I. Inyan 4:11 - Dakota Wowapi Wakan Kin

¹¹ Tuwe ie cinhan Wakantanka oie kin iyecece kta; qa tuwe waokiya hecinhan wookihi Wakantanka qu kin he eciyatanhan kte; hecen taku owasin on Wakantanka yatanpi kta, Jesus Messiya eciyatanhan; iye qe woyatan qa wookihi owihanke wanin kiciun nunwe. Amen.

I. Inyan 4:11 ပူးပေါင်းရင်းမြစ်များ

Mattheos 6:13

Qa taku wawiyutanyan un kin en unkayapi śni po, tuka taku śice cin etanhan eunhdaku po: Wokiconze kin he niye nitawa, qa wowaśake kin, qa wowitan kin, owihanke wanic̣a. Amen.

Johannes 13:31

He tankan iyaya, hehan Jesus hey a; Wanna Wicaśta Cinhintku kin yutanpi, qa nakun iye eciyatanhan Wakantanka iś yutanpi.

Olianyanpi kin 7:38

Qa ḣewoskan makoce kin ekta okodakiciye kin kici un qon hee, Sina paha kin etu, maḣpiya ohnihde kin okiye c̣a nakun hunkake wicunyanpi kin; qa be wiconi oie kin unqupi kta e icu.

Roma 11:36

Iye etanhan, qa iye eciyatanhan, qa iye ohna taku owasin un; owihanke wanin wowitan kiciun nunwe.

Roma 12:3

Wowaonśida maqupi kin he eciyatanhan, tona niyepi ekta un kinotoiyohi hecen eciciyapi; Tuwedan token ihdukcan kte cin he isanpa ihdawa kte śni, tuka wacinksamya ihdukcan kta, Wakantanka otoiyohi wacinyanpi iyuta wicaqu kin he eciyatanhan.

Roma 16:27

Jesus Messiya on etanhan, Wakantanka ecedan ksape cin hee wowitan owihanke wanin kieihan nunwe.

Roma 3:2

Taku owasin on iyotan, tuka tokaheya Wakantanka oie kin wicaqupi qon he.

I. Korinth 10:31

Heon wayatapi qa wadatkanpi, qa taku kaśta ecanonpi kin owasin Wakanatanka yatanpi kta e on econ po.

I. Korinth 12:4

Unkan taku wicaqupi kin hena okonwanjidan śni, tuka Woniya kin e wanjidan.

I. Korinth 3:10

Wakantanka towaonśida maqupi kin eciyatanhan wicaśta ticaga ksape cin iyecen, taku ahehde kin ewahde, qa he akan wicaśta tokeca tipi kaga; tuka otoiyohi token ticage cin he on waktaya un kte.

I. Korinth 6:20

Taku tanka iyopeniyanpi, heon nitancanpi ninagipi ko on Wakantanka yatan po, hena Wakantanka tawa.

II. Korinth 2:17

Wicota Wakantanka oie kin hnayan kuwapi kin hena iyeuncecapi śni; tuka wowicake eciyatanhan, tuka Wakantanka eciyatanhan, qa Wakantanka itokam, Messiya unkoyakapi ece.

II. Korinth 9:13

Messiya tawootanin waśte kin en oyapapi e daotaninpi, qa hena taku ota wicayaqupi, qa owaain taku wicayaqupi kin he on wawokiyapi utapi kin de on etanhan Wakantanka yaonihanpi.

Ephesos 1:19

Qa tona wicaundapi kin en iye townśake tanka ḣinca woptecaśni kin he taku kin nakun, iye towaśake waśagya oḣanye cin eciyatanhan.

Ephesos 4:29

Wicoie śice cin owasin takudan niipi kin etanhan hinanpe śni nunwe, tuka taku waśte, on icaḣ yapi kta, tona naḣonpi kinhan wowaonśida wicaqu kte cin he ecedan.

Ephesos 5:20

Qa ohinniyan, taku owasin on, Wakantanka Ateyapi kin wopida eciya po, Jesus Messiya Itancan unkiyapi caje kin on:

Ephesos 6:10

Unkan ehake mihunkawanji, Itancan kin en waśagya un po, iye towaśake wicookihi kin on.

