I. Johannes 4:5 - Dakota Wowapi Wakan Kin

⁵ Hena e wicoicage kin etanhanpi; heon wicoicage kin iyecen iapi, unkan wicoicage kin anawicagoptan ece.

I. Johannes 4:5 ပူးပေါင်းရင်းမြစ်များ

Lukas 16:8

Unkan yuhe cin waawanyake owotanna śni kin yaonihan, okiksamya econ kin heon etanhan: maka kin de cincapi kin iwicacage cin en iyoyanpa cinca kin isanpa ksapapi ece.

Johannes 17:14

Nioie wicawaqu, qa oyate kin śice wicadapika, oyate kin hetanhanpi śni heon etanhan hececa, oyate dematanhan śni he iyecen.

Johannes 17:16

Oyate kin de ematanhan śni kin he iyecen iś oyate kin de etanhanpi śni.

Johannes 3:31

Tuwe wankan tanhan hi kin he taku owasin iwankam ounye. Tuwe maka etanhan hi kin he maka etanhan, qa maka kin iyecenya oie kiton. Tuwe maḣpiya kin eciyatanhan hi kin he taku owasin on iyotan.

Johannes 8:23

Hehan iye hewicakiya; Niye kuya tanhan yaunpi; qa miye e wankan tanhan waun; maka kin detanhan yaunpi, tuka miye maka kin dematanhan śni.

II. Timotheos 4:3

Anpetu wan u kte cin he tohan hi kinhan, woonspe waśte kin aktapi kte śni, tuka iye wicotawacin śice cin eciyatanhan waonspekiyapi kin awicakitapi kta, noge yaśpuyapi se iyececa heon etanhan.

Wayuotanin 12:9

Unkan wamduśka tanka kin, wamduśka wanakaja tanhan un kin hee, Wakanśica qa Satan eciyapi, wicaśta hiyeye cin owasin wicahnaye cin hee, makata eḣpeyapi, qa tona ookiye wicaye cin hena nakun kici tankan iyewicayapi.