I. Johannes 1:2 - Dakota Wowapi Wakan Kin

² Wiconi kin he ihdutanin; unkan Wiconi Owihanke Wanica Ateyapi kin kici un, qa unkiyepi kin en ihdutanin qon he wanunyakapi, qa unyaotaninpi qa unkoniciyakapi.

I. Johannes 1:2 ပူးပေါင်းရင်းမြစ်များ

Johannes 1:18

Tuwedan tohinni Wakantanka wanyake śni; tuka Cinhintku iśnana icaga Atkuku maku ohna un kin he sdonye unkiyapi.

Johannes 1:4

Iye kin en wiconi; qa wiconi kin he wicaśta iyoyamwicaye cin hee.

Johannes 10:28

Qa owihanke wanin wiconi wicawaqu; qa icimana owihankepi kte śni, qa minape kin etanhan tuwedan wicayuśpe kte śni.

Johannes 14:6

Unkan Jesus heciya; Canku, qa wowicake, wiconi ko he miye; tuwedan Ateyapi kin en u śni, miye eciyatanhan ecedan en u ece.

Johannes 15:27

Qa niś nakun omayadakapi kta, toka ehantanhan miyahna yaunpi qon heon.

Johannes 16:28

Atewaye cin eciyatanhan wau, qa oyate kin de en wicawahi Ake oyate kin eḣpewicawaye kta qa Ate ekta wahde kta.

Johannes 17:3

Unkan owihanke wanin wiconi kin he dee, wowicake Wakantanka niye e sdonniyanpi kta, qa Jesus Messiya uyaśi qon.

Johannes 17:5

Unkan nakaha, Ate niye kin on miye mahdutan wo, wicoicage wanice cin he itokam wowitan niyeci hduha waun qon heon.

Johannes 19:35

Tuwe wanyake c̣a yaotanin kin he wayaotanin kin he wowicake. Wowicake eye cin he sdonkiya, qa hecen on wicayadapi kta.

Johannes 21:14

Piya ekicetu kin etanhan, de iyamni Jesus waonspewicakiye cin en ihdutanin.

Johannes 3:13

Nahaḣin tuwedan maḣpiya kin ekta i śni, tuwe maḣpiya kin eciyatanhan kuntkiya u, qa hi kin he Wicaśta Cinhintku kin hee, nahaḣin nakun maḣpiya kin ekta yanka.

Johannes 7:29

Tuka miye he sdonwakiya, he iye etanhan wahi, qa u maśi kin hee.

Johannes 8:38

Taku Ate ekta wamdake cin hena omdaka ece; qa niś niyate ekta taku wandakapi kin hee ecen ecanonpi ece.

Olianyanpi kin 1:22

Tokaheya Johannes baptem wicaqu qon hetanhan, anpetu kin en unkiyepi etanhan wankan eyakupi kin hehanyan, hena etanhan, piya ikicage cin, wanji unkiyopeyapi oyaka ece e kta, eya.

Olianyanpi kin 10:41

Oyate kin iyuḣpa śni, tuka tona otokaheya ekta Wakantanka wicakaḣnige ciqon hena en, waayataninpi kin unkiyepi, wiconṭe etanhan piya ikicage cin iyotiakam kici wauntapi qa waunyatkanpi ece.

Olianyanpi kin 2:32

Jesus iye qe Wakantanka ekicetuye cin he unkiyepi owasin unyaotaninpi ece.

Olianyanpi kin 3:15

Qa Wiconi Itancan kin he yaktepi; he qe Wakantanka wicaṭe cin etanhan najinkiye cin unkiye unkoyakapi ece.

Olianyanpi kin 5:32

Unkan unkiye, iye on, wicoie kin hena unkoyakapi ece, qa Woniya Wakan tona Wakantanka anagoptanpi wicaqu kin, he iś eya hena yuotanin ece.

Roma 8:3

Woope kin wicaceḣpi eciyatanhan waśake śni un qon he taku okihi śni kin hee Wakantanka econ, iye Cinhintku wicaceḣpi waḣtani ouncage kin en hiyuya, woaḣtani on, qa wicaceḣpi kin en woaḣtani yaco.

Galatia 4:4

Tuka wanna anpetu iyehantu qehan, Wakantanka iye Cinhintku kin u śi, winoḣinca wan etanhan icage c̣a woope kin oḣdateya kagapi.

I. Timotheos 3:16

Unkan he taku aiepica śni, Wakantanka awacinpi kin he wowiyukcan tanka; Wakan tanka wicaceḣpi en ihdutanin qon, Woniya kin on yaowotanna kagapi, maḣpiya ohnihde kin wanyakapi, Ikcewicaśta kin ekta oyakapi, wicoicage kin en wicadapi, qa wowitan kin ekta wankan ehdakupi.

II. Timotheos 1:10

Tuka wanna hdutanin, Jesus Messiya Wanikiya unkitawapi taniniciye cin on, he wiconṭe ihangye c̣a, wotanin waśte kin en, wiconi qa ṭepica śni unpi kin iyoyanpa en au.

Titos 1:2

Qa owihanke wanin wiconi opapi kte cin, Wakantanka itonśni okitpani, in aka kagapi kin itokam iwahounyanpi qon he on;

I. Inyan 5:1

Miye hunkayapi kin hemaca, qa Messiya kakije ciqon wanmdake c̣a, wowitan yutaninpi kte cin he en owapa, tona hunkayapi yaunpi kin ceciciyapi ce;

I. Johannes 1:1

Taku otokaheya tanhan un, taku naunḣonpi, qa iśta on wanunyakapi, opaunḣtapi qa nape on unzapi, Wiconi Oie kin hee.

I. Johannes 2:25

Unkan wahoyapi qon taku iwahounyanpi kin, owihanke wanin wiconi kin hee.

I. Johannes 3:5

Unkan iye ihdutanin qon, waunḣtanipi kin yutokan iyeye kta e heon, he sdonyayapi; qa iye kin woaḣtani takudan en un śni.

I. Johannes 3:8

Tuwe woaḣtani econ ece kin he wakanśica eciyatanhan un; otokaheya tanhan wakanśica kin waḣtani ece. Heon etanhan Wakantanka Cinhintku kin ihdutanin, wakanśica oḣan kin ihangye kte cin heon.

I. Johannes 4:14

Unkan wanunyakapi, qa Ateyapi kin Cinhintku ukiya, wicoicage kin ekta, Wanikiya hee kta e he unyaotaninpi.

I. Johannes 4:2

Deciyatanhan Wakantanka Taniya kin sdonyayapi kta; woniya kin tona Jesus Messiya wicaceḣpi un hi oyake cin hena Wakantanka eciyatanhampi ece.

I. Johannes 5:11

Unkan wayaotanin qon he dee, Wakantanka wiconi owihanke wanica unqupi kin he; unkan wiconi kin he iye Cinhintku kin en un.

I. Johannes 5:13

Wakantanka Cinhintku caje kin wacinyayapi kin dena wowapi cicagapi kin; wiconi owihanke wanica duhapi e sdonyakiyapi kta, qa Wakantanka Cinhintku caje kin wacinyayapi kta e heon.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.