I. Inyan 5:12 - Dakota Wowapi Wakan Kin

¹² Siluanos nihunkawanjipi wan wacinyepica wadake cin on wowapi ptecedan cicagapi; wahokonciciyapi qa wociciyakapi, Wakantanka towaśte wicakapi en nayajinpi kin he dee ce.

I. Inyan 5:12 ပူးပေါင်းရင်းမြစ်များ

Johannes 21:21

Inyan he wanyaka unkan Jesus heciya, Itancan, de iś taku e akipe kta he.

Olianyanpi kin 11:23

He ekta i, unkan Wakantanka towaonśida kin wanyake c̣ehan iyuśkin, qa cante kin ocowasin on Itancan kin opapi kta e owasip iwahokonwicakiya.

Olianyanpi kin 15:22

Hehan iś iyepi kin etanhan wicaśta kaḣnigapi kin heca, Judas Barsabas eciyapi, qa Silas, hunkawanjin kiciyapi kin en wicaśta okinihan, hena Palos qa Barnabas kici, Antiyoka ekta ye wicaśipi kta e, yewicaśipi kin, hunka wicayapi kin, okodakiciye kin owasin ko iyokipipi.

Olianyanpi kin 20:24

Tuka hena takuwada śni, qa wiconi mitawa kin teḣike wakida śni, iyuśkinyan ihunniyan waimnanke kta, qa wicoḣan Jesus Itancan maqu kin, Wakantanka towaonśida wotanin waśte omdake kte cin hee tanyan mduśtan kinhan.

Roma 5:2

Qa he iye eciyatanhan en unhiyupi, wowaonśida en ahan naunjinpi kin en, wacinyanpi kin on etanhan, qa Wakantanka towitan kin ape unkiyuśkinpi ece.

I. Korinth 15:1

Tuka, mihunkawanji, wotanin waśte unkoniciyakapi, qa iyacupi qon en ayahanpi kin he sdonye ciciyapi.

II. Korinth 1:19

Miye, qa Siluanos, qa Timotheos, Jesus Messiya Wakantanka Cinhintku kin unkoniciyakapi qon he, han, qa hiya, hee śni, tuka iye kin on, han ecedan.

II. Korinth 1:24

Wacinyuyapi kin on wowidag unniyanpi śni, tuka widuśkinpi kin en ounniciyapi kta. Wacinyanpi on sutaya nayajinpi ece.

Ephesos 3:3

Token woyakapi kin on wowiyukcan kin he sdonye makiya; he wanna wicoie tonana on wakaga:

Ephesos 6:21

Tuka taku mitawa kin, token waun kin he nakun, sdonyayapi kta e heon Tucikos hunkawanjin kiciyapi wan waśte dakapi, qa Itancan kin en ookiye owotanna kin he taku kin owasin oniciyakapi kta:

Kolosse 1:7

Epaphras unkitawaśipi waśte, qa niyepi on Messiya taokiye wicake cin he hena hecen onspeniciyapi;

Kolosse 4:7

Tucikos hunkawanjin kiciyapi waśtedakapi, qa waawanhdake owotanna, mici Itancan taokiye kin hee token waun kin owasin oniciyakapi kta.

Kolosse 4:9

Qa ne kici Onesimos ye waśi, he hunkawanjin kiciyapi owotanna, qa waśte enitanhanpi kin. Heniyoza taku owasin den un kin oniciyakapi kta.

I. Thessalonike 1:1

Palos, qa Siluanos, qa Timotheos, Thessalonike ekta okodakiciye kin, Wakantanka Ateyapi kin en, qa Jesus Messiya Itancan kin en un kin, wowapi wicakicagapi: Wowaonśida, wookiye ko, Wakantanka Ateunyanpi etanhan, qa Jesus Messiya Itancan kin nakun, niyepi en nicipi un nunwe.

II. Thessalonike 1:1

Palos, qa Siluanos, qa Timotheos, Thessalonike ekta okodakiciye Wakantanka Ateunyanpi, qa Jesua Messiya Itancan kin en un kin hena, wowapi wicakicagapi;

Hebrew 13:22

Mihunkawanji, ceciciyapi ce, wowahokonkiye wicoie kin iyowinkiya po, wicoie tonana on wowapi cicagapi.

I. Inyan 1:13

Heon etanhan, nitawacin nisehu kin opta ipiyagkiton po, waktaya un po, qa Jesus Messiya ihdutanin kinhan wowaśte nicaupi kte cin he ape yukan po, owihanke kin hehanyan.

I. Inyan 4:10

Taku wicaqupi kin wicaśta otoiyohi icu kin he iyecen iyakitedan okinikiciciya po, tona Wakantanka towaonśida ocaje ota tanyan yuhapi kin iyececa.

II. Inyan 1:12

Heon etanhan taku hececa ohinniyan kiksuyeciciyapi kta awektonje kte śni, hena niye ḣinca sdonyayapi, qa nakaha wowicake kin de en sutaya nihdepi eśta.

II. Inyan 2:15

Canku owotanna kin ayuśtanpi, qa onuniyata unpi, Balaam Bosor cinhintku woaḣtani iyunwin waśtedake ciqon he tacanku kin en opapi:

III. Johannes 1:12

Demetrios owasin on tanyan oyakapi, qa wowicake kin nakun eciyatanhan; unkan unkiś eya he unyaotaninpi, qa waunyaotaninpi kin he wowicake e sdonyayapi

Judas 1:3

Waśtecicidapi kin, wiconi ptaya unhapi kin on aic̣iciya wowapi cicagapi eca, wowacinye ehanna wicaśta wakan wicaqupi qon he nina yakitanpi kta e un wowapi cicagapi, qa wahokonciciyapi kta iyececa.