I. Timotheos 2:4 - Dakota Wowapi Wakan Kin

⁴ He iye wicaśta owaain nipi, qa wowicake sdonyapi kin en hipi kte cin he cin.

I. Timotheos 2:4 ပူးပေါင်းရင်းမြစ်များ

Mattheos 28:19

Heon etanhan ya po, oyate kin owasin waonspewicakiya po, qa Ateyapi, Cinhintkuyapi, qa Woniya Wakan kin caje on baptem wicaqu po;

Markos 16:15

Unkan hewicakiya; Maka kin owancaya ya po, qa wicaśta otoiyohi wotanin waśte kin owicakiyaka po.

Lukas 1:77

Taoyate woaḣtani wicakicicajujupi kin eciyatanhan wanikiyapi sdonyapi kte cin he wicayaqu kta;

Lukas 14:23

Unkan Itancan kin ookiye qon heciya; Ocanku ḣince cin, qa maḣinatake ektakta ye, c̣a uwicakiya wo, hecen wati kin ojudan kta.

Lukas 24:47

Qa hecen iye caje kin on ihduecetupi qa woaḣtani kajujupi kin, oyate kin owasin en oyakapi kta, Jerusalem en tokaheya kta.

Johannes 14:6

Unkan Jesus heciya; Canku, qa wowicake, wiconi ko he miye; tuwedan Ateyapi kin en u śni, miye eciyatanhan ecedan en u ece.

Johannes 17:17

Wowicake nitawa kin he on wicayuwakan wo; nioie kin he wowicake.

Johannes 6:37

Ate tona maqu kin owasin miye en mau kta; qa tuwe en mau kinhan tankan iyewaye kte śni.

Roma 11:14

Hecen tona miceḣpi etanhanpi kin hena inaḣni wicawaye kta, kinhan wanjikji ni wicawaye kta.

I. Timotheos 4:10

Wakantanka ni un wicaśta owasin Wanikiya tawapi, qa iyotan tona wicadapi kin hena, he wacinunyanpi kin heon ḣtaunnipi, qa ośtehdapi unyakonpi.

II. Timotheos 2:25

Qa tona tokaic̣iya unpi kin hena iwahnana wahokonwicakiye kta, okinni Wakantanka ihduecetupi wicaqu kta, hecen wowicake kin iyukcanpi kta.

II. Timotheos 3:7

Ohinniyan waonspeiciciyapi keś wowicake adonyapi kin ehan ipi okihipi śni kin wayaka awicayapi ece.

Titos 1:1

Palos Wakantanka taokiye, qa Jesus Messiya yeśi qon, tona Wakantanka wicakaḣniga, wacinyanpi kte cin heon, qa wowicake wicoḣan waśte en un kin sdonyapi kte cin heon;

Titos 2:11

Wakantanka towaorśida wicaśta owasin wiconi wicakahi kin he wanna tanin;

Hebrew 10:26

Wowicake sdonyapi kin unkicupi kin he iyohaham iyokipiya waunḣtanipi kinhan, woaḣtani on wośnapi kte cin wanica.

Jakob 3:14

Tuka winawizipi pa ḣinca, qa wakinicapi nicantepi kin en duhapi kinhan, ihnuhan widuśkinpi qa wowicake kin on iyatonpi śni kin.

II. Inyan 3:9

Itancan kin taku wahowicaye cin yutehan śni, wicaśta wanjikśi yutehanpi eyapi kin iyececa; tuka unkiyepi on wawacinkta yuza tanka, tuwedan awihnuniic̣iye kte śni, tuka owasin woiyopeic̣iye en ihdoupi kta cin.

II. Johannes 1:1

Hunkayapi un kin, Kuria kaḣnigapi qon wowapi kicaga; iye cinca kin, wowicake eciyatanhan waśtewicawadake cin hena om, qa miśnana śni, tuka nakun tona wowicake sdonyapi kin hena owasin;

Wayuotanin 14:6

Hehan maḣpiya ohnihde tokeca wan maḣpiya cokaya kinyan iyaye cin he wanmdaka, wotanin waśte owihanke wanin un kin, tona maka akan unpi kin, wicaśta kin, qa wicowazi, qa iapi, qa oyate hiyeye cin owasin ieyanpaha owicakiyake kta yuha iyaya.