I. Johannes 5:7 - Dakota Wowapi Wakan Kin

⁷ Maḣpiya kin ekta yamni wayaotaninpi ece, Ateyapi kin, Wicoie kin, qa Woniya Wakan kin; unkan hena yamni wanjipidan.

I. Johannes 5:7 ပူးပေါင်းရင်းမြစ်များ

Mattheos 17:5

Iahan icunhan iho, iyoyanpa maḣpiya wan aowicahanzi, qa iho, maḣpiya kin eciyatanhan wicaho wan heya; Micinkśi waśtewakidake c̣a on iyomakipi ḣince cin he dee ce; anagoptan po

Mattheos 18:16

Tuka ananigoptan śni kinhan, hehan wanji qa iś nonpa om de kta; hecen waayatanin nonpa, qa iś yamni ipi kin on wicoie owasin yusutapi kta.

Mattheos 28:19

Heon etanhan ya po, oyate kin owasin waonspewicakiya po, qa Ateyapi, Cinhintkuyapi, qa Woniya Wakan kin caje on baptem wicaqu po;

Johannes 1:1

Otokahe ekta Wicoie kin hee; Wicoie kin he Wakantanka kici un, qa Wicoie kin he Wakantanka kin ee.

Johannes 10:30

Miye, qa Atewaye cin unwanjipidan, eya.

Johannes 12:28

Ate nicaje kin hdutan wo. Unkan maḣpiya kin eciyatanhan wicaho wan u qa; Wanna eya micaje kin wahdutan, nakun wahdutan kta, eya.

Johannes 14:17

Wowicake Woniya kin hee, oyate kin he icu okihipi śni, tohinni wanyakapi śni qa sdonyapi śni; tuka niye he sdonyayapi, he nicipi un qa en niunpi kta.

Johannes 15:26

Tuka Wicakicanpte, Atewaye cin etanhan uwaśi kte cin he, Wowicake Woniya kin hee, tohan hi kinhan, he iye Atewaye cin etanhan u kta, qa omayake kte cin hee.

Johannes 5:26

Ateyapi kin iye cinka wiconi hduha, he etanhan Cinhintku kin iś iye cinka wiconi hduhe kta e qu.

Johannes 8:18

Miye atayedan mihdaotanin, qa Ate u maśi kin he nakun mayaotanin.

Johannes 8:54

Unkan Jesus waayupte; Miye cinka mihduonihan kinhan, mitowitan kin he taku kte śni; tuka Atewaye cin he mahduonihan ece; unkan he Wakantanka nitawapi, kehapi.

Olianyanpi kin 2:33

He Wakantanka etapa kin ekta yuwankan icupi, qa Atkuku kin Woniya Wakan iwahoye ciqon he icu, heon nakaha taku wandakapi qa nayaḣonpi kin he akaśtan.

Olianyanpi kin 5:32

Unkan unkiye, iye on, wicoie kin hena unkoyakapi ece, qa Woniya Wakan tona Wakantanka anagoptanpi wicaqu kin, he iś eya hena yuotanin ece.

I. Johannes 1:1

Taku otokaheya tanhan un, taku naunḣonpi, qa iśta on wanunyakapi, opaunḣtapi qa nape on unzapi, Wiconi Oie kin hee.

I. Johannes 5:6

Tuwe mini qa we eciyatanhan hi qon he Jesus Messiya ee; mini ecedan on hi śni, tuka mini we ahna. Unkan wayaotanin kin he Woniya kin hee; Woniya kin he wowicake, heon etanhan.

I. Johannes 5:8

Nakun maka akan taku yamni wayaotanin ece, Woniya kin, qa mini kin, qa we kin; unkan hena yamni wanjidan en un.

Wayuotanin 19:13

Qa wokoyake we en oputkanpi kin heca koyaka: Qa Wakantanka Oie kin eciyapi.