I. Inyan 4:13 - Dakota Wowapi Wakan Kin

¹³ Tuka Messiya kakije ciqon en oyapapi kin heon iyuśkin po; hecen tohan towitan tanin kinhan nina iduśkinpi kta.

I. Inyan 4:13 ပူးပေါင်းရင်းမြစ်များ

Mattheos 16:27

Wicaśta Cinhintku kin iye Atkuku towitan hduha taohnihdewicaye cin em u kta; hehan wicaśta otoiyohi iye oḣanpi kin eciyatanhan wicaqu kta.

Mattheos 25:21

Unkan yuhe cin heciya; Han, wowidake waśte qa wacinyepica; taku tonana on wacinyepica yaun, taku ota yuheciciye kta; niyuha towiyuśkin kin en opa wo.

Mattheos 25:23

Itancan tawa kin heciya; Han, wowidake waśte qa wacinyepica; taku tonana on wacinyepica yaun, ito taku ota yuheciciye kta; niyuha towiyuśkin kin en opa wo.

Mattheos 25:31

Tohan Wicaśta Cinhintku kin wowitan hduha, ohnihdewicaya wakan kin owasin om u kinhan, hehan wowitan oiyotanke tawa kin en kiyotanke kta:

Mattheos 25:34

Hehan Wicaśtayatapi kin tona etapa eciyatanhan unpi kin hena hewicakiye kta; U po, Ate eciyatanhan niyawaśtepi kin, wokiconze maka kagapi kin ehantanhan wiyeya niciyankapi kin he ito hduha po.

Mattheos 5:12

Wiyuśkinpi qa nina cante waśte po, maḣpiya ekta ocinyopeniyanpi tanka yanka; wicaśta wokcan nitokam unpi qon hena iś eya hecen wicakuwapi qon.

Markos 8:38

Heon etanhan tuwe, wicoicage wiinaḣman qa waḣtani sa kin de en, miye qa mioie kin on iśtece cinhan, tohan Wicaśta Cinhintku kin iye Atkuku towitan hduha, ohnihde wakan kin om u kinhan, wicaśta kin he on iśtece kta ce.

Lukas 17:30

Wicaśta Cinhintku kin yuotaninpi kte cin he iyecece kta ce.

Olianyanpi kin 16:25

Unkan hanye cokaya hehan, Palos Silas kici Wakantanka cekiyapi, qa yatan dowanpi; unkan wicaśta wicakaśkapi kin he naḣonpi.

Olianyanpi kin 5:41

Unkan iye omniciye kin etanhan hdapi, qa Jesus caje kin on wowiśtece en awicaupi iyececa wicayawapi kin heon wiyuśkinpi.

Roma 5:3

Qa hecedaii śni, nakun wokakije on unkiyuśkinpi ece; wokakije kin he wacin tankapi kaga e sdonunyanpi;

Roma 8:17

Unkan uncincapi kinhan tawayapi kte cin heuncapi; Wakantanka tawayapi; Messiya kici tawayapi kte cin; kici unkakijapi kinhan, nakun kici wowitan unhapi kta ce.

Roma 8:18

De nakaha wicokakije kin he, wowitan unkiyepi en ecadan yutaninpi kte cin kici akiyecen yawapi kta e iyecece śni wadaka.

II. Korinth 1:5

Hecen Messiya tokakije kin unkiyepi en unkiciyuotapi kin, he iyecen Messiya eciyatanhan wacintonhnag unyanpi kin he nakun unkiciyuotapi kta.

II. Korinth 1:7

Unkan niyepi kin on sutaya wacinunyanpi, wokakije kin en opeya yaunpi kin he iyecen wacintonhnakeyapi kin en oyapapi kta, sdonunyanpi.

II. Korinth 4:10

Ohinniyan untancanpi kin en Jesus Itancan ṭe cin he yuha unkanpi, hecen Jesus wiconi tawa kin untancanpi kin en taninyan un kta.

II. Korinth 4:17

Unkakijapi cistinna, qa ptecedan kin he wowitan ota ḣinca, ota ḣinca, owihanke wanin tke ḣinca unkicagapi kta.

Philippi 3:10

Hecen he iye sdonwaye kta, qa piya ikicage cin wowaśake kin, qa iye kakije cin okicipapi kin hena ko, iye ṭe cin ouncage kin en imacage kta:

Kolosse 1:24

Nakaha niyepi kin on etanhan makakije cin neon imduśkin, qa Messiya wokakije tawa, taku miceḣpi kin en yuśtanpi śni kin hena iye tancan kin, okodakiciye kin hee, on weciyuśtan kta.

II. Timotheos 2:12

Iye on unkakijapi kinhan, kici wicaśtayatapi unyakonpi kta. Qa unkiye eḣpeunyanpi kinhan, iś eya eḣpeunyanpi kta.

I. Inyan 1:13

Heon etanhan, nitawacin nisehu kin opta ipiyagkiton po, waktaya un po, qa Jesus Messiya ihdutanin kinhan wowaśte nicaupi kte cin he ape yukan po, owihanke kin hehanyan.

I. Inyan 2:21

Unkan he on nicopi; Messiya unkiyepi on kakije c̣a woonspe aiḣpeunkiyapi kin he iyecen niś eya iye owe kin en opa dapi kta.

I. Inyan 5:1

Miye hunkayapi kin hemaca, qa Messiya kakije ciqon wanmdake c̣a, wowitan yutaninpi kte cin he en owapa, tona hunkayapi yaunpi kin ceciciyapi ce;

I. Inyan 5:10

Tuka Wakantanka wowaonśida ocowasin hduhe cin, Jesus Messiya eciyatanhan, wowitan owihanke Wanica iye tawa kin en unkicopi kin he, tohan cistiyedan nicakijapi kinhan, niyuśtanpi kte, pahohośni enihnakapi, niyuwaśakapi, qa sutaya nihdepi nunwe.

Judas 1:24

Unkan tuwe woaḣtani econ śni niyuhapi kta okihi, qa wowiyuśkin yuha iye towitan kin en iyaonpepica śni enihdepi kte cin,

Wayuotanin 1:7

Wanyaka po, maḣpiya śapa kin akan u; unkan wiciśta owasin wanyakapi kta, qa tona he capapi qon hena nakan, qa iye on oyate maka ohnaka kin owasin aic̣ipapi kta. Hecetu nunwe. Amen.

Wayuotanin 1:9

Johannes hunkawanjinyayapi, wokakije, qa wokiconze, wowaḣbadan ko, Jesus Messiya tawa kin en, tawaśi yayapi kin he miye; Wakantanka oie qa Jesus Messiya wohdake cin on etanhan, wita wan, Patmos eciyapi, hen waun.