Jakob 1:17 - Dakota Wowapi Wakan Kin

¹⁷ Taku wicaqupi waśte qa yuśtanpi kin owasin wankantanhan un, qa iyoyanpa Ateyapi kin eciyatanhan kun u ece; iye qe tokeca śni, qa yuhomnipica śni ḣinca.

Jakob 1:17 ပူးပေါင်းရင်းမြစ်များ

Mattheos 7:11

Heon etanhan niye niśicapi eśta, taku waśte nicinca wicayaqupi kta onnispepi ehantanhan, Niyatepi maḣpiya ekta un kin he, sam iyeya tona kidapi kin, taku waśteśte wicaqu ece e kta.

Lukas 11:13

Hecen niś niśicapi kin, nicincapi taku waśteśte wicayaqupi kte cin he onnispepi ehantanhan, iś iyotan maḣpiya Ateyayapi kin tona Woniya Wakan kidapi kinhan wicaqu kta ce, eya.

Johannes 1:9

Iyoyanpa wicakapi ḣince cin hee, wicaśta otoiyohi wicoicage kin en u iyoyamye cin hee.

Johannes 3:27

Unkan Johannes waayupte c̣a heya; Wicaśta kin maḣpiya eciyatanhan taku qupi śni ehantanhan takudan iye cinka icu okihi kte śni ece.

Johannes 3:3

Unkan Jesus ayupte c̣a heciya; Wowicake, wowicake eciyatanhan heciciya, Wicaśta kin wankantanhan teca nien tonpi śni kinhan Wakantanka tokiconze kin wanyaka okihi kte śni.

Johannes 8:12

Hehan ake Jesus owicakiye c̣a heya; Oyate iyoyamwicaye cin he miye. Tuwe mihakam u kin he otpaza ehna mani kte śni, iyoyanpa wiconi hee tawa kta.

Olianyanpi kin 11:18

Hena oie kin naḣonpi unkan inina yukanpi qa Wakantanka yatanpi qa heyapi; Awicakehan Ikcewicaśta on nipi kta e ihduecetupi kin Wakantanka wicaqu ce.

Olianyanpi kin 5:31

Hee kin Wakantanka wankan ehdaku, iye nape etapa kin ekta Itancan qa Wanikiya un kta, Israel ihduecetupi qa woaḣtani kajujupi kin wicaqu kta e heon.

Roma 6:23

Woaḣtani wokajuju kin he wiconṭe ee; tuka Wakantanka taku ituwicakiḣan kin he, Jesus Messiya Itancan unkiyapi kin eciyatanhan, owiḣanke wanin wiconi kin hee.

I. Korinth 4:7

Tuwe hecen iyotan nicaga he; qa taku nic̣upi śni kin tukte e duha he. Qa nic̣upi kinhan tokeca nic̣upi śni kin iyecen on iniwinkta he.

II. Korinth 4:6

Wakan tanka iyoyanpa kin otpaza etanhan yege śi qon he uneantepi kin iyoyamunyanpi, Jesus Messiya itohnako kin eciyatanhan, Wakantanka towitan wosdonye iyoyanpa kin unqupi kte cin heon.

Ephesos 1:18

Nitawacinpi iśta kin iyoyam niyanpi kta, hecen nicopi wowacinye kin he taku kin e sdonyayapi kta, qa tona owotanna un kin taku tawapi kte cin wowitan wijica kin he taku;

Ephesos 2:8

Wowaonśida kin on yanipi, wacinyanpi kin eciyatanhan, qa he niyepi kin etanhan śni, Wakantanka taku nic̣upi kin hee.

Philippi 1:29

Messiya he ayuco nic̣upi, iye wacinyayapi kte c̣a, nakun iye on kakiśniyanpi kte cin.

I. Timotheos 6:16

He isnana wiconi hduhe c̣a, iyoyanpa en hiyohipica śni kin he en ounyan, wicaśta kin tuwedan he wanyake śni, qa nakun wanyaka okihi kte śni; he wowitan, qa wowaśake owihanke wanin kiciun nunwe.

Hebrew 13:8

Jesua Messiya, ḣtanihan qa nakaha okonwanjidan, qa owihanke wanice kta.

Jakob 1:5

Niyepi etanhan tuwe woksape nice cinhan, Wakantanka kida kta, iye owasin iyukic̣uya wicaqu ece, qa iyopewicaye śni; unkan qupi kta.

Jakob 3:15

Wicoksape kin he wankantanhan u śni; tuka maka kin etanhan, wicaceḣpi etanhan, qa wakanśica iyececa.

Jakob 3:17

Tuka woksape wankantanhan un kin he tokaheya ecedan, hehan wokiyapi kaga, waḣbadan, waanagoptan, wowaonśida qa waskuyeca waśte on ojudan, owotanna wiyukcan qa owotanna wohdaka ece.

I. Johannes 1:5

Hehan wotanin waśte iye eciyatanhan naunḣonpi qa unkoniciyakapi kin, Wakantanka he iyoyanpa, qa otpaza takudan en un śni kin he hee.

I. Johannes 4:10

Wacantkiyapi kin he deciyatanhan, unkiye Wakantanka waśteundakapi kin hee śni, tuka iye canteunkiyapi, qa Cinhintku waunḣtanipi yutokan iyeye kta e on u śi qon hee.

Wayuotanin 21:23

Qa otonwe kin he anpetu wi, hanyetu wi ko en iyoyanpapi kta cinpi śni; Wakantanka wowitan tawa kin iyoyanpa, qa Amnos kin he petijanjan kin hee.

Wayuotanin 22:5

Qa heciya hanyetu wanice kta; qa petijanjan qa anpetu wi iyoyanpa kin he cinpi śni; Itancan Wakantanka iyoyamwicaya ece; qa ohinniyan owihanke wanin wicaśtayatapi ounyanpi kta.