I. Timotheos 4:2 - Dakota Wowapi Wakan Kin

² Wicahnayanpi on itonśni iapi kta, nagipi kin maza kata on guguyapi kin heon.

I. Timotheos 4:2 ပူးပေါင်းရင်းမြစ်များ

Mattheos 24:24

Messiya itonśni, qa wicaśta wokcan itonśni kin heca icagapi kta, qa wowanyake tanka wicoḣan tanka ko econpi kta, hecen okihipica unkanś wicakaḣnigapi kin hena eepi kaeś wicahnayanpi kta tuka.

Mattheos 7:15

Wicaśta wokcan itonpiśni kin hena kowicakipa po; hena taḣinca wanunyanpi iyecen koyag en nihipi, tuka mahen śunktokeca wayapota ece kin hecapi.

Olianyanpi kin 20:30

Qa niyepi enitanhanpi wicaśta icagapi kta, qa iś iyepi ihakam waonspewicakiyapi kin u wicakiyapi kta e nina yaśkiśkapi kta.

Roma 1:28

Qa Wakantanka wacin en yuze wacinpi śni kin he iyecen, Wakantanka is eya wicotawacin waḣte śni kin en awicayuśtan, hecen taku wowiśtece kin hduśtanpi kta.

Roma 16:18

Tona hececapi kin Jesua Messiya Itancan unkiyapi kin wowidag wicaye śni, tuka iye tezipi kin hee, qa wicoie waśte, iapi iyokipi se ececa ko, on wicaśta wacin ksape śni kin wicahnayanpi.

Ephesos 4:14

Hecen detanhan hokśiyoqopa aptanptan iyeyapi, qa woonspe tate owasin on kaha iyeyapi kin heuncecapi kte śni, wicaśta ośkiśkeya oḣanyanpi, qa wohnaye on wicahnayanpi wicoḣan kin eciyatanhan;

Ephesos 4:19

Hena iyasaka icaḣ ayapi, qa wicaśtapi śni kin en iyoḣpeic̣iyapi, taku aśapapi kin owasin wohitiya econpi kte cin heon.

II. Timotheos 3:5

Wakantanka awacinpi kin wiyacinpi kin yuhapi, tuka wowaśake kin he wicadapi śni; tona hececapi kin hena etanhan ihdamna wo.

Wayuotanin 16:14

Hena taku wakan śica taniyapi kin hecapi, wowapetokeca econpi, qa maka sitomniyan wicaśtayatapi kin, qa wicoicage ocowasin ekta yapi, Wakantanka Iyotan waśake cin anpetu tawa tanka kin en zuya awicaupi kta e heon.