I. Johannes 4:6 - Dakota Wowapi Wakan Kin

⁶ Unkiye Wakantanka unketanhanpi; tuwe Wakantanka sdonye cin he unkiye anaungoptanpi ece; qa tuwe Wakantanka eciyatanhan śni kin he anaungoptanpi śni. Deciyatanhan wowicake woniya qa wohnaye woniya kin napin sdonunyanpi.

I. Johannes 4:6 ပူးပေါင်းရင်းမြစ်များ

Lukas 10:22

Atewaye cin he taku owasin yuhemakiya; qa Cinhintkuyapi kin he tuwe kin tuwedan sdonye śni, Ateyapi kin heceyedan; qa Ateyapi kin iś tuwe kin, Cinhintkuyapi kin iye qa tona owicakiyake kte cin henana sdonyapi ece.

Johannes 10:16

Qa taḣinca toktokeca nakun wicamduha, taḣinca tipi kin den un śni: hena nakun awicawahi kta, hecen miho kin naḣonpi kta; hetanhan taḣinca tipi wanjidan kta, qa waawanhdake wanjidan kta.

Johannes 10:27

Taḣinca mitawa kin miho kin naḣonpi, qa hena sdonwicawakiya, qa mihakam unpi.

Johannes 10:3

Qa iye tiyopa awanyake cin tiyopa kiciyugan ece, unkan taḣinca kin he ho kin naḣonpi ece; taḣinca tawa kin otoiyohi cajeyan wicakico, qa tankan wicahdoya ece.

Johannes 13:20

Tuwe tokiya yewakiye cin tuwe iyowinkiye cinhan, he miye e iyowinmaye; qa tuwe iyowinmaye cinhan, he tuwe u maśi kin he iyowinkiya, wowicake, wowicake eciyatanhan eciciya pi.

Johannes 14:17

Wowicake Woniya kin hee, oyate kin he icu okihipi śni, tohinni wanyakapi śni qa sdonyapi śni; tuka niye he sdonyayapi, he nicipi un qa en niunpi kta.

Johannes 15:26

Tuka Wicakicanpte, Atewaye cin etanhan uwaśi kte cin he, Wowicake Woniya kin hee, tohan hi kinhan, he iye Atewaye cin etanhan u kta, qa omayake kte cin hee.

Johannes 16:13

Tuka tohan Wowicake Woniya kin he iye hi kinhan, wowicake ocowasin en aniyanpi kta; iye atayedan on ie kte śni, tuka taku naḣon kin hena oyake kta, qa taku tokata ekta hena oniciyakapi kta.

Johannes 18:37

Hehan Pilate heciya; Wicaśtayatapi kin henica he. Unkan Jesus ayupte; Wicaśtayatapi hemaca e ecen eha; hemaca kta e on matonpi, qa heon makata wahi, wowicake mdaotanin kta e heon. Tuwe wowicake eciyatanhan un kinhan he miho kin naḣon ece.

Johannes 20:21

Wookiye nicipi un nunwe, ake Jesus ewicakiya. Ate u maśi kin he iyecen miś ye ciśipi.

Johannes 8:19

Unkan, Niyate tukte e he, eciyapi. Jesus iś awicayupte, Sdonmayayapi śni, qa nakun Atewaye cin sdonyayapi śni: Miye kin sdonmayayapi unkanś, Ate iś nakun sdonyayapi kta tuka.

Johannes 8:23

Hehan iye hewicakiya; Niye kuya tanhan yaunpi; qa miye e wankan tanhan waun; maka kin detanhan yaunpi, tuka miye maka kin dematanhan śni.

Roma 1:1

Palos Jesus Messiya taokiye, yewicaśipi kin en kicopi, Wakantanka tawootanin waśte on kaḣnigapi;

Roma 11:8

Wowapi qon iyececa; Wicaḣba wicacante kin Wakantanka wicaqu, iśta on wiwanyakapi kte śni, qa noge on winaḣonpi kte śni, anpetu kin dehanyan.

I. Korinth 14:37

Tuwe wicaśta wokcan, qa iś wicaśta wakan kin heca kecanic̣in kinhan, he taku wowapi en cicagapi kin hena Itancan tawoahope kin hee e yaotanin kta.

II. Korinth 10:7

Wicaśta itohnake kin hecedan iwandakapi he. Tuwe Messiya tawa kecanic̣in kinhan, he ake kaken awacin kta: is iye Messiya tawa kin heca he iyecen unkiś unkiyepi Messiya tawa unyanpi.

II. Thessalonike 1:8

Peta ide kin en, tona Wakantanka sdonyapi śni, qa Jesus Messiya Itancan unkiyapi tawotanin waśte anagoptanpi śni kin hena wośitkihda wicaqu kta;

I. Timotheos 4:1

Woniya kin atayedan heya, Anpetu ihankeya kin en, wanjikśi wacinyanpi kin ayuśtanpi kta, qa woniya śapa wahnaye sa, qa taku wakan śica tawoonspe ko anagoptanpi kta.

II. Inyan 3:2

Hecen wicaśta wokcan wakan token oieyapi qon, qa nakun unkiye Itancan qa Wanikiya yeunśipi qon token econ unniśipi kin hena yeksuyapi kta.

I. Johannes 4:1

Waśtecicidapi kin, ihnuhan woniya owasin wicayadapi kinhan; tuka woniya kin wicayukcan po, Wakantanka etanhan unpi kinhan; wicaśta wokcan itonpiśni ota wanna wicoicage kin ehna iyayapi.

I. Johannes 4:4

Kokśiyopa cikcistinpidan, Wakantanka eciyatanhan yaunpi, qa hena ohiwicayayapi; tuwe en niunpi kin he tuwe wicoicage en un kin isanpa tanka.

I. Johannes 4:8

Tuwe wacantkiye śni kin he Wakantanka sdonye śni; Wakantanka he wacantkiyapi kin hee.

I. Johannes 5:19

Wakantanka eciyatanhan unyakonpi kin he sdonunkiyapi; qa wicoicage kin ocowasin woaḣtani en wanka.

Judas 1:17

Tuka waśtecicidapi kin, niyepi, Jesus Messiya Itancan unyanpi yewicaśi qon hena oiepi ehanna eyakapi qon hena kiksuya po;