I. Inyan 5:2 - Dakota Wowapi Wakan Kin

² Wakantanka optaye tawa ehna yaunpi kin he wonwicaya po; econ niciyapi kin iyecece śni, tuka iyokipiya awanwicadakapi kta; woyuha śica kin on etanhan śni, tuka tawacin waśte on ecanonpi kta:

I. Inyan 5:2 ပူးပေါင်းရင်းမြစ်များ

Lukas 12:32

Optaye cistinna kin, wikopapi śni po; wokiconze kin hee nic̣upi kta e Ateyayapi kin iyokipi ece.

Olianyanpi kin 20:29

Miye imdamde cinhan, hehan śunktokeca ocin śicapi kin niyepi en niipi kta, qa taḣinca kin itonwicapapi kte śni he sdonwaya.

Olianyanpi kin 21:13

Tuka Palos, Token ecanonpi qa yaceyapi, qa hecen cante mayadutakunipi śni he, Jesus Itancan caje kin on Jerusalem ekta makaśkapi, qa nakun maṭe kta e wiyeya manka ce, eya.

Roma 1:15

Hecen token owakihi kin, niyepi nakun Roma ekta yaunpi kin, wootanin waśte kin ociciyakapi kta wacin.

I. Korinth 9:7

Tohantu kaśta tuwe iyunwin codan zuya iyaya he; tuwe hastanhanka iyuwi kin huhde qa etanhan waskuyeca yute śni he; qa tuwe taḣinca optaye wan hduhe c̣a optaye kin etanhan asanpi yute śni he.

I. Timotheos 3:3

Miniśa en iyeiciye śni, waawicape śni, mazaska nina akite śni; tuka wacintanka, wacinko śni, waicucu wacin śni;

I. Timotheos 3:8

Iś eya hunkayapi un kin hena nakun wacinksapapi kta, ceji jatapi śni, miniśa en iyeiciyapi śni, qa mazaska nina akitapi kte śni:

Titos 1:11

Hena iohmus wicayapi kta iyececa; hena e qe tiyohnaka ocowasin yaptanyan iyewicayapi, qa mazaska waḣteśni kin on taku iyecetu śni kin onspewicakiyapi ece.

Titos 1:7

Waawanhdake cin he takudan iyaonpepica śni un kta, he Wakantanka taokiye kin ee; iśnana wacin en ihduze śni, wacinko śni, miniśa en iyeic̣iye śni, ohitiic̣ida śni, qa mazaska nina akite kte śni;

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

Titos 3:1

He kiksuyewicaya wo, taku itancanpi qa wicowaśake kin hena ihukun iyeic̣iyapi kta, wicaśtayatapi kin anawicagoptanpi kta, qa wicoḣan waśte owasin econpi kta, on wiyeya yukanpi kta.

Philemon 1:14

Tuka token yacin kin sdonye śni waun takudan ecamon kte śni; taku waśte econ niśipi kin he iyecen ecanon kte śni, tuka niye cinka econ wacani kta he wacin.

Hebrew 12:15

Qa tuwe Wakantanka to waonśida kin iyohi kte śni naceca, heon aic̣iciya iwanihdaka po, okinni can hute paza icage c̣a, nugiyeniyanpi kta, qa hecen wicota aśamyapi kta.

II. Inyan 2:3

Qa waicu wacinpi kin eciyatanhan wicoie skuyn on wiyopeniyanpi kta; hena e wicayacopi kin wanakajatanhan en awicau, qa ihangwicayapi kte cin he ḣba śni.