I. Timotheos 1:9 - Dakota Wowapi Wakan Kin

⁹ Qa he de sdonunyanpi, woope kin he wicaśta owotanna kicagapi śni, tuka tona woope opapi śni, qa anagoptanpi śni kin hena wicakicagapi, tona Taku Wakun ohodapi śni, qa waḣtanipi sa, wnonśidapi śni qa wayaśicapi, atkuku hunku kici wicakitepi kin, qa wicaśta wicakaṭapi kin hena,

I. Timotheos 1:9 ပူးပေါင်းရင်းမြစ်များ

Mattheos 10:21

Hunkawanjinkiciyapi kin iś unma ktepi kta e wicaqu kta; qa wicaśta wan iye cinhintku kin nakun; qa wicacinca kin iś hunkakewicayapi itkowicakipapi qa wicakiktepi kta.

Roma 1:30

Waajijipi sa, waaiapi sa, Wakantanka śice dapika, waḣanicidapi, wamnaic̣idapi, ihdatanpi sa, taku śica kagapi sa, hunkakeyapi kin anawicagoptanpi śni;

Roma 4:13

Maka kin tawaye kte cin, Abraham iye cinca kin om, iwahoyapi qon he woope kin eciyatanhan śni, tuka wacinyanpi on woowotanna kin eciyatanhan.

Roma 5:20

Woaḣtani ihduota kte cin heon woope kin hi, tuka tukten woaḣtani yuota ikicage ciqon hen wowaonśida nina sam iyeya ihduota.

Roma 6:14

Woaḣtani icimana inidakapi kte śni. Woope kin ihukuya yaunpi śni tuka wowaonśida kin ihukuya.

Galatia 3:19

Hehan tokeca e woope kin yukan he. He woaḣtani on kagapi, cinca iwahoyapi qon u śni kin hehanyan, qa ohnihdewicayapi kin on yusutapi, iyotahedan un wan nape kin ohna.

Galatia 5:18

Tuka Woniya kin yus aniyanpi hecinhan, woope kin ihukuya yaunpi śni.

Galatia 5:21

Winawizipi, tin wicaktepi, witkopi, qa witkoya wacipi, qa taku tona hecece cin hena ee; wanakaja ociciyakapi kin he iyecen nakaha eciciyapi, Tona taku hececa econpi kin hena Wakantanka tokiconze kin tawapi kte śni.

Galatia 5:23

Wicotawacin waśte, qa iyatahde ic̣iyapi śni hena ee; qa taku hecece cin woope kin tuktedan iyamya un śni.

II. Thessalonike 2:8

Unkan hehan woope aktaśni kin he tanin kta, Jesus Itancan kin Taniya, iye i kin etanhan hiyu kin on, qa ihdutanin wiyatpa kin on, he ihangye kta.

I. Timotheos 4:7

Tuka iapi śice cin, wakanka hitunkakanpi yuhapi ko nakicipe c̣a, Wakantanka awacinpi kin he amniheic̣iya wo.

I. Timotheos 6:20

Timotheos, taku yuheciciye cin hena tanyan yuha wo, qa ikcekceya ecinśniyan wakinicapi kin he nakicipa wo, wosdonye woitonśni akinicapi kin he nakun.

II. Timotheos 2:16

Tuka iapi śica ecinśniyan kin he nakicipa wo, he iyotan wicośice ekta icaḣ aye kta.

II. Timotheos 3:2

Hehan wicaśta kin waśteic̣idapi kta, mazaska waśtedakapi, wamnaic̣idapi, waḣanic̣idapi, hunkakeyapi kin anawicakigoptanpi śni, wapidapi śni, owotanpidan śni;

Titos 1:10

Wicaśta wicaśtapi śni, qa witkoya iapi, qa wicahnayanpi kin heca ota, tona bakiḣdayapi etanhanpi kin hena iyotanpi.

Titos 1:16

Hena iś Wakantanka sdonyapi keyapi, tuka wicoḣan on aktapi śni, waḣtepi śni, wanaḣonpi śni, qa wicoḣan waśte owasin en wacintonpi śni.

Titos 1:6

Tuwe iyaonpepica śni kinhan, wicaśta tawicu wanjidan, qa cinca wacinyanpi wicahduhe cin, wicakis unpi ewicakiyapi qa wanaḣonpi śni kin hececapi śni:

Titos 3:3

Ehanna unkiś eya wacin untonpi śni, qa waanaungoptanpi śni, unhnayanpi, qa cantiheyapi śica ota, qa iyokipiic̣iyapi kin en wowidake unyakonpi, wocanniye, icekinpi ko en unnipi, waḣte śni unyakonpi, qa otoiyohi śiceunkicidakapi.

Hebrew 11:31

Wacinyanpi kin on, Rahab witkowinna kin, tona anagoptanpi śni kin om ihangyapi śni, makoce iwanyag hipi kin hena wookiye on iyowinwicakiye c̣ehan.

Hebrew 12:16

Okinni wicawihomni wan yuke kta, qa taku wakan ohoda śni, Esa iyececa, he watokapa kin taku yutapi onśpadan iyopekiya.

I. Inyan 2:7

Niye wacinyayapi kin he teḣike yadapi; tuka tona waanagoptanpi śni kin hena, inyan tipi kagapi eḣpeyapi qon he oise pa ḣinca icaga, inyan on siha ibotopi qa imnija on śinhdapi ece kin hee;

I. Inyan 3:20

Hena e ehanna waanagoptanpi śni, Wakantanka wawacinkta yuza tanka tehan awicape, Nowa taanpetu kin en, wita wata kagapi kin icunhan, he ohna tonana, wicanagi śahdoganna mini on nipi.

I. Inyan 4:18

Qa wicaśta owotanna kin kitan se ni kinhan, tuwe śicaya econ qa waḣtani sa kin hena tukten yakonpi kta he.

Judas 1:15

Owasin wicayaco kta, qa tona Taku Wakan ohodaśni kin hena wicoḣan śikśica owasin ohodaśniyan econpi qon hena sdonkiyewicaye kta, qa wicoie canksiksi owasin waḣtanipi sa Taku Wakan ohodapi śni oie kicatonpi ece qon hena nakun.

Wayuotanin 21:8

Tuka tona wikopapi, qa wicadapi śni, qa waḣtepi śni, qa kin wicaktepi, qa wawiciḣaḣapi econpi sa, qa wapiyapi, qa wakagapi ohodapi sa, qa oitonpiśni kin hena owasin mde wan peta qa inyan zi on itkonyahe cin he ohna taku tawapi kta, wiconṭe inonpa kin hee.

Wayuotanin 22:15

Tuka śunka, qa tona wapiyapi sa, qa wiinaḣmanpi sa, qa wawiciḣaḣapi econpi sa, qa wakagapi ohodapi sa, qa tuwe itonśni waśtedake c̣a econ kin hena tankan yakonpi ece.