Jakob 1:27 - Dakota Wowapi Wakan Kin

²⁷ Wakantanka qa Ateyapi kin itokam woohodapi opapi ecedan qa aśape śni kin he dee; Wamdenica qa wiwazica kakijapi eca en wicahipi, qa wicoicage kin en taku iyaonpepica śni ihduhapi kin hee.

Jakob 1:27 ပူးပေါင်းရင်းမြစ်များ

Mattheos 12:32

Qa tuwe Wicaśta Cinhintku kin taku śica eciye cinhan, he kicicajujupi kta; tuka tuwe Woniya Wakan kin taku śica eciye cinhan, he kicicajujupi kte śni, wiconi kin de en, qa nakun wiconi u kte cin en.

Mattheos 5:8

Tona cante en ecepidan kin hena wicayawaśtepi; hena Wakantanka wanyakapi kta.

Lukas 1:6

Hena sakim Wakantanka itokam owotanpidan, qa Itancan tawoahope qa wicoope tawa kin owasin omanipi, iyaonpepica śni unpi.

Roma 12:2

Qa wicoicage kin de en iyecen awacanipi kteśni, tuka nitawacinpi yuecepidan kte cin on nihdutokecapi nunwe; hecen Wakantanka tawacin waśte, oiyokipi, qa hduśtanpi kin he tukte e idukcanpi kta.

Roma 2:13

Wakantanka ekta tona woope naḣonpi kin hena owotanna kin eepi śni, tuka tona woope kin ecen econpi kin hena owotanna wicayawapi kta.

Galatia 1:4

He iye waunḣtanipi kin on ic̣ic̣u, wicoicage śice cin de etanhan eunhdakupi kta, Wakantanka Ateunyanpi tawacin kin eciyatanhan:

Galatia 3:11

Unkan woope kin eciyatanhan tuwedan Wakantanka itokam yaowotanpi śni e sdonunanpi: Tona owotanna un kin ena wacinyanpi eciyatanhan nipi kta ce.

Galatia 5:6

Jesus Messiya en bakiḣdayapi kin he takudan okihi śni, qa nakun bakiḣdayapi śni kin; tuka wacinyanpi wowaśte en oḣanye cin he taku okihi ece.

Galatia 6:14

Tuka takudan on imawinkta śni nunwe, Jesus Messiya Itancan unkiyapi ean susbeca tawa kin hecedan on, he on miye ekta wicoicage kin icipaweḣ okatanpi, qa wicoicage kin ekta icipaweḣ omakatanpi.

Ephesos 2:2

Hena ehna ehanna mayanipi, wicoicage kin de wiconi kin eciyatanhan, qa okotonyan wowaśake kin itancan kin eciyatanhan, he taku wakan woakta śni cinca kin en oḣanye cin hee.

I. Timotheos 1:5

Wicacante ecedan, wicanagi waśte, qa wacinyanpi wicakapi kin etanhan wacantkiyapi kin he woahope ecetuyapi kin hee.

I. Timotheos 5:4

Tuka wiwazica wan cinca wicaye cin, qa takojakpaku yuke cinhan, hena tokaheya wicowazi tawapi kin en wowaśte econ onspeic̣iciyapi kta, qa hunkake wicayapi kin iyunwin wicakicupi kta; taku waśte qa Wakantanka itokam oiyokipi kin hee.

Titos 2:12

Wakantanka aktapi śni, qa wicoicage cantiheyapi kin hena eḣpeunyanpi kta, qa nakaha wiconi kin en, wacinksamya, owotanna, wakanyan unnipi kta e onspeunkiyapi.

Jakob 3:17

Tuka woksape wankantanhan un kin he tokaheya ecedan, hehan wokiyapi kaga, waḣbadan, waanagoptan, wowaonśida qa waskuyeca waśte on ojudan, owotanna wiyukcan qa owotanna wohdaka ece.

Jakob 3:9

He on Wakantanka Ateyapi kin unyawaśtepi; qa he on wicaśta akantu, Wakantanka ouncage iyecen kagapi kin hena wicunyaśicapi ece.

Jakob 4:4

Wiinayaḣmanpi qa wawiciḣaḣapi ecanonpi kin, wicoicage kin de waśtedapi kin he Wakantanka śicedaka e sdonyayapi śni he. Heon tuwe wicoicage kin de wotakuye wacin kinhan, he Wakantanka tokaya.

II. Inyan 1:4

Hena on taku tanka ḣinca, qa taku teḣike ḣinca iwahounyanpi; hecen hena on Taku Wakan ouncage kin en oyapapi kta, wiconi kin de en wocantiheye śica on wicośice nayecipapi kin.

II. Inyan 2:20

Itancan qa Wanikiya Jesus Messiya sdonyapi kin eciyatanhan, wicoicage kin de en woaśape kin nakipapi eśta, ake hena on iyakapeyapi qa en ihdaśkapi kinhan, hena otokahe ekta waśte qa owihankepi kin he śica ece.

II. Inyan 3:14

Heon etanhan, waśtecicidapi kin, taku hececa ayapepi kin heon aic̣iciya po, hecen iye wookiye en aśape śni qa iyaonpepicaśni iyeniyanpi kta.

I. Johannes 5:18

Tuwe Wakantanka eciyatanhan tonpi kin he waḣtani śni ece e sdonunyanpi; tuka tuwe Wakantanka eciyatanhan icage cin he tanyeḣ ihduhe c̣a hecen taku śice cin he oyutan śni ece.