Jakob 2:14 - Dakota Wowapi Wakan Kin

¹⁴ Mihunkawanji, tuwe wacinyan keya eśta, iyecen wicoḣan yuhe śni kinhan, he taku iyokihi kta he. Wacinyan un kin he niyan okihi he.

Jakob 2:14 ပူးပေါင်းရင်းမြစ်များ

Mattheos 5:20

Miye heciciyapi ce; Wicoowotanna nitawapi kin, wowapi kagapi qa Pharisee tawapi kin isanpa tanka śni kinhan, maḣpiya wokiconze kin en ecaca oyapapi kte śni.

Lukas 3:11

Waayupte c̣a hewicakiya; Tuwe onḣdoḣda nonpa yuhe cinhan, he tuwe nice cin unma qu kta; qa tuwe woyute ton kinhan, iś eya ecen econ kta ce.

Lukas 6:49

Tuka tuwe naḣon tuka ecen econ śni kinhan, wicaśta wan oahehde codan maka akan tipi kage cin he iyececa; unkan he en wakpa kin nina kaduza, qa hecehnana hinḣpaya; qa tipi kin he woatakuniśni tanka.

Olianyanpi kin 15:9

Qa takudan ocitkonze śni unkagapi, iye cantepi kin nakun wicadapi kin on wicakipakinta.

Olianyanpi kin 8:13

Qa Simon iś eya wicada, qa baptem qupi; hehan Philip kici un, qa wowakta taku wapetokeca tanka ko wanyake cin heon yuśinyaya.

Olianyanpi kin 8:21

Wicoie kin de en oyape śni qa takudan nitawa śni; Wakantanka itokamya nicante kin owotanna śni.

Roma 2:25

Woope kin oyape cinhan, awicakehan bakiḣdayapi kin taku okihi ece; tuka woope yakaksa ece kinhan, baniciḣdayapi kin he bakiḣdayapi śni icaga.

I. Korinth 15:2

He eciyatanhan nakun yanipi kta, wicoie unkoniciyakapi kin on, he ṭinsa duhapi kinhan, qa ecinśniyan awacanipi śni kinhan.

I. Korinth 16:22

Tuwe Jesus Messiya Itancan kin waśtedake śni kinhan, he anathema maran-atha un nunwe.

Galatia 5:13

Mihunkawanji, tawaiciyapi kin en nicopi, tuka tawaiciyapi kin he wicaceḣpi iyokipi kta e wowinyunyanpi śni po; tuka wowaśte on otoiyohi okiciciya po.

Galatia 5:6

Jesus Messiya en bakiḣdayapi kin he takudan okihi śni, qa nakun bakiḣdayapi śni kin; tuka wacinyanpi wowaśte en oḣanye cin he taku okihi ece.

I. Thessalonike 1:3

Qa wowacinye wicoḣan nitawapi kin, qa wacantkiyapi en ḣtayanipi kin, qa Wakantanka Ateunyanpi kin itokam, Jesus Messiya Itancan unkiyapi kin en ape dukanpi kin hena ohinniyan unkiksuyapi.

I. Timotheos 1:5

Wicacante ecedan, wicanagi waśte, qa wacinyanpi wicakapi kin etanhan wacantkiyapi kin he woahope ecetuyapi kin hee.

I. Timotheos 4:8

Wicatancan yeic̣iyapi kin he taku cistinna okihi; tuka Wakantanka awacinpi kin he taku owasin okihi, wiconi kin de, qa wanji u kte cin iwahoyapi kin en un.

Titos 1:16

Hena iś Wakantanka sdonyapi keyapi, tuka wicoḣan on aktapi śni, waḣtepi śni, wanaḣonpi śni, qa wicoḣan waśte owasin en wacintonpi śni.

Titos 3:8

Iapi kin he wowicake; qa heon hena taku kin ohinniyan yasutaya iyae kta wacin; tona Wakantanka wicadapi kin hena wicoḣan waśte wacin ksamya opapi kta. Hena taku waśte, qa wicaśta kin en wawokihi.

Hebrew 11:17

Wacinyanpi kin eciyatanhan, Abraham, iyutanyanpi qehan, Isaak wahauśna, qa tuwe taku iwahoyapi qon wicada kin he cinhintku ecedan kin wahduśna.

Hebrew 13:9

Ihnuhan woonspe otakiya qa toktokeca on yutokan iyeniyanpi kinhan; woyute tona he awacinpi qon takudan okihiwicaye śni kin he wicacante kin yusuta śni, tuka wowaonśida kin on yusutapi kin he waśte.

Jakob 1:16

Mihunkawanji waśte, ic̣ihnayanpi śni po.

Jakob 2:16

Qa wanji hewicayakiyapi, Wookiye on hdapo, cosic̣iyapi qa wipiic̣iya po; tuka taku wicatancan icakije cin hena wicayaqupi śni ehantanhan, taku iwaśtepi kta he.

Jakob 2:18

Han, tuwe heye kta; Niye wacinyan yaun, qa miye wicoḣan mduha; hecen wacinyaye cin he nioḣan codan makipazo wo, kinhan mioḣan kin on wacinwaye cin he cicipazo kta ce.

Jakob 2:26

Wicatancan kin woniya codan un kin he ṭa ece, he iyecen wacinyanpi kin wicoḣan codan kinhan, he nakun ṭa ece.

II. Inyan 1:5

Qa nakun he on nina mniheic̣iya po, wacinyayapi kin en waditakapi kin ikoyagya po; qa waditakapi kin en wosdonye;