I. Johannes 3:9 - Dakota Wowapi Wakan Kin

⁹ Tuwe Wakantanka eciyatanhan teca nien tonpi kin he woaḣtani econ śni, taku on icaḣye cin he en un kin heon; unkan waḣtani okihi śni, Wakantanka eciyatanhan teca nien tonpi kin he etanhan.

I. Johannes 3:9 ပူးပေါင်းရင်းမြစ်များ

Mattheos 7:18

Can waśte kin he waskuyeca śica icahye kta ohihi śni; qa nakun can śice cin he waskuyeca waśte icaḣye kta ohihi śni.

Johannes 1:13

Hena wicawe eciyatanhan śni, qa wicaceḣpi tawacin kin eciyatanhan śni, qa nakun wicaśta tawacin kin eciyatanhan śni, tuka Wakantanka eciyatanhan wicatonpi.

Johannes 3:3

Unkan Jesus ayupte c̣a heciya; Wowicake, wowicake eciyatanhan heciciya, Wicaśta kin wankantanhan teca nien tonpi śni kinhan Wakantanka tokiconze kin wanyaka okihi kte śni.

Olianyanpi kin 4:20

Taku sdonunyanpi qa naunḣonpi qon hena oyake śni unyakonpi kta e unkokihipi śni.

Roma 6:2

Hiya hecetu śni. Tona woaḣtani ekta unṭapi kin, token he en nakun unnipi kta he.

Galatia 5:17

Wicaceḣpi kin he Woniya kin inakiwizi, qa Woniya kin iś wicaceḣpi kin inakiwizi, qa henaozakiya anokatanhan kicizapi, hecen taku token yacinpi śni kin hena ecanonpi ece.

Titos 1:2

Qa owihanke wanin wiconi opapi kte cin, Wakantanka itonśni okitpani, in aka kagapi kin itokam iwahounyanpi qon he on;

I. Inyan 1:23

Piya icaḣniyanpi, oicage kuke kte cin etanhan śni, tuka kukepica śni kin on, Wakantanka oie kin ni un qa owihanke wanice kte cin hee on.

I. Johannes 2:29

Iye owotanna un sdonyayapi kinhan, tuwe woowotanna econ kin he iye kin eciyatanhan wanna teca nien tonpi o nakun sdonya po.

I. Johannes 3:6

Tuwe iye en un kin he waḣtani śni; tuwe waḣtani ece kin he iye kin tohinni wanyake śni, qa nakun sdonye śni.

I. Johannes 4:7

Waśtecicidapi kin, otoiyohi canteunkiciciyapi kte; wacantkiyapi kin he Wakantanka eciyatanhan un; qa tuwe wacantkiye cin he Wakantanka eciyatanhan tonpi, qa Wakantanka sdonya.

I. Johannes 5:1

Tuwe Jesus he Messiya kin ee e wicada kin he Wakantanka eciyatanhan tonpi; qa tuwe waicaḣye cin waśtedake cinhan, he tuwe iye eciyatanhan teca ni en tonpi kin he nakun waśtedaka ece.

I. Johannes 5:18

Tuwe Wakantanka eciyatanhan tonpi kin he waḣtani śni ece e sdonunyanpi; tuka tuwe Wakantanka eciyatanhan icage cin he tanyeḣ ihduhe c̣a hecen taku śice cin he oyutan śni ece.

I. Johannes 5:4

Tuwe Wakantanka eciyatanhan tonpi kin he wicoicage kin ohiya ece; unkan woohiye wicoicage ohiye cin he dee, wacinunyanpi kin hee.

III. Johannes 1:11

Waśtecicida, taku śice cin he en ope śni wo, tuka taku waśte kin. Tuwe taku waśte econ kin he Wakantanka eciyatanhan un, tuka tuwe taku śica econ kin he Wakantanka wanyake śni.