I. Inyan 5:1 - Dakota Wowapi Wakan Kin

¹ Miye hunkayapi kin hemaca, qa Messiya kakije ciqon wanmdake c̣a, wowitan yutaninpi kte cin he en owapa, tona hunkayapi yaunpi kin ceciciyapi ce;

I. Inyan 5:1 ပူးပေါင်းရင်းမြစ်များ

Lukas 24:48

Qa taku kin dena oyakapi kte cin he niyepi ce.

Olianyanpi kin 1:22

Tokaheya Johannes baptem wicaqu qon hetanhan, anpetu kin en unkiyepi etanhan wankan eyakupi kin hehanyan, hena etanhan, piya ikicage cin, wanji unkiyopeyapi oyaka ece e kta, eya.

Olianyanpi kin 1:8

Tuka Woniya Wakan kin en nihipi kinhan, wowaśake duhapi kta; hehan Jerusalem en, qa Juda makoce kin owancaya, qa Samaria qa maka ihanke kin hehanyan mayadaotaninpi kta ce.

Olianyanpi kin 11:30

Hecen econpi, qa Barnabas Salos kici napepi kin on hunka wicayapi kin wicakai wicaśipi.

Olianyanpi kin 14:23

Unkah okodakiciye otoiyohi en hunka wicayapi kin wicakagapi, qa wote śni wocekiye eyapi qehan, Itancan wicadapi qon he awanwicahdake kta e icekiyapi.

Olianyanpi kin 15:4

Unkan Jerusalem ekta ipi qehan, okodakiciye kin he, qa yewicaśipi kin, hunkawicayapi kin hena ko, tin hiyu wicakiyapi; hehan Wakantanka token econ wicakiye cin owasin ohdakapi.

Olianyanpi kin 15:6

Unkan wicoie kin de akiiapi kta e on yewicaśipi kin, hunkawicayapi ko witaya mniciyapi.

Olianyanpi kin 2:32

Jesus iye qe Wakantanka ekicetuye cin he unkiyepi owasin unyaotaninpi ece.

Olianyanpi kin 20:17

Unkan Miletos etanhan ye wicaśi, qa Ephesos en okodakiciye hunkawicayapi kin wicakico.

Olianyanpi kin 20:28

Heon tanyan piic̣iyapi, qa optaye owasin en, Woniya Wakan waawanhdake nicagapi kin hena koya, qa Wakantanka taokodakiciye kin, iye we kin on opekiton qon he awanhdaka po.

Olianyanpi kin 21:18

Unkan ihanḣanna kin hehan, Palos kici Jakob ekta unyanpi; unkan hunkawicayapi kin owasin en yukanpi.

Olianyanpi kin 3:15

Qa Wiconi Itancan kin he yaktepi; he qe Wakantanka wicaṭe cin etanhan najinkiye cin unkiye unkoyakapi ece.

II. Korinth 5:1

Makata wakeya unkitawapi kin de yujujupi kinhan, Wakantanka ticage cin tipi nape codan kagapi kin, maḣpiya ekta, owihanke wanin yanke cin he unhapi e sdonunyanpi.

II. Korinth 5:8

Cante unwaśtepi, tuka tancan kin de ohna unkanpi śni, qa Itancan kin kici unyakonpi kta e he iyotan uncinpi ece.

Philippi 1:19

Nitawocekiyepi, qa Jesus Messiya Taniya wawokiye cin on, he wiconi emicicetu kta sdonwaya.

I. Timotheos 5:1

Hunkayapi wan iyopeye śni wo, tuka ateyapi un kin iyecen wahokonkiya wo, qa tona hakaktapi kin hena nihunkawanji iyececapi kta;

I. Timotheos 5:19

Waayatanin nonpa, qa yamni duhe śni kinhan, hunka yapi un kin wanji en wiyaonpapi aupi kin anagoptan śni wo.

II. Timotheos 4:8

Qa tokata, woowotanna wateśdake wan mihnakapi, he Itancan wayaco owotanna kin maqu kta, anpetu kin he en; qa miye miśnana śni, tuka tona iye taninic̣iye kte cin waśtedakapi kin hena owasin koya.

Titos 1:5

He etanhan Krete en yanke ciśi, taku tona yuśtanpi śni kin hena wiyeya eyahnake kta, qa otonwe otoiyohi en hunkayapi wicayakage kta e on; token econ ciśi qon iyececa.

Philemon 1:9

Tuka wacantkiyapi kin eciyatanhan ceciciya ce, Palos he miye, wanna wimacaḣinca, qa nakaha Jesus Messiya on kaśka mahnakapi waun.

Hebrew 12:1

Heon etanhan waayataninpi maḣpiya śoka wan hinsko tanka aohdute unyanpi kin, hecen taku tkeya qinpi kin owasin eunhnakapi kta, woaktani ohiunyanpi ece kin he koya, qa oinyanke unkitokam wanke cin he wacin tankaya unkinyankapi kta.

I. Inyan 1:12

Unkan, iś iyepi kte śni, tuka tona wotanin waśte, Woniya Wakan maḣpiya eciyatanhan kun u śipi kin iyahna sdonyeniyanpi kin eqe nakaha taku oniciyakapi kin hena unkiyepi on yuhapi e owicakiyakapi; taku kin hena maḣpiya ohnihde kin en eyokasin wacinpi.

I. Inyan 1:7

Hecen wacinyayapi iyutanpi kin, he mazaskazi peta ece on śdoyapi keś atakuni śni ece, sam iyeya nina teḣike cin he woyaonihan, wicakinihanpi qa wowitan on tanin kta, tohan Jesus Messiya ihdutanin kinhan.

I. Inyan 4:13

Tuka Messiya kakije ciqon en oyapapi kin heon iyuśkin po; hecen tohan towitan tanin kinhan nina iduśkinpi kta.

I. Inyan 5:4

Hecen Waawanhdake Itancan kin tohan ihdutanin kinhan, hehan wowitan wateśdake wan śnije kte śni kin he iyacupi kta.

I. Johannes 3:2

Waśtecicidapi kin, wanna Wakantanka cinca kin heuncapi; qa tounkecapi kte cin hinaḣin tanin śni: tuka iye kin ihdutanin kinhan, iyeuncecapi kta e sdonunkiyapi; he token un kin wanunyakapi kta nakaeś.

II. Johannes 1:1

Hunkayapi un kin, Kuria kaḣnigapi qon wowapi kicaga; iye cinca kin, wowicake eciyatanhan waśtewicawadake cin hena om, qa miśnana śni, tuka nakun tona wowicake sdonyapi kin hena owasin;

III. Johannes 1:1

Hunkayapi waun kin, Gayos waśtedakapi kin, wowicake en waśtewadake cin he, wowapi cicaga.

Wayuotanin 1:9

Johannes hunkawanjinyayapi, wokakije, qa wokiconze, wowaḣbadan ko, Jesus Messiya tawa kin en, tawaśi yayapi kin he miye; Wakantanka oie qa Jesus Messiya wohdake cin on etanhan, wita wan, Patmos eciyapi, hen waun.