I. Inyan 5:14 - Dakota Wowapi Wakan Kin

¹⁴ Wacantkiyȧpi iiputakapikin on otoiyohi nape kiciyuza po. Tona Jesus Messiya en yaunpi kin owasin wookiye nicipi un nunwe. Amen.

I. Inyan 5:14 ပူးပေါင်းရင်းမြစ်များ

Roma 16:16

Otoiyohi iiputakapi wakcan kin on napekiciyuza po. Messiya taokodakiciye kin napeniyuzapi.

Ephesos 6:23

Hunkawanjin kiciyapi kin en wookiye un nunwe, qa wowaśte, wowacinye ko, Wakantanka Ateyapi, qa Jesus Messiya Itancan kin eciyatanhan.

Roma 8:1

Heon etanhan, nakaha tona Jesus Messiya en un kin, hena wiconṭe iwicayacopi wanin unpi, wicaceḣpi eciyatanhan manipi śni tuka Woniya kin eciyatanhan.

I. Korinth 16:20

Hunkawanjin kiciyapi kin owasin nape niyuzapi. Iiputakapi wakan kin on otoiyohi i ikiciputaka po.

Roma 1:7

Tona Roma ekta un kin owasin, Wakantanka waśte wicakida, yaowotanpidan kte cin on wicakico kin hena, wowapi cicagapi. Wowaonśida, wookiye ku, Wakantanka ateunyanpi, qa Jesus Messiya Itancan kin etanhan, nicipi un nunwe.

II. Korinth 5:17

Hecen tuwo Messiya en un kin he wanna wicaśta teca; taku tannike cin hena enakiyapi; iho, taku owasin teca icaga.

I. Korinth 1:30

Tuka iye eciyatanhan Jesus Messiya en unyakonpi; he unkiyepi on Wakantanka eciyatanhan woksape, qa woowotanna, qa woyuecedan, qa wokajuju ikicaga.

Johannes 20:26

Unkan anpetu śahdogan iyohakam, hehan ake waonspewicakiye cin mahen yukanpi, qa Thomas owicapeya un. Hehan Jesus en hi, tiyopa onatag han, qa wicacokaya inajin, qa, Wookiye nicipi un nunwe, ewicakiya.

Johannes 20:19

Anpetu kin he anpetu tokaheya kin ee, ihtayetu kin he en waonspewicakiye cin, Juda oyate kowicakipa, qa aonaic̣itag yukanpi, en Jesus wicacokaya inajin, qa, Wookiye nicipi un kte, ewicakiya.

Johannes 16:33

Wookiye amayaduhapi kta heon etanhan hena heciciyapi. Oyate kin de en wokakije duhapi kta; tuka wiyuśkin po, miye oyate kin ohiwicawaya ce.

Johannes 14:27

Wokiyapi aiḣpeciyapi; wookiye mitawa cic̣upi: wicaśta akantu kicic̣upi he iyecen cicupi śni. Ihnuhan cante niśicapi qa kopehda yaunpi kinhan.

I. Thessalonike 5:26

Iiputakapi wakan kin on hunkawanjin kiciyapi kin owasin i iwicaputaka po.

II. Korinth 13:12

Otoiyohi iiputakapi wakan kin on i ikiciputaka po. Wicaśta owotanna un kin owasin i iniputakapi.

I. Inyan 1:2

Wakantanka Ateyapi kin otokaheya tanhan sdonwicaye cin eciyatanhan, qa Woniya wicayuecedan kta on wicakaḣniga, anagoptanpi kta, qa Jesus we kin awicamnimni kta e on, hena wowapi wicakicaga: Wowaonśida en niunpi, qa wookiye niciyuotapi nunwe.

Mattheos 5:47

Qa aunka wicayayapi kin henana napewicaduzapi kinhan, taku econpi ece sanpa tukte e ecanonpi he; wamnayanpi kin hena eepi kaeś heconpi śni he.

III. Johannes 1:14

Tuka ecadan wanciyake kte, qa i eciyatanhan onkokiciciye kta wacin.