I. Johannes 3:8 - Dakota Wowapi Wakan Kin

⁸ Tuwe woaḣtani econ ece kin he wakanśica eciyatanhan un; otokaheya tanhan wakanśica kin waḣtani ece. Heon etanhan Wakantanka Cinhintku kin ihdutanin, wakanśica oḣan kin ihangye kte cin heon.

I. Johannes 3:8 ပူးပေါင်းရင်းမြစ်များ

Mattheos 12:28

Tuka miye Wakantanka Taniya on wakan sica napewicawaya hecinhan, Wakantanka tokiconze kin wanna en nihipi.

Mattheos 13:38

Maga kin he maka ocowasin ee; su waśteśte qon he wokiconze cinca kin hena eepi; wayahota kin he tuwe śica cinca kin hena eepi:

Mattheos 4:3

Unkan wawiyutanyan kin en hi qa heciya; Wakantanka Cinhintku kin he niye hecinhan, inyan kin dena aguyapi icage kta keya wo.

Markos 1:24

Qa heya; Unkayuśtan po; Jesus Nazareth etanhan, taku ecaunniconpi he; ihangunyayapi kta yahi he; nituwe kin sdonwaya, Taku Wakan Wanji Wakantanka tawa kin he niye.

Lukas 10:18

Unkan hewicakiya; Maḣpiya kin eciyatanhan wakanhdi iyecen Satan hinḣpaya wanmdaka ce.

Johannes 12:31

Wanna oyate kin wicayacopi; qa wanna maka akan itancan kin tankan eḣpeyapi.

Johannes 16:11

Woyaco kin, oyate kin de itancan un kin he wanna yacopi, heon etanhan.

Johannes 8:44

Wakanśica ateyayapi kin henitanhanpi, qa niyatepi tawacin kin ecen ecanonpi yacinpi ece. He otokahe etanhan tinwicakte kin heca, qa wowicake kin en najin śni, wowicake takudan en un śni nakaeś. Tohan woitonśni oyaka eca, he iye cinka ohdaka ece; iye kin woitonśni sa, qa woitonśni atkuku kin hee.

Roma 16:20

Unkan kohanna Wookiye Wakantanka kin niye nisihapi kin ihukuya Satan napan kta. Jesus Messiya Itancan unkiyapi towaonśida kin niyepi en nicipi un nunwe.

Ephesos 2:2

Hena ehna ehanna mayanipi, wicoicage kin de wiconi kin eciyatanhan, qa okotonyan wowaśake kin itancan kin eciyatanhan, he taku wakan woakta śni cinca kin en oḣanye cin hee.

Kolosse 2:15

Qa wokiconze, wicowaśake ko yutakuni śni iyeye c̣ehan, taninyan wicakipazo, qa iye ḣinca on iwakte hdi.

I. Timotheos 3:16

Unkan he taku aiepica śni, Wakantanka awacinpi kin he wowiyukcan tanka; Wakan tanka wicaceḣpi en ihdutanin qon, Woniya kin on yaowotanna kagapi, maḣpiya ohnihde kin wanyakapi, Ikcewicaśta kin ekta oyakapi, wicoicage kin en wicadapi, qa wowitan kin ekta wankan ehdakupi.

Hebrew 2:14

Cinca kin hena wicaceḣpi, qa wicawe kin en opapi kin heon iś iye hena en opa; hecen tuwe wiconṭe wowaśake yuhe cin, Wakanśica hec, e ihangye kta;

Hebrew 9:26

He iyececa unkanś, maka kagapi kin ehantanhan, wanna ota akihde kakije kta tuka; tuka nakaha woicage ihanke kin en, iye waihduśna kin eciyatanhan, woaḣtani yutokan iyeye kta e on taninic̣iya.

II. Inyan 2:4

Wakantanka maḣpiya ohnihde waḣtanipi qon hena wicakpatan śni, tuka wakanśica ti kin ekta iyayewicaya, qa woyaco kte cin hehanyan wicayuhapi kta e otpaza maza icicaḣiḣa on wicakaśka hecinhan;

I. Johannes 1:2

Wiconi kin he ihdutanin; unkan Wiconi Owihanke Wanica Ateyapi kin kici un, qa unkiyepi kin en ihdutanin qon he wanunyakapi, qa unyaotaninpi qa unkoniciyakapi.

I. Johannes 3:10

Detanhan Wakantanka cinca kin sdonwicayapi, qa nakun wakanśica cinca kin; tuwe taku owotanna ece econ śni kin he Wakantanka eciyatanhan śni, qa nakun tuwe hunkawanjitku tanyan cante kiyuze śni kin.

I. Johannes 3:5

Unkan iye ihdutanin qon, waunḣtanipi kin yutokan iyeye kta e heon, he sdonyayapi; qa iye kin woaḣtani takudan en un śni.

I. Johannes 5:19

Wakantanka eciyatanhan unyakonpi kin he sdonunkiyapi; qa wicoicage kin ocowasin woaḣtani en wanka.

Judas 1:6

Qa nakun maḣpiya ohnihde otokahe unpi kin kpatanpi śni, tuka iye tipi eḣpekiyapi qon, hena otpaza ihukuya, owihanke wanin mazaicicaḣiḣa kin on, anpetu tanka woyaco kin he en awicayuha.

Wayuotanin 20:10

Unkan Wakanśica, hena wicahnaye cin he peta qa inyanzi mde kin en iyoḣpeyapi, heciya wamanica qa woitonśni wokcan kin unpi, qa anpetu hanyetu ko owihanke wanin kakijapi kta.

Wayuotanin 20:15

Unkan tuwe wiconi wowapi kin en owapi iyeyapi śni kin he peta mde kin en iyoḣpeyapi ece.