I. Inyan 5:5 - Dakota Wowapi Wakan Kin

⁵ Nakun, tona aśkatudan yaunpi kin, hunkawicayapi kin anawicagoptan po: Han, owasin otoiyohi anakicigoptan po, qa wowaḣbadan koyaka po. Tona waḣanic̣idapi kin hena Wakantanka wicakipajin, tuka tona onśikiḣanpi kin hena wowaonśida wicaqu ece.

I. Inyan 5:5 ပူးပေါင်းရင်းမြစ်များ

Lukas 22:26

Tuka niś henicecapi kte śni; tuka niyepi kin ekta tukte wanji tokapa kinhan, hee hakakta kin iyecece kta ce.

Roma 12:10

Hunkawanjin kiciyapi waśte kicidakapi kin he on otoiyohi cante en kiciyuza po, qa woyuonihan on otoiyohi iyotan kicidaka po.

Roma 13:14

Tuka niye Jesus Messiya Itancan kin he koyaka po, qa wicaceḣpi wocantiheye śice cin ecetu yapi kta e on takudan kicamnanpi śni po.

Ephesos 5:21

Qa Wakantanka kokipeyahan otoiyohi tokan ihukun iyeic̣iya po.

Philippi 2:3

Waakinicapi qa ihdatanpi kin on takudan ecanonpi kte śni, tuka waḣbayedan yaunpi, qa otoiyohi niye isanpa tokan waśte yecidakapi kta.

Kolosse 3:12

Heon etanhan, owotanna yaunpi qa waśtenidakapi kin, Wakantanka wicakaḣnige cin iyecen, wocantekiye koyaka po, qa wowaonśida, waḣanic̣idapi śni, wicowaḣbadan, qa wacintankapi kin hena ko.

I. Timotheos 5:1

Hunkayapi wan iyopeye śni wo, tuka ateyapi un kin iyecen wahokonkiya wo, qa tona hakaktapi kin hena nihunkawanji iyececapi kta;

Hebrew 13:17

Tona wahokonniciyapi kin hena anawicakigoptan po, qa wicihukuya yeic̣iya po, hena ninagipi kin on awanniyakapi, ohdakapi kte cin he iyecen; hecan wowiyuśkinyan econpi kta, qa woiyokiśinya econpi kte śni; he niyepi kin on waśte.

Jakob 4:6

Tuka sanpa wowaonśida wicaqu ece; heon heya, Wakantanka waḣanic̣idapi kin wicakipajin, tuka tona onśikiḣanpi kin hena wowaonśida wicaqu ece.

I. Inyan 3:8

Ehake, owasin cante wanjidan hduwitaya onśikicida po; hunkawanjinkiciyapi kin iyecen waśtekicida po, waonśidapi qa wacantkiya po.

I. Inyan 4:1

Heon etanhan, Messiya wicaceḣpi en unkiyepi on kakije cin heon, niś eya iyecen tawacin kic̣un po: tuwe wicaceḣpi kin en kakije cin he wanna woaḣtani ayuśtan:

I. Inyan 4:5

Hena e tuwe ni unpi ṭapi koya wicayaco kta wiyeya yanke cin hee itokam wohdakapi kta.