I. Johannes 5:1 - Dakota Wowapi Wakan Kin

¹ Tuwe Jesus he Messiya kin ee e wicada kin he Wakantanka eciyatanhan tonpi; qa tuwe waicaḣye cin waśtedake cinhan, he tuwe iye eciyatanhan teca ni en tonpi kin he nakun waśtedaka ece.

I. Johannes 5:1 ပူးပေါင်းရင်းမြစ်များ

Mattheos 16:16

Unkan Simon Inyan ayupte c̣a; Messiya Wakantanka ni un Cinhintku kin he niye, eya

Lukas 7:5

Unkoyatepi kin cantewicakiye c̣a, omniciye tipi wanji wanna unkicagapi ce, eyapi.

Johannes 1:3

Iye eciyatanhan taku owasin kagapi; qa taku kin tokan tanhan takudan kagapi śni.

Johannes 15:23

Tuwe śice madake cin he nakun Atewaye cin śice daka.

Johannes 3:3

Unkan Jesus ayupte c̣a heciya; Wowicake, wowicake eciyatanhan heciciya, Wicaśta kin wankantanhan teca nien tonpi śni kinhan Wakantanka tokiconze kin wanyaka okihi kte śni.

Johannes 6:69

Qa Messiya Wakantanka ni un Cinhintku kin he niye e wicaundapi qa sdonunyanpi ye, eya.

Johannes 8:42

Heon Jesus hewicakiya; Wakantanka he ateyayapi unkanś waśte mayadakapi kta tuka; miye kin Wakantanka kin hetanhan wahinape c̣a wau; qa miye cinka wahi śni, iye kin u maśi.

Olianyanpi kin 8:36

Unkan canku kin ohna hdapi, qa mini yuke cin wan iyohipi. Hehan yunokos kin; Mini wanyaka wo, baptem maqupi kta e taku teḣinda kta he, eya.

Olianyanpi kin 8:37

Unkan Philip, Nicante kin ocowaein on wicayada kinhan enicicetu kta, eciya. Hehan iś ayupte c̣a; Jesus Messiya he Wakantanka Cinhintku kin ee wicawada ce, eya.

Jakob 1:18

Iye tawacin kin eciyatanhan, wowicake oie kin on cinca unkagapi, hecen taku kage cin ehna unkiye waskuyeca tokaheya iyeuncecapi kta.

I. Inyan 1:3

Wakantanka, Jesus Messiya Itancan unyanpi Atkuku kin he yawaśtepi nunwe; iye towaonśida ota eciyatanhan Jesus Messiya wicaṭe cin etanhan kinikiye ciqon he on wowacinyan ni un kin en piya icaḣunyanpi;

I. Johannes 2:10

Tuwe hunkawanjitku waśtekidake cin he iyoyanpa kin en un ece, qa wokaśeye takudan en un śni.

I. Johannes 2:29

Iye owotanna un sdonyayapi kinhan, tuwe woowotanna econ kin he iye kin eciyatanhan wanna teca nien tonpi o nakun sdonya po.

I. Johannes 3:14

Hunkawanjinkiciyapi waśtewicunkidapi kin heon wiconṭe etanhan wiconi e ekta unkiyohipi sdonunkiyapi; tuwe hunkawanjitku waśtekida śni kin he wiconṭe ehna un.

I. Johannes 3:17

Tuka tuwe maka akan woyuha ton, qa hunkawanjitku waḣpanica wanhdake c̣a, cantekiye cin anakipte cinhan, token Wakantanka waśtedake cin en un kta he.

I. Johannes 3:9

Tuwe Wakantanka eciyatanhan teca nien tonpi kin he woaḣtani econ śni, taku on icaḣye cin he en un kin heon; unkan waḣtani okihi śni, Wakantanka eciyatanhan teca nien tonpi kin he etanhan.

I. Johannes 4:2

Deciyatanhan Wakantanka Taniya kin sdonyayapi kta; woniya kin tona Jesus Messiya wicaceḣpi un hi oyake cin hena Wakantanka eciyatanhampi ece.

I. Johannes 4:20

Tuwe, Wakantanka waśtewadaka ce, eye c̣a hunkawanjitku śicekidake cinhan, he itonśni. Tuwe hunkawanjitku wanhdake cin he waśtekidake śni kinhan, token ecin Wakantanka wanyake śni kin waśtedaka okihi kta be.

I. Johannes 4:7

Waśtecicidapi kin, otoiyohi canteunkiciciyapi kte; wacantkiyapi kin he Wakantanka eciyatanhan un; qa tuwe wacantkiye cin he Wakantanka eciyatanhan tonpi, qa Wakantanka sdonya.

I. Johannes 5:18

Tuwe Wakantanka eciyatanhan tonpi kin he waḣtani śni ece e sdonunyanpi; tuka tuwe Wakantanka eciyatanhan icage cin he tanyeḣ ihduhe c̣a hecen taku śice cin he oyutan śni ece.

I. Johannes 5:4

Tuwe Wakantanka eciyatanhan tonpi kin he wicoicage kin ohiya ece; unkan woohiye wicoicage ohiye cin he dee, wacinunyanpi kin hee.

I. Johannes 5:5

Wicoicage ohiya ece kin he tuwe he; tuwe Jesus he Wakantanka Cinhintku kin ee e wicada kin hee.