Jakob 2:5 - Dakota Wowapi Wakan Kin

⁵ Naḣon po, mihunkawanji waśte; Wakantanka maka akan waḣpanicapi kin hena wicakaḣniga he, wacinyanpi on wijicapi, qa tona iye waśtedakapi wokiconze iwahowicaye ciqon he tawayapi kte cin.

Jakob 2:5 ပူးပေါင်းရင်းမြစ်များ

Mattheos 11:5

Iśtagongapi kin tonwanpi ece, huśtepi kin manipi ece, tona lepros ececapi kin ska wicakagapi ece, ṭapi kin kinipi ece, qa tona onśikapi kin hena wotanin waśte owicakiyakapi ece.

Mattheos 25:34

Hehan Wicaśtayatapi kin tona etapa eciyatanhan unpi kin hena hewicakiye kta; U po, Ate eciyatanhan niyawaśtepi kin, wokiconze maka kagapi kin ehantanhan wiyeya niciyankapi kin he ito hduha po.

Mattheos 5:3

Tona cante mahen onśiic̣idapi kin hena wicayawaśtepi ce; maḣpiya wokiconze kin he tawapi ece.

Markos 7:14

Unkan oyate kin owasin wicakico, hehan hewicakiya; Owasin anamagoptan po, qa okaḣniga po.

Lukas 12:21

Tuwe woyuha kihnaka, tuka Wakantanka ekta wijice śni kin he he kicica ce, eya.

Lukas 12:32

Optaye cistinna kin, wikopapi śni po; wokiconze kin hee nic̣upi kta e Ateyayapi kin iyokipi ece.

Lukas 16:22

Unkan waḣpanica kin he ṭa; qa maḣpiya ohnihde kin Abraham maku kin ekta ayapi. Wicaśta wijica qon iś eya ṭa, qa ḣapi.

Lukas 16:25

Tuka Abraham heya; Cinś, yani qon he ehan taku waśteśte yahduha, qa Lazaros taku śikśica yuha, he kiksuya wo; tuka nakaha iye kicanptapi qa niye kakiśniyanpi.

Lukas 22:29

Heon Atewaye cin he wokiconze wan maqu kin he iyecen cic̣upi:

Lukas 6:20

Unkan waonspewicakiye cin awicatonwe, c̣a heya; Niwaḣpanicapi kin niś niyawaśtepi ce; Wakantanka tokiconze kin he niye nitawapi.

Johannes 7:48

Wicaśta itancanpi kin wanjikji qa Pharisee ko he wicadapi he.

Olianyanpi kin 7:2

Unkan iye hehan heya; Wicaśta hunkawanjinciyapi, ateciyapi ko anamagoptan po. Wowitan Wakantanka kin, Abraham ateunyanpi Mesopotamia en ounye ciqon, Carran en ahiti kin he itokam, en ikpazo;

Roma 8:17

Unkan uncincapi kinhan tawayapi kte cin heuncapi; Wakantanka tawayapi; Messiya kici tawayapi kte cin; kici unkakijapi kinhan, nakun kici wowitan unhapi kta ce.

I. Korinth 2:9

Tuka wowapi qon iyececa; Tona Wakantanka waśtedakapi kin taku wicakiciyuśtan kin he wiciśta kin tohinni wanyake śni, qa wicanoge on naḣonpi śni, qa wicaśta cante kin mahen iyoḣpaye śni.

II. Korinth 4:15

Niyepi kin on etanhan taku owasin ecen un, hecen wowaonśida tanka kin, wicota wopida eyapi kin on sanpa ota aye kta, Wakantanka towitan kin on.

II. Korinth 6:10

Iyokiśicapi iyeuncecapi, tuka ohmniyan wiunyuśkinpi; waḣpanicapi kin iyeuncecapi, tuka wicota watonka wicunkagapi; takudan yuhapi śni kin iyeuncecapi, tuka taku owasin untonpi.

