I. Johannes 3:7 - Dakota Wowapi Wakan Kin

⁷ Hokśiyopa cikcistinpidan, ihnuhan tuwe nihnayanpi kinhan; tuwe taku owotanna econ ece kin he owotanna, iye kin owotanna un kin iyececa.

I. Johannes 3:7 ပူးပေါင်းရင်းမြစ်များ

Mattheos 5:20

Miye heciciyapi ce; Wicoowotanna nitawapi kin, wowapi kagapi qa Pharisee tawapi kin isanpa tanka śni kinhan, maḣpiya wokiconze kin en ecaca oyapapi kte śni.

Lukas 1:75

Iye itokam, wicoowotanna qa wicoecetu kin en, tohanyan unnipi kin hehanyan.

Olianyanpi kin 10:35

Tuka oyate otoiyohi en, tuwe kokipeyahan un, qa owotanna oḣanye cin he waśtedaka ece.

Roma 2:13

Wakantanka ekta tona woope naḣonpi kin hena owotanna kin eepi śni, tuka tona woope kin ecen econpi kin hena owotanna wicayawapi kta.

I. Korinth 6:9

Tona owotanna śni un kin hena Wakantanka tokiconze kin tawapi kte śni e sdonyayapi śni he. Ic̣ihnayanpi śni po: wiinaḣmanpi, qa wakagapi ohodapi sa, qa wawiciḣaḣapi econpi sa, qa winyan ic̣idapi kin, qa iwicahu sa.

Ephesos 5:6

Iapi ecinśniyan on ihnuhan tuwe nihnayanpi kin; wicoḣan kin hena on Wakantanka tocanniye kin woakta śni cincapi kin en awicau kta.

Ephesos 5:9

Woniya tawaskuyeca kin he wowaśte owasin, qa wicoowotanna, qa wowicake kin en un:

Philippi 1:11

Qa wicoowotanna waskuyeca kin on ojudan yaunpi nunwe, hena Jesus Messiya on Wakantanka woyatan qa wowitan tawa kin ee.

Hebrew 1:8

Tuka Cinhintku kin heciya, Wakantanka, oiyotanke nitawa kin he owihanke wanica; nitokiconze mazasagye kin he mazasagye owotanna;

Hebrew 7:2

Unkan Abraham taku owasin etanhan iwikcemna kin he qu. Wicaśta kin he tokaheya caje oyakapi kin on, Woowotanna wicaśtayatapi kin hee, qa hehan, Salem wicaśtayatapi kin, he Wookiye wicaśtayatapi kin hee.

Jakob 1:22

Tuka wicoie kin ecen econ po, qa iye ic̣ihnayanpi, naḣonpi ecedan, unpi śni po.

Jakob 2:19

Taku Wakan kin wanjidan he wicayada; he tanyan ecanon; taku wakan śicapi kin iś eya wicadapi qa cancanpi ece.

I. Inyan 2:24

Iye ḣinca can akan un qehan, iye tancan kin en waunḣtanipi kin yuha; hecen unkiye woaḣtani eḣpeunyanpi woowotanna en unnipi kta: Iye apapi qon on asniniyanpi ce

I. Johannes 2:1

Micinca cikcistinpidan, wayaḣtanipi kte śni e heon dena decen wowapi cicagapi. Unkan tuwe waḣtani kinhan Ateyapi kin ekta Wawiciya wan unhapi, Jesus Messiya owotanna kin hee.

I. Johannes 2:26

Tona nihnayanpi kta cinpi kin hena on decen wowapi cicagapi.

I. Johannes 2:29

Iye owotanna un sdonyayapi kinhan, tuwe woowotanna econ kin he iye kin eciyatanhan wanna teca nien tonpi o nakun sdonya po.

I. Johannes 3:18

Micinca cikcistinpidan, wicoie qa wicaceji ecedan on wacanunkiyapi kte śni, tuka wicoḣan qa wowicake kin on.

I. Johannes 3:3

Unkan tuwe hecen wacinyan canteyuze cinhan ihduecedan ece, iye kin ecedan un kin iyecen.

I. Johannes 4:17

Deciyatanhan wocantekiye unkiyepi en unkiciyuśtanpi ece, hecen woyaco anpetu kin en wowaditake unhapi kta: iye un kin unkiś iyecen wicoicage kin den unyakonpi ece.