I. Johannes 2:3 - Dakota Wowapi Wakan Kin

³ Unkan deciyatanhan iye kin wanna sdonunyanpi e sdonunkiyapi, tawoahope unkokicipapi kinhan.

I. Johannes 2:3 ပူးပေါင်းရင်းမြစ်များ

Lukas 6:46

Unkan tukeca, Itancan, Itancan, emayakiyapi ece, qa taku epe cin ecen ecanonpi śni he.

Johannes 14:15

Waśte mayadapika hecinhan, mitawoahope kin tanyan yuha po.

Johannes 15:10

Mitawoahope kin duhapi kinhan, mitowaśte kin he kici yaunpi kta; Ate tawoahope mduhe cin heon towaśte kin kici waun kin he iyececa.

Johannes 15:14

Taku econ ciśipi kin owasin ecen ecanonpi kinhan takuciyapi yaunpi.

Johannes 17:3

Unkan owihanke wanin wiconi kin he dee, wowicake Wakantanka niye e sdonniyanpi kta, qa Jesus Messiya uyaśi qon.

II. Korinth 4:6

Wakan tanka iyoyanpa kin otpaza etanhan yege śi qon he uneantepi kin iyoyamunyanpi, Jesus Messiya itohnako kin eciyatanhan, Wakantanka towitan wosdonye iyoyanpa kin unqupi kte cin heon.

Hebrew 5:9

Qa iye yuśtanpi kin heon tona anagoptanpi kin owasin owihanke wanin wiconi kin wicakicaga.

I. Johannes 2:13

Hunkakeniyanpi kin, tuwe otokaheya tanhan un kin he sdonyayapi kin heon wowapi cicagapi. Kośkapi kin, tuwe śice cin he ohiyayapi kin heon wowapi cicagapi.

I. Johannes 3:14

Hunkawanjinkiciyapi waśtewicunkidapi kin heon wiconṭe etanhan wiconi e ekta unkiyohipi sdonunkiyapi; tuwe hunkawanjitku waśtekida śni kin he wiconṭe ehna un.

I. Johannes 3:19

Unkan deciyatanhan wowicake eciyatanhan unyakonpi, qa iye itohnake kin en cante unhduṭinzapi kta e sdonunkiyapi.

I. Johannes 3:6

Tuwe iye en un kin he waḣtani śni; tuwe waḣtani ece kin he iye kin tohinni wanyake śni, qa nakun sdonye śni.

I. Johannes 4:13

Heciyatanhan unkiye kici unyakonpi, qa iye unkicipi un kin sdonunyanpi ece, iye Taniya unqupi kin heon.

I. Johannes 4:7

Waśtecicidapi kin, otoiyohi canteunkiciciyapi kte; wacantkiyapi kin he Wakantanka eciyatanhan un; qa tuwe wacantkiye cin he Wakantanka eciyatanhan tonpi, qa Wakantanka sdonya.

I. Johannes 5:19

Wakantanka eciyatanhan unyakonpi kin he sdonunkiyapi; qa wicoicage kin ocowasin woaḣtani en wanka.

I. Johannes 5:2

Deciyatanhan Wakantanka cinca kin waśtewicundakapi kin sdonunkiyapi, Wakantanka waśteundakapi qa tawoahope kin tanyan unkiciyuhapi kinhan.

I. Johannes 5:3

Wakantanka waśtedakapi kin he dee, tawoahope kin tanyan ounpapi kin he; unkan tawoahope kin wośitkihda śni.

Wayuotanin 12:17

Unkan wamduśka kin he winoḣinca kin on śinhda, qa winoḣinca cinca wicaye cin, tona Wakantanka tawoahope kin ahopapi, qa Jesus Messiya wootanin tawa yuhapi kin hena azuwicaya.

Wayuotanin 14:12

Wicaśta owotanna apepi kin he de en un, qa tona Wakantanka tawoahope opapi qa Jesus wacinyanpi kin hena.

Wayuotanin 22:14

Tona tawoahope kin ecen econpi kin hena wicayawaśtepi, hecen wiconi can kin en ya okihipi kta, qa tiyopa kin ohna otonwe kin timahen yapi kta.