I. Johannes 4:9 - Dakota Wowapi Wakan Kin

⁹ Wakantanka canteunkiyapi kin he deciyatanhan tanin, Wakantanka iye Cinhintku iśnana icage cin he makata u śi, heciyatanhan unnipi kta e heon.

I. Johannes 4:9 ပူးပေါင်းရင်းမြစ်များ

Markos 12:6

Hehan cinhintku wanjidan waśtekidake cin he hinaḣin hduha; unkan he ehake ekta ye śi, qa; Micinkśi yuonihanpi kta ce, eya.

Lukas 4:18

Itancan Woniya tawa kin he akan maun; heon waḣpanicapi kin wotanin waśte kin owicawakiyake kta e sdamakiya; tona cante psakawahanpi kin asniwicawaye kta on u maśi; wayaka unpi kin wicakiyuśkapi kta, qa iśtagongapi kin ake tonwanpi kte cin omdake kta; tona kaḣdeḣdecapi kin hena wicawakiyuśke kta;

Johannes 10:10

Wabotice cin he wamanonpi, tin wicaktepi, waihangyapi henakiya on hi ece; tuka wiconi yuhapi kta, qa takudan icakije śni unpi kta e heon miye wahi.

Johannes 14:6

Unkan Jesus heciya; Canku, qa wowicake, wiconi ko he miye; tuwedan Ateyapi kin en u śni, miye eciyatanhan ecedan en u ece.

Johannes 3:16

Wakantanka oyate kin cantewicakiya, heon Cinhintku iśnana icage cin wicaqu, qa tuwe awacin kinhan owihanke kte śni, tuka owihanke wanin wiconi yuhe kta.

Johannes 3:18

Tuwe he wacinye cinhan he yacopi kte śni; tuka tuwe wacinye śni kinhan he wanna yacopi; Wakantanka Cinhintku iśnana icage cin he caje kin wacinye śni kin heon etanhan.

Johannes 5:23

Heon etanhan owasin Ateyapi kin token ohodapi hecinhan he iyecen Cinhintku kin ohodapi kta. Tuwe Cinhintku kin ohoda śni kin he Atkuku u śi kin he nakun ohoda śni.

Johannes 6:29

Jesus waayupte c̣a hewicakiya; Wakantanka wicoḣan tawa kin he dee, tuwe u śi kin he wicayadapi kta.

Johannes 6:51

Aguyapi ni un kin he miye, maḣpiya eciyatanhan wahi; tuwe etanhan yute cinhan owihanke wanin ni kta. Aguyapi wicawaqu kte cin he miceḣpi kin ee, he oyate wicani kta e wicawaqu ce, eya.

Johannes 6:57

Ate u maśi kin he ni un, qa Ate on ni waun, he etanhan tuwe mayute cinhan miye on ni un kta.

Johannes 8:29

Tuwe u maśi kin he mici un; Ate miśnana amahduśtan śni; taku iyokipi ecen ecamon ece, heon etanhan, eya.

Johannes 8:42

Heon Jesus hewicakiya; Wakantanka he ateyayapi unkanś waśte mayadakapi kta tuka; miye kin Wakantanka kin hetanhan wahinape c̣a wau; qa miye cinka wahi śni, iye kin u maśi.

Johannes 9:3

Jesus waaynpte; He iye, qa atkuku, hunku, wanji waḣtanipi on hecece śni; tuka Wakantanka oḣan kin e he ayutaninpi kta e heon.

Roma 8:32

Tuwe iye Cinhintku kin kpatan śni, tuka unkiyepi owasin on kpagan qon, he iye kici taku owasin iyakicuya unqupi kte śni he.

Hebrew 1:5

Micinkśi kin he niye, anpetu kin de cinca cicaga ce, maḣpiya ohnihde kin tukte wanji eciya he. Qa ake, He atemaye kta, qa miye cinkśiwaye kta ce.

I. Johannes 3:16

Deciyatanhan wacantkiyapi kin sdonunyanpi; iye kin unkiyepi on wiconi eḣpekiye cin heon; hecen unkiś eya hunkawanjinkiciyapi kin on wiconi eḣpeunkiyapi kta iyececa.

I. Johannes 4:10

Wacantkiyapi kin he deciyatanhan, unkiye Wakantanka waśteundakapi kin hee śni, tuka iye canteunkiyapi, qa Cinhintku waunḣtanipi yutokan iyeye kta e on u śi qon hee.

I. Johannes 4:16

Wakantanka canteunkiyapi kin he sdonunyanpi qa wicaundapi. Wakantanka wacantkiyapi kin hee: qa tuwe wacantkiyapi en un kin he Wakantanka kici un, qa Wakantanka iś nakun iye en un ece.

I. Johannes 5:11

Unkan wayaotanin qon he dee, Wakantanka wiconi owihanke wanica unqupi kin he; unkan wiconi kin he iye Cinhintku kin en un.

I. Johannes 5:13

Wakantanka Cinhintku caje kin wacinyayapi kin dena wowapi cicagapi kin; wiconi owihanke wanica duhapi e sdonyakiyapi kta, qa Wakantanka Cinhintku caje kin wacinyayapi kta e heon.