Qa iyokipiya maunnipi kta, anpetu kin en iyececa. Hanyetu wacipi qa witkopi kin en unkopapi kte śni; wicawihomnipi qa wicinpi, wakinicapi qa winawizipi kin hena en ounpapi kte śni.
Qa niś niyepi kin hunḣ henicecapi tuka, tuka niyujajapi; tuka niyuwakanpi; tuka niyuowotanpidan, Jesus Itancan kin cajeyan qa Wakantanka unkitawapi Taniya kin on.
Qa okinni ekta wau kinhan, niyepi kin en Wakantanka mitawa kin iyokiśin maye kta, qa tona wanna woaḣtani econpi, qa taku aśape cin, wiinaḣmanpi, qa wicawihomnipi econpi kin on iyopeiciyapi śni kin hena awicawakiceye kta naceca, he kowakipa.
Wicaśta wanjikśi naḣmana en opapi, wanakajatanhan woyaco kin de on owicawapi; hena Taku Wakan iyececapi śni, qa Wakantanka unkitawapi towaonśida kin he wicowicaśtaśni kagapi, qa Wakantanka ecedan Itancan kin he anaḣmanpi, qa nakun Jesus Messiya Itancan unyanpi kin.