Unkan Wicoie kin he wic̣a. ceḣpi kagapi, qa unkiyepi kin en ounyan; qa wootanin tawa kin wanunyakapi, wootanin kin he Atkuku eciyatanhan iśnana icaga tawa kin he iyececa; wowaonśida wowicake ko ojudan.

Johannes 1:47

Jesus Nathanael en u wanyake c̣a he on heya; Wanyaka po, Israel wicaśta ḣinca wan he dee, wicahnaye wanin un ce.

Olianyanpi kin 11:24

He wicaśta waśte, qa Woniya Wakan wacinyanpi ko on ojudan. Unkan wicota Itancan kin opapi.

Olianyanpi kin 9:36

Unkan Joppa ekta waonspekiyapi wan Tabitha eciyapi, he Tatokadan eyapi kin he kapi; winohinca kin he oḣan waśte qa taku wacantkiya econ kin ojudan:

Roma 12:18

Tohanyan oyakihipi kinhan, wicaśta owasin om wookiye yakon po.

Roma 12:9

Wacantkiyapi kin he wohnaye wanin un nunwe. Taku śice cin he śice dakapi, qa taku waśte kin he en iyaihdaśka po.

Roma 15:14

Mihunkawanji niyepi on awacin manka, wowaśte onijupidan, qa wosdonye owasin on oju niyanpi, hecen otoiyohi wahokonyeciciyapi kta oyakihipi.

I. Korinth 12:8

Woniya kin wicaśta wan woksape wicoie kin qu ece; qa wanji iś wosdonye wicoie kin, hena Woniya wanjidan etanhan.

II. Korinth 10:1

Palos he miye, Messiya waḣbayedan qa wacintanka heon ceciciyapi ce, niyepi ekta onśiḣanyan waun, tuka en waun śni ehantanhan, niyepi on wadimataka;

II. Korinth 6:6

Ecedan unpi kinon, wosdonye kin on, tehan apepi kin on, wacantkiyapi kin on, Woniya Wakan kin on, awicakehan waśtedakapi kin on;

II. Korinth 7:11

Wanyaka po, Wakantanka eciyatanhan iyoniciśicapi kin he itonpeya nicagapi, waayuptapi, qa wośihda, qa wokokipe, qa cante en hiyeyapi, qa winawizipi, qa hdajujupi kin hena niyepi en icaḣniciyapi; taku owasin on, he econpi qon en, takudan iyanionpapi śni yaunpi e nihduotaninpi.

II. Korinth 9:10

Tuwe woju kin ojupi yuhekiya ece kin he aguyapi woyute yayapi kte cin nic̣upi, qa taku oyajupi kin icaḣ niciyapi, qa nitoowotanna waskuyeca kin niciyuotapi nunwe.

Ephesos 5:9

Woniya tawaskuyeca kin he wowaśte owasin, qa wicoowotanna, qa wowicake kin en un:

Philippi 1:11

Qa wicoowotanna waskuyeca kin on ojudan yaunpi nunwe, hena Jesus Messiya on Wakantanka woyatan qa wowitan tawa kin ee.

Philippi 4:8

Unkan ehake mihunkawanji, taku wicakapi kin, taku yuonihanpi kin, taku owotanna kin, taku wakan kin, taku waśte dapica kin, taku waśte eyapi kin, wowaśte qa wowitan yuke cinhan, hena awacin po.

Kolosse 1:10

Hecen taku iyokipi kin owasin on, Itancan kin en tanyan mayanipi kta, wicoḣan waśte owasin en, waskuyeca icaḣyayapi, qa Wakantanka sdonyapi kin en sanpa inicagapi kta.

I. Thessalonike 2:7

Tuka niyepi cokaya waḣbadan unkanpi, azinkiya wan cinca icaḣwicakiye cin he iyecen.

I. Timotheos 5:21

Wakantanka itokam, qa Jesus Messiya Itancan kin, maḣpiya ohnihde wicakaḣnigapi kin hena ko wicitokam wahokonciciya, dena taku kin ecinśniyan wiyukcanpi wanin ecanon kta, qa wicaśta iwanyakapi kte cin on etanhan takudan ecanon kte śni.

II. Timotheos 2:24

Unkan Itancan taokiye kin he wicakis un kte śni; tuka owasin en waḣbayedan un kta, waonspekiye c̣a, wawacinkta yuza tanka kta:

Titos 1:15

Tona ecedan unpi kin hena taku owasin ecedan yuhapi, qa tona aśapapi qa wicadapi śni kim hena taka ecedan kin takudan yuhapi śni, tuka tawacinpi nagipi ko hena ee kaeś aśapapi.

Titos 3:2

Tuwedan yaśicapi kte śni, qa wicakizapi kte śni, tuka waḣbayedan unpi, qa wicaśta owasin on wacin tankapi kta.

Hebrew 12:11

Wiyopewicayapi kin owasin en icunhan woiyokipi śni, tuka woiyokiśice; tuka ihakam tona hecawicakiconpi kin en wicoowotanna waskuyeca wookiye kin icaḣwicakiya ece.

Hebrew 12:14

Owasin en wookiye akita po, qa nakun wowakan kin, he tuwe yuhe śni kinhan Itancan kin wanyake kte śni.

Jakob 1:17

Taku wicaqupi waśte qa yuśtanpi kin owasin wankantanhan un, qa iyoyanpa Ateyapi kin eciyatanhan kun u ece; iye qe tokeca śni, qa yuhomnipica śni ḣinca.

Jakob 1:5

Niyepi etanhan tuwe woksape nice cinhan, Wakantanka kida kta, iye owasin iyukic̣uya wicaqu ece, qa iyopewicaye śni; unkan qupi kta.

Jakob 2:13

Tuwe waonśida śni kin he wowaonśida wanin woyaco ecedan qupi kta; qa wowaonśida woyaco kin kapeya iyuśkin ece.

Jakob 2:4

Otoiyohi tanyan canteyeciyuzapi śni, qa wicotawacin śica eciyatanhan widukcanpi śni he.

Jakob 3:15

Wicoksape kin he wankantanhan u śni; tuka maka kin etanhan, wicaceḣpi etanhan, qa wakanśica iyececa.

Jakob 4:8

Wakantanka ikiyedan u po, hecen iś nikiyepidan u kta. Waḣtanipi sa, nape hdujaja po; qa wacin ninonpapi kin, cante hduecepidan po.

I. Inyan 1:22

Woniya kin eciyatanhan wowicake anayagoptanpi kin heon nagi nihduskapi, hunkawanjinkiciyapi kin awicakehan waśtewicayadakapi kta, heon cante ecedan on otoiyohi nina waśtekicidaka po.

I. Inyan 2:1

Heon etanhan, wocanniye owasin, qa wohnaye ocowasin, qa woanakiḣbe, qa wowinawizi, qa iapi śica iyuḣpa eḣpeya po;

I. Inyan 2:18

Wowidake yaunpi kin, tona niyuhapi kin ocowasin kokipeyahan anawicagoptan po, tona waśte qa waḣbadan kin hecedan śni, tuka tona ksizece cin hena nakun.

I. Johannes 3:18

Micinca cikcistinpidan, wicoie qa wicaceji ecedan on wacanunkiyapi kte śni, tuka wicoḣan qa wowicake kin on.

I. Johannes 3:3

Unkan tuwe hecen wacinyan canteyuze cinhan ihduecedan ece, iye kin ecedan un kin iyecen.