I. Johannes 3:1 - Dakota Wowapi Wakan Kin

¹ Wanyaka po, Ateyapi kin wocantekiye hinsko tanka unqupi kin, Wakantanka cinca unkekiciyapi kta: heon etanhan wicoicage kin sdonunyanpi śni, iye kin sdonyapi śni qon iyececa.

I. Johannes 3:1 ပူးပေါင်းရင်းမြစ်များ

Lukas 20:36

Qa nakun ake ṭapi kta okihipi śni; tuka hena maḣpiya ohnihde kin om akiyececapi ece, qa wicakini kin he hena cinca kin on etanhan Wakantanka cincawicaya ece.

Johannes 1:12

Tuka tona iyowinkiyapi kin hena Wakantanka cinca wicaya yakonpi kta e okihi wicaya, tona iye caje wicadapi kin hena.

Johannes 11:52

Qa oyate kin heceedan śni, tuka Wakantanka cinca omdecahe cin hena owasin wanjidankiya kiwitaye kta.

Johannes 15:21

Tuka micaje kin on hena owasin ecen ecaniconpi kta; tuwe u maśi kin he sdonyapi śni heon etanhan.

Johannes 16:3

Atewaye cin sdonyapi śni, qa miś nakun sdonmayanpi śni, he etanhan henakiya hecen ecanionpi kta.

Johannes 17:25

Ate owotanna, oyate kin sdonniyanpi śni ye, tuka miye sdonciye ciqon, qa dena iś niye e u mayaśi kin he sdonyapi.

Johannes 3:16

Wakantanka oyate kin cantewicakiya, heon Cinhintku iśnana icage cin wicaqu, qa tuwe awacin kinhan owihanke kte śni, tuka owihanke wanin wiconi yuhe kta.

Roma 5:8

Tuka waḣtanipi sa heuncapi kin he icunhan, Messiya unkiyepi on ṭe cin he en, Wakantanka token canteunkiyapi kin hduotanin.

Roma 8:19

Wakantanka cinca wicayutaninpi kte cin on taku kagapi kin cantokpaniyan ape yanka.

Roma 8:21

Qa taku kagapi kin hee kaeś wicaḣwin wowidagyapi kin etanhan kiyuśkapi kta, qa Wakantanka cincawicaye cin ihduhapi wowitan kin en yeyapi kta.

Roma 8:32

Tuwe iye Cinhintku kin kpatan śni, tuka unkiyepi owasin on kpagan qon, he iye kici taku owasin iyakicuya unqupi kte śni he.

II. Korinth 6:18

Niye ate mayayapi kta, qa miye cinkśi ciyapi qa cunkśi ciyapi kta ce, Itancan Iyotan Waśake cin he hena hecen eya.

Galatia 3:26

Jesus Messiya wacinyanpi kin eciyatanhan owasin Wakantanka cinca kin heuncapi.

Galatia 3:29

Messiya tawa niyanpi hecinhan, Abraham cinca kin henicapi, qa wahoyapi kin eciyatanhan tawayapi kte cin.

Kolosse 3:3

Niṭapi, qa nitowiconi kin he Messiya kici, Wakantanka en naḣmanpi.

I. Johannes 3:10

Detanhan Wakantanka cinca kin sdonwicayapi, qa nakun wakanśica cinca kin; tuwe taku owotanna ece econ śni kin he Wakantanka eciyatanhan śni, qa nakun tuwe hunkawanjitku tanyan cante kiyuze śni kin.

I. Johannes 3:2

Waśtecicidapi kin, wanna Wakantanka cinca kin heuncapi; qa tounkecapi kte cin hinaḣin tanin śni: tuka iye kin ihdutanin kinhan, iyeuncecapi kta e sdonunkiyapi; he token un kin wanunyakapi kta nakaeś.

I. Johannes 4:17

Deciyatanhan wocantekiye unkiyepi en unkiciyuśtanpi ece, hecen woyaco anpetu kin en wowaditake unhapi kta: iye un kin unkiś iyecen wicoicage kin den unyakonpi ece.

Wayuotanin 21:7

Tuwe ohiye cinhan he taku owasin tawaye kta, qa iye Wakantanka maye kta, qa miś he cinkśiwaye kta.