I. Inyan 4:2 - Dakota Wowapi Wakan Kin

² Hecen, hetanhan icimana wicaceḣpi eciyatanhan ni kte śni, wicaśta taku śica cantiheyapi kin en, tuka Wakantanka tawacin kin eciyatanhan.

I. Inyan 4:2 ပူးပေါင်းရင်းမြစ်များ

Mattheos 12:50

Tuwe kaśta Ate maḣpiya ekta un tawacin kin ecen econ kinhan he mihunkawanji qa mitawinoḣtin qa mihun ee.

Mattheos 20:4

Qa hewicakiya; Niś eya hastanhanka iyuwi ojupi kin en ya po; kinhan token owotanna cicupi kta ce. Unkan en iyayapi.

Mattheos 21:31

Denaoza unma tukte atkukupi tawacin kin ecen econpi he. Unkan, Tokapa kin, eciyapi. Hehan Jesus hewicakiya; Awicakehan heciciyapi; Wamnayanpi qa wawiciḣaḣapi econpi sa niyepi nitokam Wakantanka tokiconze kin en yapi kta.

Mattheos 7:21

Tona, Itancan, Itancan, emakiyapi kin owasin maḣpiya wokiconze kin en yapi kte śni; tuka tuwe Atewaya maḣpiya ekta un kin tawacin kin ecen econ kinhan hee en un kta.

Markos 3:35

Tuwe Wakantanka tawacin kin ecen econ kinhan, he mihunkawanji ee, mitawinoḣtin qa inawaye cin nakun.

Markos 7:21

Mahentanhan, wicacante kin etanhan wicotawacin śica hiyu; wawiciḣaḣapi, wiinaḣmanpi, tinwicaktepi,

Johannes 1:13

Hena wicawe eciyatanhan śni, qa wicaceḣpi tawacin kin eciyatanhan śni, qa nakun wicaśta tawacin kin eciyatanhan śni, tuka Wakantanka eciyatanhan wicatonpi.

Johannes 7:17

Tuwe iye tawacin ecen econ wacin kinhan, woyakapi kin de Wakantanka eciyatanhan hecinhan, qa iś miye cinka hena epa hecinhan, sdonye kta.

Roma 12:2

Qa wicoicage kin de en iyecen awacanipi kteśni, tuka nitawacinpi yuecepidan kte cin on nihdutokecapi nunwe; hecen Wakantanka tawacin waśte, oiyokipi, qa hduśtanpi kin he tukte e idukcanpi kta.

Roma 14:7

Unkiyepi kin tuwedan iye ḣinca on ni śni, qa tuwedan iye ḣiuca on ṭe śni.

Roma 6:11

He iyecen niś eya woaḣtani on ṭo nihdawapi, tuka Wakantanka ekta ni yannpi, Jesus Messiya Itancan unkiyapi kin eciyatanhan.

Roma 6:2

Hiya hecetu śni. Tona woaḣtani ekta unṭapi kin, token he en nakun unnipi kta he.

Roma 7:4

Heon etanhan, mihunkawanji, niś eya Messiya tancan kin eciyatanhan woope kin ekta niṭapi kin; hecen tuwe tokeca hihnayayapi kta, tuwe wicaṭe cin etanhan ekicetuyapi qon he hee; hecen Wakantanka on waskuyeca icaḣunyanpi kta.

II. Korinth 5:15

Qa he de unkiyukcanpi, wanji owasin on ṭe cinhan hehan owasin ṭapi tuka; qa owasin on ṭe cin, heon tona nipi kin hena iś iyepi on nipi kte śni, tuka tuwe hena on ṭe c̣a ake kini kin hee on nipi kta.

Ephesos 2:3

Hena om, unkiyepi owasin ehanna unnipi, unceḣpipi wacin yuze cin en, wicaceḣpi wicotawacin ko wacinpi kin ecetu unyanpi, qa unmanpi kin iyecen wocantiyahde cinca kin neuncapi.

Ephesos 4:17

Heon kaken epe c̣a Itancan kin on mdaotanin; Ikcewicaśta tokeca wicotawacin witkotkopi kin en manipi kin he iyecen mayanipi kte śni.

Ephesos 5:17

Heon etanhan wacin ksapa po, qa Itancan token tawacin in sdonya po.

Ephesos 6:6

Wanniyakapi ecedan śni, wicaśta iyokipiwicayapi kin iyececa; tuka Messiya taokiye kin iyececa, nagi kin eciyatanhan, Wakantanka tawacin kin ecen ecanonpi kta.

Kolosse 1:9

Heon anpetu kin he naunḣonpi; kin ehantanhan niyepi on cekiya unkayaśtanpi śni, qa woksape owasin, wookaḣnige ko en, iye tawacin sdonyapi kin on, onijupidan kte cin he unkidapi ece.

Kolosse 3:3

Niṭapi, qa nitowiconi kin he Messiya kici, Wakantanka en naḣmanpi.

Kolosse 4:12

Epaphras enitanhanpi kin, Messiya taokiye kin hee nape niyuzapi; he ohinniyan wocekiye en, niyepi on nina cekiya, Wakantanka tawacin kin owasin en, owotanna, qa ecedan nayajinpi kte cin heon.

I. Thessalonike 5:18

Taku owasin on wopida eya po. He niyepi on Jesus Messiya en Wakantanka tawacin kin hee.

Hebrew 13:21

Iye tawacin kin ecen ecanonpi kta e, wicoḣan waśte owasin en niyusutapi kte, qa taku iye iśta kin en oiyokipi kin ecaniconpi kta, Jesus Messiya eciatanhan; he wowitan owihane wanica kicihan nunwe.

Jakob 1:18

Iye tawacin kin eciyatanhan, wowicake oie kin on cinca unkagapi, hecen taku kage cin ehna unkiye waskuyeca tokaheya iyeuncecapi kta.

I. Inyan 1:14

Wicacinca waanagoptanpi kin iyenicecapi kta, qa ehanna wasdonye śni yaunpi qehan cantiheyayapi śica ake iyecen nic̣icagapi kte śni.

I. Inyan 2:1

Heon etanhan, wocanniye owasin, qa wohnaye ocowasin, qa woanakiḣbe, qa wowinawizi, qa iapi śica iyuḣpa eḣpeya po;

I. Johannes 2:17

Unkan wicoicage kin de atakuni kte śni, qa wocantiheye kin nakun; tuka tuwe Wakantanka tawacin kin yuhe cinhan, he owihanke wanin ounye kta.