I. Inyan 4:6 - Dakota Wowapi Wakan Kin

⁶ Heon etanhan, nakun tona ṭapi kin hena wotanin waśte owicakiyakapi qon, hecen wicaśta wicaceḣpi en un kin iyecen wicayacopi eśta woniya en Wakantanka eciyatanhan nipi kta.

I. Inyan 4:6 ပူးပေါင်းရင်းမြစ်များ

Mattheos 24:9

Hehan wicokakije en yeniyanpi kta qa niktepi kta; qa micaje on oyate owasin śicenidapi kta.

Roma 8:2

Wiconi Woniya toope kin Jesus Messiya en un kin, he woaḣtani wiconṭe ko woope kin etanhan makiyuśka.

Galatia 2:19

Wakantanka on wani kta e heon, woope eciyatanhan, woope kin ekta mata ce.

Galatia 5:25

Woniya kin unkicinipi kinhan, Woniya kin unkopapi kta.

I. Inyan 1:12

Unkan, iś iyepi kte śni, tuka tona wotanin waśte, Woniya Wakan maḣpiya eciyatanhan kun u śipi kin iyahna sdonyeniyanpi kin eqe nakaha taku oniciyakapi kin hena unkiyepi on yuhapi e owicakiyakapi; taku kin hena maḣpiya ohnihde kin en eyokasin wacinpi.

I. Inyan 3:18

Messiya iś eya wancadan woaḣtani on kakija, owotanna un kin owotanpidan śni kin hena on, Wakantanka ekta unkaupi kta e heon, wicaceḣpi kic̣un ktepi, tuka Woniya kin on kiniyanpi.

I. Inyan 3:19

Nakun he on ekta ye c̣a wicanagi wicakaśka tipi ohna unpi kin hena wowicakiyaka;

Wayuotanin 14:18

Unkan maḣpiya ohnihde tokeca wan wahna wośnapi kin etanhan u, he peta on wowaśake yuha. Qa he tuwe isan śkopa pe ḣinca yuhe cin he panyanhan hoyekiye c̣a heya, Isan śkopa pe ḣinca nitawa kin ekta yekiye c̣a make hastanhanka kin mnayan wo; hastanhanka iyage kin wanna sapa ce.