I. Johannes 2:8 - Dakota Wowapi Wakan Kin

⁸ Hehan akeś woahope teca wan cicagapi; he iye kin en wowicake, qa nakun niyepi kin en; otpaze cin he wanna henakeca, qa iyoyanpa wicake cin he wanna tanin kin heon etanhan.

I. Johannes 2:8 ပူးပေါင်းရင်းမြစ်များ

Mattheos 4:16

Oyate otpaza en iyotanke ciqon he iyoyanpa tanka wanyakapi, qa tona wiconṭe makoce qa ohanzi kin en iyotankapi kin hena iyoyanpa awicahinanpa ce.

Lukas 1:79

Hecen otpaza qa wiconṭe ohanzi kin ehna iyotankapi kin hena iyoyamwicaye kta; qa unsihapi kin wookiye canku kin ohna unkayapi kta ce, eya.

Johannes 1:9

Iyoyanpa wicakapi ḣince cin hee, wicaśta otoiyohi wicoicage kin en u iyoyamye cin hee.

Johannes 12:35

Hehan Jesus hewicakiya; Iyoyanpa kin ehake cistiyedan nioipi un; iyoyanpa duhapi kin icunhan en omani po; otpaze cin iyapaśtag niyanpi nun ce; tuwe otpaza icunhan omani kin he tokiya ye cin sdonye śni.

Johannes 12:46

Miye maka akan iyoyanpa wahi; hecen tuwe wicamada kinhan he otpaza en omani kte śni.

Johannes 13:34

Woahope teca wan cic̣upi, otoiyohi waśteyecidapi kta; waśtecicidapi kin he iyecen waśteyecidapi kta.

Johannes 8:12

Hehan ake Jesus owicakiye c̣a heya; Oyate iyoyamwicaye cin he miye. Tuwe mihakam u kin he otpaza ehna mani kte śni, iyoyanpa wiconi hee tawa kta.

Olianyanpi kin 17:30

Qa wookaḣnige śni omaka kin hena, Wakantanka ekta etonwe śni; tuka wanna wicaśta owasin owancaya ihduecetu wicaśi.

Olianyanpi kin 26:18

Iśta wicadumdaye c̣a, otpaza etanhan iyoyanpa ekta, qa Satan towaśake kin etanhan Wakantanka ekta wicaduhomni kta; qa hecen wacinmayanpi kin on waḣtanipi wicakicicajujupi kin, qa tona ska wicakagapi kin hena om woyuha yuhapi kta ce.

Roma 13:12

Hanyetu kin wanna ecadan unkihunipi kta, anpetu kin kohanna u kta, heon etanhan otpaza wicoḣan kin eḣpeunyanpi, qa iyoyanpa wipe kin kounyakapi kta.

II. Korinth 8:9

Jesus Messiya Itancan unkiyapi towaonśida kin he sdonyayapi, watonka tuka niyepi on waḣpaniic̣iya, hecen iye waḣpanica kin on winijicapi kta.

Ephesos 5:8

Enanna otpaze cin henicapi, tuka wanna Itancan kin en iyoyanpa kin henicapi; iyoyanpa cinca kin iyecen nmni po:

II. Timotheos 1:10

Tuka wanna hdutanin, Jesus Messiya Wanikiya unkitawapi taniniciye cin on, he wiconṭe ihangye c̣a, wotanin waśte kin en, wiconi qa ṭepica śni unpi kin iyoyanpa en au.

I. Inyan 1:21

Wakantanka wicaṭe cin etanhan najinkiye c̣a wowitan qu qon he wicayadapi, iye eciyatanhan; hecen wicayadapi qa wacinyayapi kin he Wakantanka en un kta.

I. Johannes 3:23

Unkan tawoahope kin he dee, Iye Cinhintku Jesus Messiya caje kin wacinunyanpi, qa otoiyohi waśteunkicidapi kta, econ unśipi qon iyececa.

I. Johannes 4:11

Waśtecicidapi kin, Wakantanka hecen canteunkiyapi kinhan, unkiś eya otoiyohi canteunkiciciyapi kta iyececa.

I. Johannes 4:21

Unkan iye etanhan woahope kin de unhapi; tuwe Wakantanka waśtedake cin he hunkawanjitku kin iś nakun waśtekidake kta ce.