I. Johannes 1:3 - Dakota Wowapi Wakan Kin

³ Taku wanunyakapi qa naunḣonpi kin he unkoniciyakapi, hecen niye unyecicapi kta; unkan awicakehan Ateyapi kin kici okiciciya unyakonpi, qa nakun iye Cinhintku Jesus Messiya kici.

I. Johannes 1:3 ပူးပေါင်းရင်းမြစ်များ

Johannes 17:11

Wanna oyate kin dematanhan śni, tuka iye e oyate kin en opeya ni unpi, qa miye wanna nitankiyadan waku kta. Ate wakan, nicaje kin on dena mayaqu qon hduha wo, hecen unwanjidan qon iś iyecen wanjidan kta.

Johannes 17:21

Hecen on owasin wanjipidan kta, niye kin iyecen, Ate, miyecica, qa miś cicica; qa hecen iś unkicicapi kta; qa oyate kin niye u mayaśi kin he wicadapi kta.

Johannes 17:25

Ate owotanna, oyate kin sdonniyanpi śni ye, tuka miye sdonciye ciqon, qa dena iś niye e u mayaśi kin he sdonyapi.

Johannes 17:3

Unkan owihanke wanin wiconi kin he dee, wowicake Wakantanka niye e sdonniyanpi kta, qa Jesus Messiya uyaśi qon.

Johannes 19:35

Tuwe wanyake c̣a yaotanin kin he wayaotanin kin he wowicake. Wowicake eye cin he sdonkiya, qa hecen on wicayadapi kta.

Olianyanpi kin 13:32

Unkan unkiye wotanin waśte unkoniciyakapi, hunkake wicunyanpi taku iwahowicaye ciqon,

Olianyanpi kin 13:41

Tona ayaktapi śni kin, wawanyakapi qa inihanpi qa yutakuni śni iyeic̣iya po; anpetu nitawapi kin en wicoḣan wanji ecamon kta, qa wicoḣan kin he tuwe oniciyakapi eśta wicayadapi kte śni ce.

Olianyanpi kin 2:42

Qa yewicaśipi kin taku onspewicakiyapi kin en katinyan opapi ece, qa om taku yuhapi, aguyapi kiyuśpapi qa wocekiye eyapi kin en ece unpi.

Olianyanpi kin 20:27

Wakantanka tawacin kin ocowasin ociciyakapi qa takudan anawaḣbe śni.

Olianyanpi kin 4:20

Taku sdonunyanpi qa naunḣonpi qon hena oyake śni unyakonpi kta e unkokihipi śni.

Roma 15:27

Hecon iyokipipi; taku iwicakicazopi kin iyecen unpi nakaeś. Hena taku wakan yuhapi qon en Ikcewicaśta opapi hecinhan, taku wicaceḣpi ekta un kin hena on itkom owicakiyapi kta iyececa.

I. Korinth 1:30

Tuka iye eciyatanhan Jesus Messiya en unyakonpi; he unkiyepi on Wakantanka eciyatanhan woksape, qa woowotanna, qa woyuecedan, qa wokajuju ikicaga.

I. Korinth 1:9

Wakantanka wacinyepica, iye Cinhintku Jesus Messiya Itancan unkiyapi kin takodakiciyapi tawa kin en nicopi.

I. Korinth 15:1

Tuka, mihunkawanji, wotanin waśte unkoniciyakapi, qa iyacupi qon en ayahanpi kin he sdonye ciciyapi.

Ephesos 3:6

Hecen Ikcewicaśta kin nakun kici tawayapi kte c̣a, kici tancan wanjipidan kta, qa Messiya tawotanin waśte kin eciyatanhan wahoyapi qon he en opapi kta.

Philippi 1:7

Hecen niyepi owasin wacin en ciyuzapi kte cin he hecetu, cante en mayaduzapi kin heon; makaśkapi kin, ga wotanin waśte omdake c̣a mdasuta kin he en, qa nakun wowaśte mitawa kin en niyepi owasin oyapapi ece.

Philippi 2:1

Heon Messiya on iwicakiyapi yuke cinhan, qa wowaśtedake en imagagaic̣iyapi, qa Woniya kin en kodakiciyapi yuke cinhan, qa wacantkiyapi wowaonśida ko yuke cinhan,

Philippi 3:10

Hecen he iye sdonwaye kta, qa piya ikicage cin wowaśake kin, qa iye kakije cin okicipapi kin hena ko, iye ṭe cin ouncage kin en imacage kta:

Kolosse 1:13

He otpaza wowaśake kin etanhan unkiyuśpapi, qa iye Cinhintku waśte kidake cin tokiconze kin en ounye unkiyapi:

I. Thessalonike 1:10

Qa iye Cinhintku kin maḣpiya eciyatanhan u ayapepi kta, he wiconṭe etanhan najin kiya, Jesus wocanniye u kte cin etanhan eunhdakupi kin hee.

I. Timotheos 6:2

Qa tona itancan wacinyan unpi kin heca ihukuya unpi kinhan, hena śicewicakidapi kte śni, om hunkawanjinkiciyapi kin heon; tuka hena wacinyan unpi, qa waśtewicadakapi, qa taku waśte kin en owicakicipapi kin heon sanpa owicakiyapi kta. Hena hecen onspewicakiye c̣a wahokonwicakiya wo.

Hebrew 2:12

Qa hecen eya, Nicaje kin mihunkawanji owicawakiyake kta, qa okodakiciye kin cokata icidowan kta ce.

Hebrew 3:1

Heon, mihunkawanji wakan, maḣpiya tanhan wicakico kin en oyapapi kin, wounhdakapi kin on Jesus Messiya yeśipi qa Wawayuśna Itancan kin he awacin po.

Hebrew 3:14

Tokaheya wicaundapi kin he owihanketa sutaya unhapi kinhan, Messiya en ounpapi.

I. Inyan 5:1

Miye hunkayapi kin hemaca, qa Messiya kakije ciqon wanmdake c̣a, wowitan yutaninpi kte cin he en owapa, tona hunkayapi yaunpi kin ceciciyapi ce;

II. Inyan 1:16

Jesus Messiya Itancan unkiyapi towaśake qa hi kte cin hena unkoniciyakapi qehan, hitunkakanpi ksamya kagapi kin unkunpi śni, tuka iye tanka ḣince cin he iśta on wanunyakapi.

I. Johannes 1:1

Taku otokaheya tanhan un, taku naunḣonpi, qa iśta on wanunyakapi, opaunḣtapi qa nape on unzapi, Wiconi Oie kin hee.

I. Johannes 1:5

Hehan wotanin waśte iye eciyatanhan naunḣonpi qa unkoniciyakapi kin, Wakantanka he iyoyanpa, qa otpaza takudan en un śni kin he hee.

I. Johannes 1:7

Tuka iye iyoyanpa en un kin he iyecen iyoyanpa kin en maunnipi kinhan, otoiyohi okiciciya unyakonpi, qa iye Cinhintku Jesus Messiya we kin he woaḣtani owasin unkipakintapi kta.