I. Johannes 2:1 - Dakota Wowapi Wakan Kin

¹ Micinca cikcistinpidan, wayaḣtanipi kte śni e heon dena decen wowapi cicagapi. Unkan tuwe waḣtani kinhan Ateyapi kin ekta Wawiciya wan unhapi, Jesus Messiya owotanna kin hee.

I. Johannes 2:1 ပူးပေါင်းရင်းမြစ်များ

Lukas 10:22

Atewaye cin he taku owasin yuhemakiya; qa Cinhintkuyapi kin he tuwe kin tuwedan sdonye śni, Ateyapi kin heceyedan; qa Ateyapi kin iś tuwe kin, Cinhintkuyapi kin iye qa tona owicakiyake kte cin henana sdonyapi ece.

Johannes 10:15

Ate token sdonmakiye cin he iyecen miś Ate sdonwakiya; qa taḣinca kin hena on wiconi mitawa kin eḣpewakiya.

Johannes 13:33

Hokśiyoqopa ehake ptenyedan ocipapi kta. Amayakitapi kta, qa Juda oyate ewicawakiye ciqon; Tokiya mde cin ekta yaipi kta oyakihipi śni ce; he iyecen nakaha eciciyapi.

Johannes 14:16

Hehan Ate cewakiye kta, unkan wicakicanpte wan tokeca ntc̣upi kta, he owihanke wanin nicipi un kta.

Johannes 14:6

Unkan Jesus heciya; Canku, qa wowicake, wiconi ko he miye; tuwedan Ateyapi kin en u śni, miye eciyatanhan ecedan en u ece.

Johannes 21:5

Unkan Jesus hewicakiya, Hokśiyopa, taku yutapi duhapi he. Unkan, Hiya, eyapi.

Johannes 5:14

Hehan iyohakam tipi wakan en wicaśta kin he Jesus wanyaka, unkan, Wanyaka ye, wanna anisni; icimana waḣtani śni wo; okinni ake taku wanji śica sanpa tanka iyanihde kta ce, eciya.

Johannes 5:36

Tuka Johannes sam iyeya tanka wayaotanin mduha; wicoḣan ecamon kta Ate maqu qon hena e ecamon ece; Ate umaśi e yuotanin kin hena ee.

Johannes 6:27

Taku yutapi on wicatakuni śni heon ḣtanipi śni po; tuka taku yutapi owihanke wanin wiconi hehanyan kte cin hee on ḣtani po, he Wicaśta Cinhintku kin nic̣upi kta; Wakantanka Ateyapi kin wanna he askamton.

Johannes 8:11

Han, Itancan, tuwedan śni, eya. Miś eya ciyaco śni, hunktiya wo, tokata yeye cin icimana waḣtani śni wo, Jesus eciya.

Olianyanpi kin 7:52

Wicaśta wokcan kin tukte wanji e nihunkakepi kin śicaya kuwapi śni he. Wanji Owotanna un kin he u kte cin tona oyakapi qon hena wicaktepi; qa he qe niś niyepi wanna iyopeyayapi qa yaktepi.

Roma 5:10

Toka unyakonpi qehan he icunhan, iye Cinhintku ṭe cin eciyatanhan, Wakantanka kici okiciciye unyanpi hecinhan, he sam iyeya kici okiciciya unyakonpi kin, iye ni un kin eciyatanhan ni unyanpi kta.

Roma 6:15

Hecen tokeca kta; woope kin ihukuya unyakonpi śni, tuka wowaonśida ihukuya unyakonpi kin heon etanhan waunḣtanipi kta he. Hiya hecetu śni.

Roma 8:34

Tuwe wayaco kta he. Tuwe ṭe ciqon he Messiya ee, qa ake piya ikicage cin hee, Wakantanka etapa kin eciyatanhan yanke c̣a, unkiyepi on wocekiye eciya.

I. Korinth 15:34

Wicoḣan owotanna on ihduhicapi, qa waḣtanipi śni po. Wanjikji Wakantanka sdonyapi śni. Winiśtecapi kte cin heon hena hecen epe.

II. Korinth 5:21

Tuwe woaḣtani sdonkiye śni un qon he, unkiyepi on woaḣtani kagapi; hecen iye en Wakantanka toowotanna unkicagapi kta.

Galatia 4:19

Micinca, niyepi kin en Messiya icaḣyapi kte cin heon ake hokśiksuya waun.

Ephesos 2:18

He eciyatanhan Woniya wanjidan on, napin Ateunyanpi kin ekta kiyedan ipi kin he unhapi.

Ephesos 4:26

Śinyahdapi eśta, waḣtanipi śni po. Canniniyanpi ecen wi iyaye śni nunwe.

I. Timotheos 2:5

Taku Wakan wanjidan, qa Taku Wakan qa wicaśta kiei wiciyotahedan un kin wanjidan, Jesus Messiya wicaśta kin hee.

I. Timotheos 3:14

Dena hecen wowapi cicaga, kohanna niye en ciu kta wacin.

Hebrew 9:24

Messiya tipi wakan nape on kagapi kin he mahen i śni, tipi wakan ḣinca iyacinpi kin hena ee; tuka maḣpiya kin e qe mahen, qa heciya unkiyepi on Wakantanka itokam ihdutanin kta.

Jakob 1:27

Wakantanka qa Ateyapi kin itokam woohodapi opapi ecedan qa aśape śni kin he dee; Wamdenica qa wiwazica kakijapi eca en wicahipi, qa wicoicage kin en taku iyaonpepica śni ihduhapi kin hee.

Jakob 3:9

He on Wakantanka Ateyapi kin unyawaśtepi; qa he on wicaśta akantu, Wakantanka ouncage iyecen kagapi kin hena wicunyaśicapi ece.

I. Inyan 2:22

Iye qe woaḣtani takudan econ śni, qa i kin ohna wohnaye takudan iyeyapi śni;

I. Inyan 3:18

Messiya iś eya wancadan woaḣtani on kakija, owotanna un kin owotanpidan śni kin hena on, Wakantanka ekta unkaupi kta e heon, wicaceḣpi kic̣un ktepi, tuka Woniya kin on kiniyanpi.

I. Johannes 3:18

Micinca cikcistinpidan, wicoie qa wicaceji ecedan on wacanunkiyapi kte śni, tuka wicoḣan qa wowicake kin on.

I. Johannes 3:5

Unkan iye ihdutanin qon, waunḣtanipi kin yutokan iyeye kta e heon, he sdonyayapi; qa iye kin woaḣtani takudan en un śni.

I. Johannes 3:7

Hokśiyopa cikcistinpidan, ihnuhan tuwe nihnayanpi kinhan; tuwe taku owotanna econ ece kin he owotanna, iye kin owotanna un kin iyececa.

I. Johannes 4:4

Kokśiyopa cikcistinpidan, Wakantanka eciyatanhan yaunpi, qa hena ohiwicayayapi; tuwe en niunpi kin he tuwe wicoicage en un kin isanpa tanka.

I. Johannes 5:17

Taku śica econpi kin owasin woaḣtani; unkan woaḣtani wiconṭe iyohi śni kin heca yukan.

I. Johannes 5:21

Hokśiyopa cikcistinpidan, taku wakagapi kin itehan ihduha po. Amen.

III. Johannes 1:4

Micinca wowicake kin eciyatanhan manipi nawaḣon kin heon wowiyuśkin iyotan tanka mduha, takudan kape śni.