I. Johannes 5:9 - Dakota Wowapi Wakan Kin

⁹ Wicaśta akantu taku yaotaninpi kin he unkicupi kinhan, Wakantanka taku yaotanin kin he iyotan tanka; Wakantanka taku yaotanin kin he dee, iye Cinhintku hdaotanin qon hee.

I. Johannes 5:9 ပူးပေါင်းရင်းမြစ်များ

Mattheos 17:5

Iahan icunhan iho, iyoyanpa maḣpiya wan aowicahanzi, qa iho, maḣpiya kin eciyatanhan wicaho wan heya; Micinkśi waśtewakidake c̣a on iyomakipi ḣince cin he dee ce; anagoptan po

Johannes 10:38

Tuka hecen ecamon kinhan, miye wicamayadapi śni eśta, wicoḣan kin hena wicada po; hecen Atewaye cin micica, qa miye he weeica, heciyatanhan sdonyayapi qa wicayadapi kta ce, eya.

Johannes 5:39

Wowapi wakan kin en akita po; heciyatanhan wiconi owihanke wanica duhapi kecannipi; unkan omayake cin hena ee.

Olianyanpi kin 17:31

Qa anpetu wan en wicaśta kin woowotanna on wicayaco kta e konza, wicaśta kaḣnige ciqon he on hecon kta, qa wiconṭe kin etanhan najin kiye cin heon he owasin sdonye wicaya ce, eya.

Olianyanpi kin 5:32

Unkan unkiye, iye on, wicoie kin hena unkoyakapi ece, qa Woniya Wakan tona Wakantanka anagoptanpi wicaqu kin, he iś eya hena yuotanin ece.

Hebrew 2:4

Wakantanka iś eya, iye tawacin kin eciyatanhan, wicakiciyaotanin, wowapetokeca taku on yuśinyewicaye cin hena ko, waśagya econpi ota, qa Woniya Wakan wicakipamni kin hena on etanhan.

Hebrew 6:18

Heon taku nom yutokecapica śni, en Wakantanka itonśni okihipica śni kin hena taku kin on etanhan, tona woape unkitokam ehdepi kin en onaunpapi kin wicakicanpte wan waśaka unhapi kta.

I. Johannes 5:10

Tuwe Wakantanka Cinhintku kin wicada kin he wayaotanin iye atayedan yuha un. Tuwe Wakantanka wicada śni kin he itonśni daka ece; wayaotanin kin on Wakantanka iye Cinhintku hdaotanin qon he wicada śni kin heon.

I. Johannes 5:8

Nakun maka akan taku yamni wayaotanin ece, Woniya kin, qa mini kin, qa we kin; unkan hena yamni wanjidan en un.