I. Johannes 4:7 - Dakota Wowapi Wakan Kin

⁷ Waśtecicidapi kin, otoiyohi canteunkiciciyapi kte; wacantkiyapi kin he Wakantanka eciyatanhan un; qa tuwe wacantkiye cin he Wakantanka eciyatanhan tonpi, qa Wakantanka sdonya.

I. Johannes 4:7 ပူးပေါင်းရင်းမြစ်များ

Johannes 13:34

Woahope teca wan cic̣upi, otoiyohi waśteyecidapi kta; waśtecicidapi kin he iyecen waśteyecidapi kta.

Johannes 17:3

Unkan owihanke wanin wiconi kin he dee, wowicake Wakantanka niye e sdonniyanpi kta, qa Jesus Messiya uyaśi qon.

I. Korinth 8:3

Tuka tuwe Wakantanka waśte dake cinhan Wakantanka he iye sdonya.

II. Korinth 4:6

Wakan tanka iyoyanpa kin otpaza etanhan yege śi qon he uneantepi kin iyoyamunyanpi, Jesus Messiya itohnako kin eciyatanhan, Wakantanka towitan wosdonye iyoyanpa kin unqupi kte cin heon.

Galatia 4:9

Unkan nakaha Wakantanka sdonyayapi, qa iś Wakantanka sdonniyanpi yaunpi kin, hecen token ake taku tokaheya hunkeśni qa takudan okihi śni un kin ekta nihdohdapi, qa hena ake wowidag niyanpi kta yacinpi he.

Galatia 5:22

Tuka Woniya kin waskuyeca tawa kin he, wowaśtedake, wowiyuśkin, wookiye, wacintankapi, wicowaḣbayedan, wowaśte, wowacinye;

II. Timotheos 1:7

Wakantanka wokokipe woniya kin unqupi śni; tuka wowaśake, wacantkiyapi, qa wacinksapapi woniya kin.

I. Inyan 1:22

Woniya kin eciyatanhan wowicake anayagoptanpi kin heon nagi nihduskapi, hunkawanjinkiciyapi kin awicakehan waśtewicayadakapi kta, heon cante ecedan on otoiyohi nina waśtekicidaka po.

I. Johannes 2:10

Tuwe hunkawanjitku waśtekidake cin he iyoyanpa kin en un ece, qa wokaśeye takudan en un śni.

I. Johannes 2:29

Iye owotanna un sdonyayapi kinhan, tuwe woowotanna econ kin he iye kin eciyatanhan wanna teca nien tonpi o nakun sdonya po.

I. Johannes 2:3

Unkan deciyatanhan iye kin wanna sdonunyanpi e sdonunkiyapi, tawoahope unkokicipapi kinhan.

I. Johannes 2:4

Tuwe, He sdonwaya ce, eye c̣a tawoahope okicipe śni kin he itonśni, qa wowicake kin en un śni.

I. Johannes 2:7

Mihunkawanji, woahope teca wan cicagapi śni, tuka woahope tanina, otokaheya tanhan duhapi qon hee. Woahope tanina kin wicoie otokahe ekta nayaḣonpi qon he hee.

I. Johannes 3:9

Tuwe Wakantanka eciyatanhan teca nien tonpi kin he woaḣtani econ śni, taku on icaḣye cin he en un kin heon; unkan waḣtani okihi śni, Wakantanka eciyatanhan teca nien tonpi kin he etanhan.

I. Johannes 4:11

Waśtecicidapi kin, Wakantanka hecen canteunkiyapi kinhan, unkiś eya otoiyohi canteunkiciciyapi kta iyececa.

I. Johannes 4:12

Tuwedan tohinni Wakantanka wanyake śni. Otoiyohi canteunkiciciyapi kinhan Wakantanka unkicipi un, qa iye canteunkiyapi kin unkiyepi en tanyan yuśtanpi ece.

I. Johannes 4:16

Wakantanka canteunkiyapi kin he sdonunyanpi qa wicaundapi. Wakantanka wacantkiyapi kin hee: qa tuwe wacantkiyapi en un kin he Wakantanka kici un, qa Wakantanka iś nakun iye en un ece.

I. Johannes 4:20

Tuwe, Wakantanka waśtewadaka ce, eye c̣a hunkawanjitku śicekidake cinhan, he itonśni. Tuwe hunkawanjitku wanhdake cin he waśtekidake śni kinhan, token ecin Wakantanka wanyake śni kin waśtedaka okihi kta be.

I. Johannes 4:8

Tuwe wacantkiye śni kin he Wakantanka sdonye śni; Wakantanka he wacantkiyapi kin hee.

I. Johannes 5:1

Tuwe Jesus he Messiya kin ee e wicada kin he Wakantanka eciyatanhan tonpi; qa tuwe waicaḣye cin waśtedake cinhan, he tuwe iye eciyatanhan teca ni en tonpi kin he nakun waśtedaka ece.

II. Johannes 1:5

Unkan nakaha, Kuria, ceciya ce, woahope teca wan cicage cin iyecece śni, tuka wanji otokahe ekta unhapi qon, otoiyohi canteunkiciciyapi kte cin hee.