I. Johannes 3:5 - Dakota Wowapi Wakan Kin

⁵ Unkan iye ihdutanin qon, waunḣtanipi kin yutokan iyeye kta e heon, he sdonyayapi; qa iye kin woaḣtani takudan en un śni.

I. Johannes 3:5 ပူးပေါင်းရင်းမြစ်များ

II. Korinth 5:21

Tuwe woaḣtani sdonkiye śni un qon he, unkiyepi on woaḣtani kagapi; hecen iye en Wakantanka toowotanna unkicagapi kta.

Hebrew 9:28

He iyecen Messiya, wicota waḣtanipi kin yuhe kta e wancadan wayuśnapi; unkan, tona he wanyakapi kta ape yukanpi kin hena niwicaye kta e, woaḣtani codan, inonpa ihdutanin kta.

I. Inyan 3:18

Messiya iś eya wancadan woaḣtani on kakija, owotanna un kin owotanpidan śni kin hena on, Wakantanka ekta unkaupi kta e heon, wicaceḣpi kic̣un ktepi, tuka Woniya kin on kiniyanpi.

I. Inyan 2:24

Iye ḣinca can akan un qehan, iye tancan kin en waunḣtanipi kin yuha; hecen unkiye woaḣtani eḣpeunyanpi woowotanna en unnipi kta: Iye apapi qon on asniniyanpi ce

Hebrew 9:26

He iyececa unkanś, maka kagapi kin ehantanhan, wanna ota akihde kakije kta tuka; tuka nakaha woicage ihanke kin en, iye waihduśna kin eciyatanhan, woaḣtani yutokan iyeye kta e on taninic̣iya.

Johannes 1:29

Anpetu iyokihe hehan Jesus etkiya u kin Johannes wanyake c̣a heya; Tacinca Wakantanka tawa, oyate waḣtanipi kin tokan eḣpeye kte cin he wanyaka po.

Wayuotanin 1:5

Qa Jesus Messiya etanhan, he waayatanin wicaka, wiconṭe etanhan tokaheya tonpi, qa maka wicaśtayatapi kin Itancan kin hee. Tuwe waśte unkidapi, qa waunḣtanipi kin etanhan iye we kin en unyujajapi,

I. Johannes 1:7

Tuka iye iyoyanpa en un kin he iyecen iyoyanpa kin en maunnipi kinhan, otoiyohi okiciciya unyakonpi, qa iye Cinhintku Jesus Messiya we kin he woaḣtani owasin unkipakintapi kta.

I. Johannes 1:2

Wiconi kin he ihdutanin; unkan Wiconi Owihanke Wanica Ateyapi kin kici un, qa unkiyepi kin en ihdutanin qon he wanunyakapi, qa unyaotaninpi qa unkoniciyakapi.

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

I. Inyan 2:22

Iye qe woaḣtani takudan econ śni, qa i kin ohna wohnaye takudan iyeyapi śni;

Hebrew 1:3

He iye towitan okitanin, qa ouncage okagapi ḣince cin hee, iye towaśake oie kin on taku owasin hduha yanka, he iś iye eciyatanhan waunḣtartipi wopakinte kage c̣ehan, Taku iyotan tanka wankan yanke cin he etapa kin en kiyotanka.

I. Timotheos 1:15

Wicoie kin de wacinyepica, qa owancaya icupi kta iyececa, Jesus Messiya waḣtanipi sa niwicaye kta e on makata hi; hena en miye imayotan.

Mattheos 1:21

He cinca ton kta, unkan Jesus eya caśyaton kta; iye taoyate kin waḣtanipi kin etanhan niwicaye kta, heon etanhan.

I. Johannes 2:1

Micinca cikcistinpidan, wayaḣtanipi kte śni e heon dena decen wowapi cicagapi. Unkan tuwe waḣtani kinhan Ateyapi kin ekta Wawiciya wan unhapi, Jesus Messiya owotanna kin hee.

I. Inyan 1:20

Iye qe maka kin de kagapi śni itokam wakiconzapi, tuka anpetu ihankeya kin dena en yutaninpi, niyepi kin on;

Hebrew 4:15

Wawajuśna itancan kin, unkiye unkakijapi kin en unkicanptapikta okihi śni kin heca unhapi śni, tuka iye taku owasin on iyutanyanpi, unkiye iyeuncecapi, tuka woaḣtani codan un.

Hebrew 7:26

Wawayuśna Itancan kin hececa he iyounkipipi, wakan, iyaonpepica śni, waaśape śni, qa waḣtanipi sa wicicunonpa un, qa maḣpiya kin sanpa wankantuya icaḣyapi.

I. Timotheos 3:16

Unkan he taku aiepica śni, Wakantanka awacinpi kin he wowiyukcan tanka; Wakan tanka wicaceḣpi en ihdutanin qon, Woniya kin on yaowotanna kagapi, maḣpiya ohnihde kin wanyakapi, Ikcewicaśta kin ekta oyakapi, wicoicage kin en wicadapi, qa wowitan kin ekta wankan ehdakupi.

Johannes 14:30

Detanhan taka ota eciciyapi kte śni; maka akan itancan kin wanna u, tuka miye kin en takudan tawa śni.

Johannes 8:46

Niyepi kin wanji tukte he wawaḣtani e duwicakapi he. Qa wowicake epe cinhan, tokeca e ẇicamayadapi śni he.

Johannes 1:31

Qa mis eya he sdonwaye śni; tuka Israel oyate kin ekta yuotaninpi kta e heon mini on baptem wicawaqu wahi ce.

Lukas 23:47

Unkan akicita opawinge wicayuhe cin he token econpi qon he wanyake c̣ehan, Wakantanka yaonihan, qa heya; Awicakehan wicaśta owotanna he de heca ce.

Lukas 23:41

Qa unkiye kin en he owotanna; taku econku eciyatanhan unkakipa ece; tuka iye qe taku śica takudan econ śni ce.

I. Inyan 1:18

Witkotkoya oyaḣandapi kin, nihunkakepi wohdakapi eciyatanhan duhapi qon he etanhan, taku atakuniśni ece, mazaskazi qa mazaska on openicitonpi śni e sdonyakiyapi;

I. Johannes 2:2

Unkan waunḣtanipi wokajuju kin he iye; qa unkiye unkitawapi kin hecedan śni, tuka maka kin owancaya woaḣtani econpi kin hena.

I. Johannes 2:29

Iye owotanna un sdonyayapi kinhan, tuwe woowotanna econ kin he iye kin eciyatanhan wanna teca nien tonpi o nakun sdonya po.

I. Johannes 3:8

Tuwe woaḣtani econ ece kin he wakanśica eciyatanhan un; otokaheya tanhan wakanśica kin waḣtani ece. Heon etanhan Wakantanka Cinhintku kin ihdutanin, wakanśica oḣan kin ihangye kte cin heon.