Philippi 1:11

Qa wicoowotanna waskuyeca kin on ojudan yaunpi nunwe, hena Jesus Messiya on Wakantanka woyatan qa wowitan tawa kin ee.

Philippi 2:11

Qa Wakantanka Ateyapi kin yatanpi kte cin on, Jesus Messiya he Itancan kin ee ce; wicaceji owasin eya oyakapi kta.

Kolosse 4:6

Ohinniyan iyaapi kin wowaonśida en un, qa miniskuya on skuyeyapi kta, hecen wicaśta otoiyohi token awicaduptapi kte cin sdonyayapi kta.

I. Thessalonike 2:4

Tuka token wotanin waśte kin unhapi kta e Wakantanka iyokipi kin he iyecen unkiapi ece; wicaśta iyokipiwicayapi kin iyecece śni, tuka Wakantanka cante unkiyukqanpi kin he.

I. Timotheos 1:17

Hecen Wicaśtayatapi owihanke wanica, ṭepica śni, qa wanyakepica śni un kin, Taku Wakan ecedan ksape cin hee, woyuonihan, wowitan ko, owihanke wanin kicihan nunwe.

I. Timotheos 6:16

He isnana wiconi hduhe c̣a, iyoyanpa en hiyohipica śni kin he en ounyan, wicaśta kin tuwedan he wanyake śni, qa nakun wanyaka okihi kte śni; he wowitan, qa wowaśake owihanke wanin kiciun nunwe.

Titos 2:1

Tuka niye qe taku woonspe ecedan en iyokipi kin hena ecen oie ya wo.

Titos 2:15

Hena wicoie kin hecen oie ye c̣a, wahokonwicakiye c̣a iyopewicaya wo. Ihnuhan tuwe śicenidake cinhan.

Hebrew 13:7

Tona awannihdakapi, Wakantanka oie kin oniciyakapi kin hena wicakiksuya po, hena wicoḣan ihanke kin he awacin po, qa wacinyanpi qon he en opa po:

Hebrew 5:12

Hinnakaha waonspekiya henicapi kta, tuka nahaḣin tuwe Wakantanka oie oowa tokaheya kin hena akta onspeniciyapi kta e iyenihantupi, qa tona asanpi ece cinpi, qa waconica yun okihipi śni kin hee en iyoniptapi.

Jakob 1:19

Heon etanhan, mihunkawanji waśte, wicaśta otoiyohi wanaḣon oḣanko kta, ie kapin kta, qa wacintanka kte:

Jakob 1:26

Tuwe niyepi kin etanhan woohodapi kin en opa se ececa hecinhan, qa ceji hdaśke śni, tuka iye cante ic̣ihnaye cinhan, he woohodapi ope cin he taku śni.

I. Inyan 2:12

Qa Ikcewicaśta ehna owotanna oḣanyan po; hecen śicaya econ keniciyapi keś, wiwicawangapi anpetu kin en, nioḣanpi waśte wanyakapi kte cin hena on Wakantanka yaonihanpi kta.

I. Inyan 2:5

Unkan niś eya, inyan ni un kin iyececa, tipi wakan wan en icaḣniyanpi, wawayuśnapi wakan kin, hecen wośnapi wakan qa Jesus Messiya eciyatanhan Wakantanka iyokipi kin waduśnapi kta.

I. Inyan 4:10

Taku wicaqupi kin wicaśta otoiyohi icu kin he iyecen iyakitedan okinikiciciya po, tona Wakantanka towaonśida ocaje ota tanyan yuhapi kin iyececa.

I. Inyan 4:16

Hececa eśta tuwe Messiya tawa kin on kakiśyapi kinhan iśtece kte śni; tuka heon Wakantanka yatan kta.

I. Inyan 5:11

Iye qe wowitan qa wokiconze kin owihanke wanin tawa nunwe. Amen.

Judas 1:25

Wakantanka ecedan ksapa, Wanikiya unkitawapi kin hee, Jesus Messiya Itancan unyanpi kin eciyatanhan, wowitan, woyaonihan, wookihi qa wokiconze, dehantu qa wicoicage owasin hehanyan, tawa nunwe. Amen.