I. Inyan 5:4 - Dakota Wowapi Wakan Kin

⁴ Hecen Waawanhdake Itancan kin tohan ihdutanin kinhan, hehan wowitan wateśdake wan śnije kte śni kin he iyacupi kta.

I. Inyan 5:4 ပူးပေါင်းရင်းမြစ်များ

Johannes 10:11

Waawanhdake waśte kin he miye. Waawanhdake waśte kin he taḣinca kin on wiconi tawa eḣpekiya.

I. Korinth 9:25

Tuwe kaśta kici econ kte cinhan taku owasin iyatahde ic̣iye śni un. Hena wateśdake atakuni kte śni kin yekiyapi kta, tuka unkiye wateśdake ohinniyan un kte cin he unkakitapi.

II. Timotheos 4:8

Qa tokata, woowotanna wateśdake wan mihnakapi, he Itancan wayaco owotanna kin maqu kta, anpetu kin he en; qa miye miśnana śni, tuka tona iye taninic̣iye kte cin waśtedakapi kin hena owasin koya.

Hebrew 13:20

Unkan, Wookiye Wakantanka kin, Jesus Itancan unkiyapi, taḣinca awanwicahdake tana kin he, wiconṭe etanhan ake hiyuye ciqon he wicotakuye owihanke wanica we kin eciyatanhan,

Jakob 1:12

Wicaśta iyutanyanpi kin he yawaśtepi ece; tohan tanyan yukcanpi kinhan, hehan wiconi wateśdake, Itancan kin tona waśtedakapi iwahowicaye ciqon, hee icu kta.

I. Inyan 1:4

Woaiḣpeye wan ḣwinpica śni, aśapapi śni, qa ohinniyan un kta, maḣpiya ekta enicihnakapi kin on;

I. Inyan 2:25

Taḣin wanunyanpi nunipi kin iyenicecapi; tuka wanna tuwe wonniyanpi qa nagi awanniyakapi kin he ekta yahdipi.

I. Inyan 5:2

Wakantanka optaye tawa ehna yaunpi kin he wonwicaya po; econ niciyapi kin iyecece śni, tuka iyokipiya awanwicadakapi kta; woyuha śica kin on etanhan śni, tuka tawacin waśte on ecanonpi kta:

I. Johannes 3:2

Waśtecicidapi kin, wanna Wakantanka cinca kin heuncapi; qa tounkecapi kte cin hinaḣin tanin śni: tuka iye kin ihdutanin kinhan, iyeuncecapi kta e sdonunkiyapi; he token un kin wanunyakapi kta nakaeś.

Wayuotanin 1:7

Wanyaka po, maḣpiya śapa kin akan u; unkan wiciśta owasin wanyakapi kta, qa tona he capapi qon hena nakan, qa iye on oyate maka ohnaka kin owasin aic̣ipapi kta. Hecetu nunwe. Amen.

Wayuotanin 2:10

Token nicakije kte cin ihnuhan taku koyakipe cin. Iho, Wakanśica niyepi wanjikji wicakaśka tipi kin en iyeniyanpi kta, iniyukcanpi kta e heon; unkan anpetu wikcemna hehanyan wokakije duhapi kta; tuka wicaṭe cin hehanyan wicaka wo, kinhan wiconi wateśdake wan cic̣u kta.

Wayuotanin 3:11

Iho ecadan wau kta; taku duhe cin he ṭinsa yuza wo, hecen ẉateśdake nitawa kin tuwedan nici kte śni.