II. Korinth 8:9

Jesus Messiya Itancan unkiyapi towaonśida kin he sdonyayapi, watonka tuka niyepi on waḣpaniic̣iya, hecen iye waḣpanica kin on winijicapi kta.

Ephesos 1:18

Nitawacinpi iśta kin iyoyam niyanpi kta, hecen nicopi wowacinye kin he taku kin e sdonyayapi kta, qa tona owotanna un kin taku tawapi kte cin wowitan wijica kin he taku;

Ephesos 3:8

Miye tona owotanna un kin owasin en iyotan macistinna, tuka wowaonśida kin de maqupi, Ikcewicaśta kin ekta Messiya tawoyuha okaḣniḣpica śni kin he omdake kte cin hee:

I. Thessalonike 2:12

Wakantanka iye tokiconze, qa towitan kin en nicopi kin, he iyokipiya mayanipi kte cin heon.

II. Thessalonike 1:5

Wakantanka tawoyaco owotanna wowapetokeca kin he dee, nicakijapi kin heon Wakantanka tokiconze kin iyehantu niyawapi kta.

I. Timotheos 6:18

Taku waśte ece econpi kta, wicoḣan waśte ijicapi kta, wapamnipi, qa wawicaqupi ṭawatenyapi kta;

II. Timotheos 4:18

Nakun Itancan kin wicoḣan śica owasin etanhan emahdaku kta, qa wokiconze maḣpiya ekta un kin he en nimaye kta. He iye wowitan owihanke wanin kiciun nunwe.

II. Timotheos 4:8

Qa tokata, woowotanna wateśdake wan mihnakapi, he Itancan wayaco owotanna kin maqu kta, anpetu kin he en; qa miye miśnana śni, tuka tona iye taninic̣iye kte cin waśtedakapi kin hena owasin koya.

Hebrew 11:26

Messiya on aiapi kin he, woyuha Egupta en un kin sam iyeya wowijice tanka daka; wokajuju iyunwin kin he awacin kin heon etanhan.

Jakob 1:12

Wicaśta iyutanyanpi kin he yawaśtepi ece; tohan tanyan yukcanpi kinhan, hehan wiconi wateśdake, Itancan kin tona waśtedakapi iwahowicaye ciqon, hee icu kta.

Jakob 1:16

Mihunkawanji waśte, ic̣ihnayanpi śni po.

Jakob 1:19

Heon etanhan, mihunkawanji waśte, wicaśta otoiyohi wanaḣon oḣanko kta, ie kapin kta, qa wacintanka kte:

Jakob 1:9

Hunkawanjinkiciyapi waḣpanica kin yuwankan iyeyapi kinhan, heon iyuśkin kta.

I. Inyan 1:4

Woaiḣpeye wan ḣwinpica śni, aśapapi śni, qa ohinniyan un kta, maḣpiya ekta enicihnakapi kin on;

II. Inyan 1:11

Qa nakun heon Jesus Messiya Itancan qa Wanikiya unkitawapi tokiconze owihanke wanice cin en yaipi kte cin wijinya nic̣upi kta.

Wayuotanin 2:9

Nioḣan kin sdonwaya, wokakije wowaḣpanica ko nitawa kin, (tuka winijica;) qa tona Juda wicaśta keic̣iyapi qa hecapi śni, tuka Satan omniciye tawa kin etanhanpi, hena waaiapi kin nakun sdonwaya.

Wayuotanin 21:7

Tuwe ohiye cinhan he taku owasin tawaye kta, qa iye Wakantanka maye kta, qa miś he cinkśiwaye kta.

Wayuotanin 3:18

Kaken wahokonciciya ce, mazaskazi peta on yuecedan kagapi kin he opemicaton wo, winijica kta ce; qa wokoyake ska, kodake kta e heon, hecen tanconikadan on winiśtece cin he tanin kte śni; qa wiciśta wihdi kin, niiśta iyakiun kta, hecen wawandake kta.