I. Johannes 4:1 - Dakota Wowapi Wakan Kin

¹ Waśtecicidapi kin, ihnuhan woniya owasin wicayadapi kinhan; tuka woniya kin wicayukcan po, Wakantanka etanhan unpi kinhan; wicaśta wokcan itonpiśni ota wanna wicoicage kin ehna iyayapi.

I. Johannes 4:1 ပူးပေါင်းရင်းမြစ်များ

Markos 13:21

Unkan hehan tuwe; Iho, Messiya hen yanka ce, qa iś; Kan yanka ce, eniciyapi eśta, wicadapi śni po.

Lukas 12:57

Han, niye cinka tokeca e taku owotanna kin idukcanpi śni he.

Lukas 21:8

Unkan heya; Ihnuhan nihnayanpi kinhan; wicota micaje kin on upi qa, He miye ce, qa wanna ecadan iyehantu kta ce, eyapi kta: tuka wicihakam yapi sni po.

Olianyanpi kin 17:11

Hena iś Thesalonike oyate kin sam iyeya wacin ksapapi, wicoie kin tawacin inaḣni on icupi, qa hena hecetu e sdonyapi kta, heon anpetu iyohi wowapi wakan kin en akitapi ece.

Olianyanpi kin 20:29

Miye imdamde cinhan, hehan śunktokeca ocin śicapi kin niyepi en niipi kta, qa taḣinca kin itonwicapapi kte śni he sdonwaya.

I. Korinth 12:10

Qa wicaśta wan wowapetokeca econpi, qa wanji tokeca wiyukcanpi, qa wanji tokeca taku wakan iyukcanpi, qa wanji tokeca iapi ocaje ota, qa wanji tokeca iapi ieska oyakapi kin hecekcen wicaqupi ece.

I. Korinth 14:29

Qa wicaśta wokcan kin hena nomnom qa yamnimni oyakapi kta, qa unmanpi kin wiyukcan unpi kta.

I. Thessalonike 5:20

Wiyukcanpi kin iḣaḣapi śni po.

I. Thessalonike 5:21

Taku owasin iyukcanpi, qa taku waśte kin he ṭinsa yuha po.

II. Thessalonike 2:2

Ihnuhan wicanagi qa wicoie qa wowapi unnicagapi kin on ihnuhanna nitawacinpi ekta nihuhuzapi qa ininihanpi kin, Messiya taanpetu kin kiyadan u kin hececa.

I. Timotheos 4:1

Woniya kin atayedan heya, Anpetu ihankeya kin en, wanjikśi wacinyanpi kin ayuśtanpi kta, qa woniya śapa wahnaye sa, qa taku wakan śica tawoonspe ko anagoptanpi kta.

II. Timotheos 3:13

Tuka wicaśta śica, wicahnayanpi sa ko, hena sanpa śicapi kta, wicahnayanpi qa nakun hnayanpi kta.

II. Inyan 2:1

Tuka he ehan oyate kin ehna wicaśta wokcan itonpi śni yukan qon, he iyecen niyepi kin ehna waonspekiya itonpi śni kin heca yuke kta, naḣmana wohnuni woihangye kin en aupi kta, Itancan opewicakiton qon he eḣpeyapi, qa wicotakuniśni oḣanko amnaic̣iyapi kta.

I. Johannes 2:18

Hokśiyopa cikcistinpidan, anpetu ihankeya kin wanna hiyohi; unkan, Messiya kipajin kin he u kta ce, nayaḣonpi qon he iyecen Messiya kipajinpi kin ota wanna hipi; heon de anpetu ehake kin sdonunyanpi.

I. Johannes 2:7

Mihunkawanji, woahope teca wan cicagapi śni, tuka woahope tanina, otokaheya tanhan duhapi qon hee. Woahope tanina kin wicoie otokahe ekta nayaḣonpi qon he hee.

II. Johannes 1:7

Wanna wicahnaye sa ota wicoicage kin ehna iyayapi, hena Jesus Messiya wicaceḣpi un hi qon oyakapi śni. He wicahnaye sa qa Messiya kipajin kin heca.

III. Johannes 1:11

Waśtecicida, taku śice cin he en ope śni wo, tuka taku waśte kin. Tuwe taku waśte econ kin he Wakantanka eciyatanhan un, tuka tuwe taku śica econ kin he Wakantanka wanyake śni.

Wayuotanin 2:2

Nioḣan, qa nitoḣtani, qa wacinnitanka kin he sdonwaya; qa tona śicapi kin hena iyowinwicakiya oyakihi śni; qa tona yewicaśipi kin hecapi keic̣iyapi kin hena wicadukcan qa itonpiśni kin heca iyewicayaya.