I. Johannes 2:5 - Dakota Wowapi Wakan Kin

⁵ Tuka tuwe iye oie kin okicipe cinhan, awicakehan he en Wakantanka waśtedake cin yuecetupi. Heciyatanhan iye kin en unyakonpi kin sdonunkiyapi ece.

I. Johannes 2:5 ပူးပေါင်းရင်းမြစ်များ

Lukas 11:28

Tuka iye heya; Han, tuka tona Wakantanka oie kin naḣonpi, qa ecen econpi kin hena iś iyotan wicayawaśtepi ce.

Johannes 14:21

Tuwe mitawoahope yuho c̣a, hena ope cinhan he waśtemadake cin ee; qa tuwe waśtemadake cinhan, Atewaye cin he waśtedake kta, qa miś nakun waśtewadake kta, qa en mihdutanin kta ce.

Johannes 14:23

Jesus waayupte c̣a heciya; Tuwe waśtemadake cinhan mioie kin yuhe kta; qa Atewaye cin waśtedake kta, qa tukten un kinhan en unhipi kta, qa ti kin en kici unyakonpi kta.

Johannes 15:5

Hastanhanka iyuwi kin he miye, adetka kin he niyepi. Tuwe mici un qa miś kici waun kin he waskuyeca ota icaḣya; miye kin en icunonpa yaunpi kinhan takudan oyakihipikte śni.

Johannes 6:56

Tuwe miceḣpi yute c̣a mawe yatke cin he mici un, qa miś kici waun.

Roma 8:1

Heon etanhan, nakaha tona Jesus Messiya en un kin, hena wiconṭe iwicayacopi wanin unpi, wicaceḣpi eciyatanhan manipi śni tuka Woniya kin eciyatanhan.

I. Korinth 1:30

Tuka iye eciyatanhan Jesus Messiya en unyakonpi; he unkiyepi on Wakantanka eciyatanhan woksape, qa woowotanna, qa woyuecedan, qa wokajuju ikicaga.

II. Korinth 5:17

Hecen tuwo Messiya en un kin he wanna wicaśta teca; taku tannike cin hena enakiyapi; iho, taku owasin teca icaga.

II. Korinth 5:21

Tuwe woaḣtani sdonkiye śni un qon he, unkiyepi on woaḣtani kagapi; hecen iye en Wakantanka toowotanna unkicagapi kta.

Jakob 2:22

Qa iye oḣan kin kici wacinye cin token oḣanye c̣a, wicoḣan on wacinye ciqon he yuśtanpi e wandaka he.

I. Johannes 3:24

Tuwe tawoahope kin opecinhan, he Wakantanka kici un, qa iś iye kin en un; unkan Woniya unqupi kin he eciyatanhan iye unkicipi un kin he sdonunyanpi ece.

I. Johannes 4:17

Deciyatanhan wocantekiye unkiyepi en unkiciyuśtanpi ece, hecen woyaco anpetu kin en wowaditake unhapi kta: iye un kin unkiś iyecen wicoicage kin den unyakonpi ece.

I. Johannes 4:18

Wacantkiyapi kin en wokokipe wanica, tuka wacantkiyapi yuśtanpi kin he wokokipe tankan eḣpeya ece; wokokipe kin he wicocante śica yuha ece; tuwe wakokipe cin he nahanḣin wacantkiyapi kin en yuśtanpi śni.

I. Johannes 5:2

Deciyatanhan Wakantanka cinca kin waśtewicundakapi kin sdonunkiyapi, Wakantanka waśteundakapi qa tawoahope kin tanyan unkiciyuhapi kinhan.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.

II. Johannes 1:6

Qa wacantkiyapi kin he dee, tawoahope kin eciyatanhan maunnipi kte cin hee. Woahope kin he dee, Otokahe ekta taku nayaḣonpi qon he ohna mayanipi kte cin.

Wayuotanin 12:17

Unkan wamduśka kin he winoḣinca kin on śinhda, qa winoḣinca cinca wicaye cin, tona Wakantanka tawoahope kin ahopapi, qa Jesus Messiya wootanin tawa yuhapi kin hena azuwicaya.

Wayuotanin 14:12

Wicaśta owotanna apepi kin he de en un, qa tona Wakantanka tawoahope opapi qa Jesus wacinyanpi kin hena.