I. Inyan 5:9 - Dakota Wowapi Wakan Kin

⁹ Sutaya wacinyayapi kin on he kipajin po; nihunkawanjipi maka akan unpi kin hena en wokakije kin dena iyececa yuśtanpi ece e sdonyayapi.

I. Inyan 5:9 ပူးပေါင်းရင်းမြစ်များ

Lukas 22:32

Tuka wacinyaye cin he iyotpani kte śni e wocekiye eciciya; qa tohan niś niyuhomnipi kinhan, nihunkawanji wicahduwaśaka wo, eya.

Johannes 16:33

Wookiye amayaduhapi kta heon etanhan hena heciciyapi. Oyate kin de en wokakije duhapi kta; tuka wiyuśkin po, miye oyate kin ohiwicawaya ce.

Olianyanpi kin 14:22

Qa waonspewicakiyapi nagipi kin waśag wicakiyapi, qa wacinyanpi kin en kitanyan unpi kta e iwahokonwicakiyapi, qa wokakije ota iyoopteya Wakantanka tokiconze kin en unkipi kta ce.

I. Korinth 10:13

Wowiyutanyan wan wicaśta sdonyapi śni ece kin en uniupi śni. Wakantanka wacinyepica, hecen wawoyakihipi kin isanpa iyutanniyanpi kta iyowinye kte śni, tuka wowiyutanyan kin he enakiye kta, hecen oyakihipi kta.

Ephesos 4:27

Qa Wakanśica kiyukanpi śni po.

Ephesos 6:16

Qa owasin akapa tanhan wowacinye wahacanka kin icu po, he on wicaśta śica tunwanhinkpe ide kin owasin yusni oyakihipi kta.

Kolosse 2:5

Wicaceḣpi on, ekta waun śni eśta, woksape kin un cicipi waun, imduśkin, nioḣanpi owotanna kin, qa Messiya sutaya wacinyayapi kin he wanyag waun.

I. Thessalonike 3:3

Qa hecen wicokakije kin dena on tuwedan pahohopi kte śni, hena ehna eunhdepi kin niye sdonyayapi.

I. Timotheos 6:12

Wowacinye okicize waśte kin he en econ wo, owihanke wanin wiconi kin he icu wo, he en nicopi qa waayataninpi ota itokam wohdakapi waśte ecen oyahdake ciqon.

II. Timotheos 3:12

Qa tona Jesus Messiya en owotanna oḣanyan cinpi kin hena owasin śicaya wacakuwapi kta.

II. Timotheos 4:7

Okicize waśte kin ecamon, woinyanke kin ihuniwakiya, wacinyanpi kin he hduha waun;

Hebrew 11:33

Hena wacinyanpi kin eciyatanhan wokiconze kin ohiyapi, wicoḣan owotanna oḣanyanpi, wahoyapi kin icupi, mnaja kin iohmusyapi;

Hebrew 12:8

Tuka owasin en opapi ece kin iyecen iyopeniyanpi śni kinhan, tuwe cinca tanin śni kin henicapi, qa cinhintkuyapi un kin henicapi śni.

Jakob 4:7

Heon etanhan, Wakantanka ihukuya iyeic̣iya po. Wakanśica kipajin po, kinhan nanicipapi kta.

I. Inyan 1:6

Heon nina iduśkinpi ece, tuka nakaha ptenyedan, he hecetu naceca, taku wawiyutanyan un kin ota on iyoniciśicapi:

I. Inyan 2:21

Unkan he on nicopi; Messiya unkiyepi on kakije c̣a woonspe aiḣpeunkiyapi kin he iyecen niś eya iye owe kin en opa dapi kta.

I. Inyan 3:14

Tuka owotanna oḣanyanpi kin on śicaya nicuwapi kinhan, he wowaśte; hecen wokokipe tawapi kin kokipapi śni, qa cante hahayedan yankapi śni po:

I. Inyan 4:13

Tuka Messiya kakije ciqon en oyapapi kin heon iyuśkin po; hecen tohan towitan tanin kinhan nina iduśkinpi kta.

Wayuotanin 1:9

Johannes hunkawanjinyayapi, wokakije, qa wokiconze, wowaḣbadan ko, Jesus Messiya tawa kin en, tawaśi yayapi kin he miye; Wakantanka oie qa Jesus Messiya wohdake cin on etanhan, wita wan, Patmos eciyapi, hen waun.

Wayuotanin 6:11

Unkan hena otoiyohi wokoyake ska wicaqupi, qa ptecedan ape yukanpi kta, tona om taokiye unpi qon, qa iye hunkawanjitkupi kin, iś iyepi iyecen wicaktepi kte cin he yuśtanpi kta hehanyan, kewicakiyapi.

Wayuotanin 7:14

Unkan, Itancan, niye sdonyaya ce, epa. Unkan hemakiya; Wicokakije tanka etanhan upi qon dena eepi, unkan wokoyake hdujajapi, qa Amnos we kin on hduskapi.