I. Inyan 4:7 - Dakota Wowapi Wakan Kin

⁷ Tuka taku owasin ecadan owihanke kta. Heon etanhan wacinksapa po, qa wocekiye on waktaya un po.

I. Inyan 4:7 ပူးပေါင်းရင်းမြစ်များ

Mattheos 24:42

Heon etanhan waktaya un po, wihiyayedan oape tukte en Itancan nitawapi u kta sdonyayapi śni.

Mattheos 25:13

Heon etanhan kiktahan un po, anpetu qa wihiyayedan oape kin tukte wanji en, Wicaśta Cinhintku kin hi kte cin he sdonyayapi śni.

Lukas 21:34

Unkan itonic̣ipa po; okinni tukten wotapi, qa witkopi, qa wiconi kin de awacinpi kin, hena on nicantepi kin niyuśakapi kta naceca; qa hecen sdonyakiyapi śni ecen anpetu kin he nihiyohipi kte.

Lukas 21:36

Heon ohinniyan wakta po, qa cekiya po; hecen taku hiyohi kte cin dena owasin icunom idadapi, qa Wicaśta Cinhintku kin itokam nayajinpi kta iyececa niyawapi kta ce.

Lukas 22:46

Qa hewicakiya; Tokeca niśtinmapi he: najinpi qa cekiya po; hecen wowiyutanye kin en yaipi kte śni.

Roma 12:12

Woape en wiyuśkinpi; kakijapi kin en icunhan wacintankapi; qa wocekiye eya yukan po.

I. Korinth 15:24

Qa hehan owihanke kta, tohan wokiconze kin Wakantanka Ateyapi kin kicu kta; wokiconze owasin, qa wicowaśake owasin, qa wookihi kin ihangye cinhan.

I. Korinth 7:29

Tuka mihunkawanji kaken epe kta; Wanna tokata ptenyedan; tona winoḣinca yuhapi kin hena winoḣinca tonpi śni kin iyecen unpi kte.

Ephesos 6:18

Wocekiye qa wokidapi owasin on Woniya kin en, ohinniyan tona owotanna un kin on cekiya po, qa heon woape owasin wokidapi ko yuha kiktahan un po:

Philippi 4:5

Niwaḣbapidan kin he wicaśta owasin sdonyapi kta. Itancan kin kiyadan un.

Kolosse 4:2

Ohinniyan cekiya un po, qa he en wopida eya wakta po.

II. Timotheos 4:5

Tuka niye q̇e taku owasin en wakta yaun kta, wicokakije en waditaka wo; wotanin waśte oyakapi wicoḣan kin ecen econ wo; wicoḣan duhe cin he hduśtan wo.

Titos 2:12

Wakantanka aktapi śni, qa wicoicage cantiheyapi kin hena eḣpeunyanpi kta, qa nakaha wiconi kin en, wacinksamya, owotanna, wakanyan unnipi kta e onspeunkiyapi.

Hebrew 10:25

Qa wanjikji econpi kin iyecen mniunkiciyapi ece kin he unkayuśtanpi kte śni; tuka wahokonuhkiciciyapi kta; qa anpetu kin he kiyadan u wandakapi kinhan, sanpa nina ecanonpi kta.

Hebrew 9:26

He iyececa unkanś, maka kagapi kin ehantanhan, wanna ota akihde kakije kta tuka; tuka nakaha woicage ihanke kin en, iye waihduśna kin eciyatanhan, woaḣtani yutokan iyeye kta e on taninic̣iya.

I. Inyan 1:13

Heon etanhan, nitawacin nisehu kin opta ipiyagkiton po, waktaya un po, qa Jesus Messiya ihdutanin kinhan wowaśte nicaupi kte cin he ape yukan po, owihanke kin hehanyan.

I. Inyan 3:7

Nakun wicaśta yaunpi kin, wosdonye eciyatanhan om yukan po, nitawinpi wakśica wankadan iyececa, qa om wiconi wowaśte kin tawanic̣iyapi kta iyecen wicahduonihan po; hecen wocekiye nitawapi kin kagipi kte śni.

I. Inyan 5:8

Witkopi śni po, waktaya un po; Wakanśica tokaniyanpi kin he mnaja hoton ece kin iyecen omani un, tuwe yapote kte cin he akita ece.

Wayuotanin 16:15

Iho, wamanon sa wan iyecen wau ce. Tuwe kiktahan un, qa wokoyake kpatan kin he yawaśtepi ece, hecen tancodan mani kte śni, qa wiśtece cin wanyakapi kte śni.