I. Johannes 3:2 - Dakota Wowapi Wakan Kin

² Waśtecicidapi kin, wanna Wakantanka cinca kin heuncapi; qa tounkecapi kte cin hinaḣin tanin śni: tuka iye kin ihdutanin kinhan, iyeuncecapi kta e sdonunkiyapi; he token un kin wanunyakapi kta nakaeś.

I. Johannes 3:2 ပူးပေါင်းရင်းမြစ်များ

Mattheos 5:8

Tona cante en ecepidan kin hena wicayawaśtepi; hena Wakantanka wanyakapi kta.

Lukas 17:30

Wicaśta Cinhintku kin yuotaninpi kte cin he iyecece kta ce.

Lukas 20:36

Qa nakun ake ṭapi kta okihipi śni; tuka hena maḣpiya ohnihde kin om akiyececapi ece, qa wicakini kin he hena cinca kin on etanhan Wakantanka cincawicaya ece.

Johannes 1:12

Tuka tona iyowinkiyapi kin hena Wakantanka cinca wicaya yakonpi kta e okihi wicaya, tona iye caje wicadapi kin hena.

Johannes 11:52

Qa oyate kin heceedan śni, tuka Wakantanka cinca omdecahe cin hena owasin wanjidankiya kiwitaye kta.

Johannes 17:24

Ate, tona mayaqu kin hena, tokiya waun kin hen mici unpi kta wacin; hecen wowitan mayaqu qon he wanyakapi kta, wicoicage kin de itokam waśtemayakida kin heon etanhan.

Roma 8:16

Qa Wakantanka cinca kin heuncapi e unnagipi kin kici Woniya kin e unyuotaninpi.

Roma 8:18

De nakaha wicokakije kin he, wowitan unkiyepi en ecadan yutaninpi kte cin kici akiyecen yawapi kta e iyecece śni wadaka.

Roma 8:19

Wakantanka cinca wicayutaninpi kte cin on taku kagapi kin cantokpaniyan ape yanka.

Roma 8:29

Tona otokaheya tanhan sdonwicakiye ciqon hena wicakicenza, iye Cinhintku nuncage kin en icagapi kte cin heon, qa hecen he hunkawanjitku ota ehna tokapa kta.

I. Korinth 13:12

Dehan ihdiyomdasin en iyecen aotpasya wawanunyakapi ece; tuka eqe hehan anog itohnake icitkokim wanunkiciyakapi kta. Nakaha taku kin tanyan sdonwaye śni; tuka e qe tokata sdonmayanpi kin iyecen tanyan sdonwaye kta e imicihan.

I. Korinth 15:49

Unkan makata un kin touncage kin unhapi kin, he iyecen maḣpiya tanhan un kin touncage kin unhapi kta.

I. Korinth 2:9

Tuka wowapi qon iyececa; Tona Wakantanka waśtedakapi kin taku wicakiciyuśtan kin he wiciśta kin tohinni wanyake śni, qa wicanoge on naḣonpi śni, qa wicaśta cante kin mahen iyoḣpaye śni.

II. Korinth 3:18

Tuka unkiye owasin itohnake kin en takudan unkaḣpapi śni, ihdiyomdasin en wawanyakapi kin iyecen Itancan towitan kin wauunyakapi, qa iye ouncage kin iyecen unkagapi, wowitan sanpa wowitan kin en, Itancan Taniya kin on etanhan iyececa.

II. Korinth 4:17

Unkakijapi cistinna, qa ptecedan kin he wowitan ota ḣinca, ota ḣinca, owihanke wanin tke ḣinca unkicagapi kta.

Galatia 3:26

Jesus Messiya wacinyanpi kin eciyatanhan owasin Wakantanka cinca kin heuncapi.

Galatia 4:6

Unkan cinkśiniyanpi kin heon Wakantanka iye Cinhintku Taniya kin nicantepi kin en niu śipi, he, Abba, Ate, eya howaya ece.

Philippi 3:21

Iye untancanpi ḣanye cin he yutokecakta; qa iye tancan wakan kin ouncage kin en icaḣye kta, towaśake on taku owasin ohiye kta okihi kin heon etanhan.

Kolosse 3:4

Tohan Mesaiya wiconi unkitawapi kin taninyan hiyu kinhan, hehan wowitan en, kici niyuotaninpi kta.

Hebrew 9:28

He iyecen Messiya, wicota waḣtanipi kin yuhe kta e wancadan wayuśnapi; unkan, tona he wanyakapi kta ape yukanpi kin hena niwicaye kta e, woaḣtani codan, inonpa ihdutanin kta.

II. Inyan 1:4

Hena on taku tanka ḣinca, qa taku teḣike ḣinca iwahounyanpi; hecen hena on Taku Wakan ouncage kin en oyapapi kta, wiconi kin de en wocantiheye śica on wicośice nayecipapi kin.

I. Johannes 2:28

Unkan dehan, hokśiyopa cikcistinpidan, iye kici un po; hecen tohan iye ihdutanin kinhan wacinunyanpi kta, qa taninyan hinajin kinhan, itokam unkiśtecapi kte śni.

I. Johannes 2:7

Mihunkawanji, woahope teca wan cicagapi śni, tuka woahope tanina, otokaheya tanhan duhapi qon hee. Woahope tanina kin wicoie otokahe ekta nayaḣonpi qon he hee.

I. Johannes 3:1

Wanyaka po, Ateyapi kin wocantekiye hinsko tanka unqupi kin, Wakantanka cinca unkekiciyapi kta: heon etanhan wicoicage kin sdonunyanpi śni, iye kin sdonyapi śni qon iyececa.

I. Johannes 3:10

Detanhan Wakantanka cinca kin sdonwicayapi, qa nakun wakanśica cinca kin; tuwe taku owotanna ece econ śni kin he Wakantanka eciyatanhan śni, qa nakun tuwe hunkawanjitku tanyan cante kiyuze śni kin.

I. Johannes 3:21

Waśtecicidapi kin, uncantepi kin unhdacopi śni kinhan, Wakantanka ekta wowaditake kin unhapi:

I. Johannes 5:1

Tuwe Jesus he Messiya kin ee e wicada kin he Wakantanka eciyatanhan tonpi; qa tuwe waicaḣye cin waśtedake cinhan, he tuwe iye eciyatanhan teca ni en tonpi kin he nakun waśtedaka ece.

Wayuotanin 2:28

Qa anpao wicanḣpi kin he waqu kta.

Wayuotanin 22:4

Qa itohnake kin wanyakapi kta, qa caje kin iye itepi kin en yuhapi kta.